ಡಿ.16-24: ಚೆರುಗೋಳಿ ಶ್ರೀ ಧೂಮಾವತಿ ಕೋಮಾರು ಚಾಮುಂಡಿ ದೈವೊಲ್ಯಡ್ ವರ್ಷಧಿದ ಜಾತ್ರೆ

ಕಾಸ್ರೋಡು: ಚೆರುಗೋಳಿ ಶ್ರೀ ಧೂಮಾವತಿ ಕೋಮಾರು ಚಾಮುಂಡಿ ದೈವೊಲ್ಯಡ್ ಶ್ರೀ ಉಳ್ಳಾಲ್ತಿ ಧೂಮಾವತಿ ಕೋಮಾರು ಚಾಮುಂಡಿ ಬಂಟ ದೈವೊಲೆನ ವರ್ಷಾಧಿದ ಚೆರುಗೋಳಿ (ಸೊರೋಲ್) ಜಾತ್ರೆ ಉಚ್ಚಯ ಡಿ.16ರ್ದ್ 24 ಮುಟ್ಟ ನಡಪರೆ ಉಂಡು.

ಡಿ.16 ಕ್ ಕೋರಿ ಕುಂಟ ಮೂರ್ತ, ಡಿ.22 ಕ್ ಗಣಹೋಮ, ಶುದ್ಧಿ ಕಲಶ ದೈವೊಲ್ಯಡ್, ಬಲಿವಾಡು ಕೂಟ-ಸಮಾರಾಧನೆ, ಸಾಮೂಹಿಕ ಪ್ರಾರ್ತನೆ ಅಂಬಾರ್ ಶ್ರೀ ಸದಾಶಿವ ದೇವಲ್ಯಡ್, ಭಜನೆ ಶ್ರೀ ಸತ್ಯನಾರಾಯಣ ಭಜನಾ ಸಂಘ ಚೆರುಗೋಳಿ ಮೊಕ್ಲೆರ್ದ್, ಶ್ರೀ ಐವರ್ ದೈವಂಗಳ ದರ್ಶನ ಕೂಟ, ಪ್ರಸಾದ ಕೊರಿಯೆರೆ, ನಂದ್ರಾಡಿ ಬಾರಿಕೆ ಶ್ರೀ ಧೂಮಾವತಿ ದೈವೋಲ್ಯ ಬೊಕ್ಕ ಇಚ್ಲಂಗೋಡು ಶ್ರೀ ನಾಗಬ್ರಹ್ಮ ಕೋಮಾರ್ ಚಾಮುಂಡೇಶ್ವರೀ ದೈವೊಲ್ಯರ್ದ್ ಶ್ರೀ ದೈವೊಲೆನ ಭಂಡಾರ ಪಿದಡುಂಡು. ಬೊಕ್ಕ ಶ್ರೀ ದೈವೊಲೆನ ಭಂಡಾರ ಶ್ರೀ ಸದಾಶಿವ ದೇವೆರೆನ ಸನ್ನಿಧಿಗ್ ಬತ್ ದ್, ದರ್ಶನ, ಬೊಕ್ಕ ದೈವೊಲ್ಯಡ್ ಭಂಡಾರ ಏರುಂಡು. ಬೊಕ್ಕ ಡಿ.23 ಕ್ ಶ್ರೀ ಜುಮಾದಿ ದೈವದ ನೇಮ, ಪರಕೆ, ಪ್ರಸಾದ ಕೊರಿಯೆರೆ, ಬೊಕ್ಕ ಓಲಸರಿ ಕಟ್ಟೆಗ್ ಶ್ರೀ ದೈವೊಲೆನ ವರ್ಷಾವಧಿ ಓಲಸರಿ, ಬೊಕ್ಕ ನಿಶ್ಮಿತಾ ಕೃಷ್ಣ ಕೂಟ ಕುಂಬಳೆ ಬಳಗರ್ದ್ ಸೊರೋಲ್ ಫೆಸ್ಟ್-2022 ನಡಪುಂಡು. ಬೊಕ್ಕ ಡಿ.24 ಕ್ ಶ್ರೀ ಬಬ್ಬರ್ಯ ದೈವದ ಕೋಲ, ಕೋಮಾರು ಚಾಮುಂಡಿ ಬಂಟ ದೈವದ ನೇಮ, ಪರಕೆ, ಪ್ರಸಾದ ಕೊರಿಯೆರೆ, ಓಲಸರಿ ಕಟ್ಟಿಗೆ ಶ್ರೀ ದೈವದ ವರ್ಷಾವಧಿ ಓಲಸರಿ, ಬೊಕ್ಕ ಉತ್ಸಾಹಿ ತರುಣ ವೃಂದ (ರಿ.) ಕಲ್ಲಡ್ಕ ನೆತ್ತ ಉತ್ಸಾಹಿ ಕಲಾವಿದೆರೆರ್ದ್ ಭೈರನ ಕನ ತುಳು ಹಾಸ್ಯಮಯ ನಾಟಕ ನಡಪರೆ ಉಂಡು. ಡಿ.25 ಕ್ ಶ್ರೀ ಉಳ್ಳಾಲ್ತಿ ದೈವದ ಕಟ್ಟೆಡ್ ತಂಬಿಲ, ದರ್ಶನ, ಬೊಕ್ಕ ಭಂಡಾರ ಜಪ್ಪೆರೆ. ಅಯಿರ್ದ್ ಬೊಕ್ಕ ದೈವೊಲ್ಯಡ್ ಶುದ್ಧಿ ಕಲಶ ನಡಪುಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.