ಕುಡ್ಲ: ಖ್ಯಾತ ಸಮಾಜ ಸೇವಕೆರ್ ದಿ. ನಾರಾಯಣ ಕರ್ಕೇರ ಮೆರೆನ ನೆಂಪುಗಾದ್ ಸಸಿಹಿತ್ಲು ಶ್ರೀ ಭಗವತೀ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿ ಮೊಕ್ಲೆರ್ದ್ ಡಿ. 3 ದಾನಿ ರಾತ್ರೆ ಕುಡ್ಲದ ಮಂಗಳಾದೇವಿ ದೇವಲ್ಯದ ಜಾಲ್ ಡ್ ಶ್ರೀ ಭಗವತೀ ಮಹಾತ್ಮೆ ಯಕ್ಷಗಾನ ಪ್ರದರ್ಶನ ನಡತ್ಂಡ್.
ಈ ಪೊರ್ತುಡು ಮಸ್ತ್ ಕಾರ್ಲದಿಂಚ ಧಾರ್ಮಿಕ ಸೇವೆಡ್ ನಿರತೆರಾದಿಪ್ಪುನ ಸಸಿಹಿತ್ಲು ಶ್ರೀ ಭಗವತೀ ಕ್ಷೇತ್ರದ ಅನುವಂಶಿಕ ಮೊಕ್ತೇಸರೆರ್ ಬೊಕ್ಕ ಪ್ರಧಾನ ಅರ್ಚಕೆರಾಯಿನ ಶ್ರೀನಿವಾಸ ಯಾನೆ ಅಪ್ಪು ಪೂಜಾರಿ ಬೊಕ್ಕ ಮಾಡೂರು ಶ್ರೀ ಪಾಡಂಗರ ಭಗವತೀ ಕ್ಷೇತ್ರದ ಪ್ರಧಾನ ಅರ್ಚಕೆರಾಯಿನ ನಾರಾಯಣ ಕಾರ್ನವರ್ ಬೊಕ್ಕ ಮಂಗಳಾದೇವಿ ಅಯ್ಯಪ್ಪ ಭಕ್ತವೃಂದದ ಅಯ್ಯಪ್ಪ ಮಾಲಾಧಾರಿ ಬಿ. ವಿಶ್ವನಾಥ ಶೆಟ್ಟಿ ಮೊಕುಲೆಗ್ ಕಟೀಲ್ ಕ್ಷೇತ್ರದ ಅನುವಂಶಿಕ ಪ್ರಧಾನ ಅರ್ಚಕೆರಾಯಿನ ವೇದಮೂರ್ತಿ ಲಕ್ಷೀನಾರಾಯಣ ಅಸ್ರಣ್ಣೆರ್, ಮಂಗಳಾದೇವಿ ದೇವಲ್ಯದ ಮೊಕ್ತೇಸರೆರಾಯಿನ ಪಿ. ರಮಾನಾಥ ಹೆಗ್ಡೆ ಮೆರೆನ ಪಾಲ್ವಿಕೆಡ್ ತಮ್ಮನ ಮಲ್ತೆರ್. ಈ ಪೊರ್ತುಡು ಬಿ. ಗಿರಿಜಾ ನಾರಾಯಣ ಕರ್ಕೇರ, ಅಂಬಿಕಾ ಅಶೋಕ್ ಕುಮಾರ್, ಸರಳಾ ಬೊಕ್ಕ ನಾಗೇಶ್ ಸುವರ್ಣ, ಬೊಂಬೈದ ಉದ್ಯಮಿ ಕುಮಾರ್ ಎನ್. ಬಂಗೇರ ಬೊಕ್ಕ ವಿಶ್ವಜಿತ್ ಕುಮಾರ್ ಬಂಗೇರ ಇತ್ ದ್ ತಮ್ಮನ ಮಲ್ತೆರ್. ಕುದ್ರೋಳಿ ಶ್ರೀ ಭಗವತೀ ಕ್ಷೇತ್ರದ ಅಧ್ಯಕ್ಷೆರಾಯಿನ ಗಣೇಶ್ ಕುಂಟಲ್ಪಾಡಿ ಬೊಕ್ಕ ಕೈತಲ್ ದ ಕೆಲವು ಗಣ್ಯರೆನ್ ವೇದಿಕೆಡ್ ಇತ್ತಿನ ಬಿನ್ನೆರ್ ಮಾನಾದಿಗೆ ಮಲ್ತೆರ್.
ವರದಿ: ಈಶ್ವರ ಎಂ.ಐಲ್
pallavi shetty