ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಮುತಾಲಿಕೆಡ್ ಸಮಾಜ ಕಲ್ಯಾಣ ಲೇಸ್, ಸಾಧಕೆರೆಗ್ ಮಾನಾದಿಗೆ

ಮುಲ್ಕಿ: ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಮುತಾಲಿಕೆಡ್ ಸಮಾಜ ಕಲ್ಯಾಣ ಲೇಸ್, ಸಾಧಕೆರೆಗ್ ಮಾನಾದಿಗೆ ಲೇಸ್ ನಡತ್ಂಡ್.

ಕಟೀಲ್ ದೇವಸ್ಥಾನದ ಅರ್ಚಕೆರ್ ಲಕ್ಷಿನಾರಾಯಣ ಅಸ್ರಣ್ಣೆರ್ ಲೇಸ್ ಉದಿಪನ ಮಲ್ತೆರ್. ಧ್ಯಾನ್ ಚಂದ್ ಪ್ರಶಸ್ತಿ ಪಡೆದಿನ ಅಶ್ವಿನಿ ಅಕ್ಕುಂಜೆ ಮೆರೆಗ್ ಬಿನ್ನೆರ್ ಸೇರ್ದ್ ಮಾನಾದಿಗೆ ಮಲ್ತೆರ್. ಅಂಚೆನೆ ಯಕ್ಷಗಾನ ಕ್ಷೇತ್ರದ ಸಾಧಕೆರ್ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪಡೆದಿನ ಪ್ರಭಾಕರ ಜೋಶಿ, ಸರಪಾಡಿ ಅಶೋಕ್ ಶೆಟ್ಟಿ, ಸುಬ್ರಹ್ಮಣ್ಯ ಧಾರೇಶ್ವರ, ಎಂ.ಎ.ನಾಯಕ್, ಸಮಾಜ ಸೇವಕ ಮಾರಣಕಟ್ಟೆ ಕೃಷ್ಣಮೂರ್ತಿ ಮಂಜ,ಸಾನ್ವಿ ಶೆಟ್ಟಿ, ಗುಡ್ಡ ಪಾಣಾರ, ಯುವವಾಹಿನಿ ಮಂಗಳೂರು, ಎಂ.ನಾರಾಯಣ, ಕಮಲಾಕ್ಷ ಆಚಾರ್ ಮೊಕ್ಲೆಗ್ ಮಾನಾದಿಗೆ ನಡತ್ಂಡ್. ಬಿನ್ನೆರಾದ್ ಬಪ್ಪನಾಡ್ ದೇವಲ್ಯದ ಮೊಕ್ತೇಸರೆರ್ ಮನೋಹರ ಶೆಟ್ಟಿ,ಉದ್ಯಮಿ ಪ್ರಕಾಶ್ ಶೆಟ್ಟಿ ಬಂಜಾರ, ಕನ್ಯಾನ ಸದಾಶಿವ ಶೆಟ್ಟಿ ದಂಪತಿ, ಮಂಜುನಾಥ ಭಂಡಾರಿ ಅಶೋಕ್ ಶೆಟ್ಟಿ, ಶಾಸಕೆರ್ ಉಮಾನಾಥ ಕೋಟ್ಯಾನ್, ಉಳ್ತೂರು ಮೋಹನ ದಾಸ್ ಶೆಟ್ಟಿ ಪಟ್ಟ ಸತೀಶ್ ಶೆಟ್ಟಿ ಅರವಿಂದ ಪೂಂಜ ಪುಣೆ ಬಂಟರ ಸಂಘದ ಅಧ್ಯಕ್ಷೆರ್ ಸಂತೋಷ್ ಕುಮಾರ್ ಶೆಟ್ಟಿ ಸುಧಾಕರ ಪೂಂಜ ಗುರ್ಮೆ ಸುರೇಶ್ ಶೆಟ್ಟಿ ಮಿತ್ತರ್ಮೆಡ್ ಇತ್ತೆರ್. ಸಾಯಿನಾಥ ಶೆಟ್ಟಿ, ಮಂಜುಳಾ ಶೆಟ್ಟಿ, ರಾಜೇಶ್ವರಿ ಟಿ.ಶೆಟ್ಟಿ, ಶರತ್ ಶೆಟ್ಟಿ ಕಿನ್ನಿಗೋಳಿ ಮಾನಾದಿಗೆ ಪತ್ರ ಓದಿಯೆರ್. ಕರ್ನಿರೆ ವಿಶ್ವನಾಥ ಶೆಟ್ಟಿ ಬಿನ್ನೆರೆನ್ ಸ್ವಾಗತ ಮಲ್ತೆರ್. ನಿತೇಶ್ ಶೆಟ್ಟಿ ಬೊಕ್ಕ ಪ್ರಿಯಾ ಹರೀಶ್ ಎಕ್ಕಾರ್ ಸಭೆ ಸುಧಾರಿಕೆ ಮಲ್ತೆರ್.