ಹೆಲ್ಮೆಟ್ ಪಾಡಿಜೆರ್ ಪಂದ್ ಕಾರ್ ಡ್ರೈವರ್‌ ಗ್ ನೋಟಿಸ್ ಕಡಪಾಯಿನ ಟ್ರಾಫಿಕ್ ಪೊಲೀಸೆರ್…!

ಕೊಲ್ಲಂ: ಹೆಲ್ಮೆಟ್ ಪಾಡಂದಿನ ಕಾರ್ ಡ್ರೈವರ್ ಗ್ ಕೊಲ್ಲಂ ಟ್ರಾಫಿಕ್ ಪೊಲೀಸೆರ್ ನೋಟಿಸ್ ಕಡಪದೆರ್‌.

ಚಡಯಮಂಗಲಂ ಕೂರಿ ಮೂಲದ ಸಜೀವ್ ಕುಮಾರ್ ಮೇರೆಗ್ ಈ ನೋಟಿಸ್ ಬೈದ್ಂಡ್. ಮೇರ್ ಕರಿನ ಮೇ ತಿಂಗೊಲ್ ಡ್ ಹೆಲ್ಮೆಟ್ ಪಾಡಂದೆ ಗಾಡಿ ಕೊನೊತೆರ್ ಪಂದ್ ಸಂಚಾರಿ ಪೊಲೀಸೆರ್ ನೋಟಿಸ್ ಕಡಪಾದೆರ್. ಕೆಎಲ್ 24 ಎಂ 3474 ನಂಬರ್ ದ ಸಜೀವ್ ಕುಮಾರ್ ಮೇರೆನ ಸ್ವಿಫ್ಟ್ ಕಾರ್ ದ ಪುದರ್ ಡ್ ನೋಟಿಸ್ ಬೈದ್ಂಡ್. ದಂಡ ಪಾವತಿ ಮಲ್ಪೊಡು ಪಂದ್ ನೋಟಿಸ್‌ಡ್ ಉಂಡು. ನೆಕ್ ಸಜೀವ್ ಎಂಕ್ ಬೈಕ್ ಕೊನೊಯೆರೆ ಬರ್ಪುಜಿ ಪಂದ್ ಪಂತೆರ್. ಈ ಬಗೆಟ್ ಪ್ರತಿಕ್ರಿಯೆ ಕೊರ್ನ ಸಂಚಾರ ಪೊಲೀಸೆರ್, ಟೈಪಿಂಗ್ ಮಿಸ್ಟೇಕ್ ಆದಿಪ್ಪು, ಕಾರ್ ಡ್ ಸೀಟ್ ಬೆಲ್ಟ್ ಪಾಡಂದಿನ ಕಾರಣ ಸಜೀವ್ ಗ್ ನೋಟಿಸ್ ಕಡಪಾದೆರ್ ಪಂದ್ ಪಂಡೆರ್.