ತಿರುವಾಲೆ ಬಿಲ್ಲವ ಫ್ಯಾಮಿಲಿದ ರಡ್ಡ್ ನೇ ವರ್ಷದ ಕ್ರೀಡೋತ್ಸವ

ತಿರುವಾಲೆ ಬಿಲ್ಲವ ಫ್ಯಾಮಿಲಿದ ರಡ್ಡನೇ ವರ್ಷದ ಕ್ರೀಡೋತ್ಸವ ಅ.24 ಸೋಮಾರದಾನಿ ತಿರುವಾಲೆಡ್ ನಡತ್ಂಡ್.

ಈ ಲೇಸ್ ನ್ ಕುಟುಂಬದ ಹಿರಿಯೆರ್ ಆಯಿನ ರಾಮಕ್ಕು ಬೊಕ್ಕ ವೇದಿಕೆಡ್ ಇತ್ತಿನ ಕುಟುಂಬದಕುಲು ಮಾತ ಸೇರ್ದ್ ದೀಪ ಪೊತ್ತಾದ್ ಉದಿಪನ ಮಲ್ತೆರ್. ಲಕ್ಷ್ಮಣ ಪೂಜಾರಿ ತಿರುವಾಲೆ ಈ ಲೇಸ್ ಗ್ ಎಡ್ಡೆಪ್ಪು ಬಯಕಿಯೆರ್. ಕುಟುಂಬದಾರ್ ಆಯಿನ ಮನ್ವಿತ ಪ್ರಾರ್ಥನೆ ಮಲ್ತೆರ್. ತುಳಸಿ ಪುರಂದರ ಮಾತೆರೆನ್ಲಾ ಎದ್ಕೊನಿಯೆರ್, ಅಕ್ಷತಾ ಸೊಲ್ಮೆ ಸಂದಾಯೆರ್. ಯಶೋಮತಿ ನಿರೂಪಣೆ ಮಲ್ತೆರ್. ಬೊಕ್ಕ ಗೊಬ್ಬುಲು ಸುರು ಆಂಡ್, ಈ ಗೊಬ್ಬು ಜೋಕುಲೆನ ಬಲಿಪುನ ಗೊಬ್ಬುರ್ದ್ ಸುರು ಆಂಡ್, ನೆಟ್ಟ್ ಹಿರಿಯೆರ್, ಕಿರಿಯೆರ್ ಪೂರ ಪಾಲ್ ಪಡೆಯೆರ್. ಬಯ್ಯಗ್ 6 ಗಂಟೆಗ್ ಮುಗಿತಲ ಸಮಾರಂಭ ನಡತ್ಂಡ್. ನೆಟ್ಟ್ ಗೆಂದಿನಕಲೆಗ್ ಇನಾಮಕು ಕೊರ್ಯೆರ್. ಈ ಲೇಸ್ ನ್ ತುಳಸಿ ಪುರಂದರ ಸುಧಾರಿಕೆ ಮಲ್ತೆರ್. ಕ್ರೀಡೋತ್ಸವದ ಸಂಘಟನೆನ್ ಕಿರಣ್ ಕರ್ಬೆಟ್ಟು ಮಲ್ತೆರ್.