ಸುರತ್ಕಲ್: ಸುರತ್ಕಲ್ ಠಾಣೆ ವ್ಯಾಪ್ತಿದ ಟೋಲ್ ಸುತ್ತಲ 200 ಮೀಟರ್ ವ್ಯಾಪ್ತಿಡ್ ಸೆಕ್ಷನ್ 144 ತ ಪ್ರಕಾರ ಇನಿರ್ದ್ ನ.3 ಮುಟ್ಟ ನಿಷೇಧಾಜ್ಞೆ ಜಾರಿ ಮಲ್ತ್ ದ್ ಪೊಲೀಸ್ ಆಯುಕ್ತೆರ್ ಶಶಿಕುಮಾರ್ ಆದೇಶ ಕೊರ್ತೆರ್.
ಇನಿ ಬೊಲ್ಪುಗು 6ರ್ದ್ ನ.3 ಬಯ್ಯಗ್ 6 ಗಂಟೆ ಮುಟ್ಟ ಸುರತ್ಕಲ್ ಪೊಲೀಸ್ ಠಾಣೆದ ಟೋಲ್ ಪ್ಲಾಜಾದ ಸುತ್ತಲ ಕಾನೂನುದ ವ್ಯವಸ್ಥೆನ್ ಕಾಪಾಡುನ ಬೊಕ್ಕ ಸಾರ್ವಜನಿಕೆರೆನ ಸುರಕ್ಷತೆದ ದೃಷ್ಟಿಡ್ ಬೊಕ್ಕ ಟೋಲ್ ಗೇಟ್ ಗ್ ರಕ್ಷಣೆ ಕೊರ್ಪುನ ದೃಷ್ಟಿರ್ದ್ ಸೆಕ್ಷನ್ ಜಾರಿ ಆತ್ಂಡ್ ಪಂದ್ ಕಮಿಷನರ್ ಪಂಡೆರ್. ಸೆಕ್ಷನ್ ಜಾರಿಡ್ ಇಪ್ಪುನ ಜಾಗೆಡ್ 5ರ್ದ್ ಹೆಚ್ಚ ಜನತ ಗುಂಪು ಸೇರುನು, ಘೋಷಣೆ ಪಡುನೆ, ಭಿತ್ತಿ ಪತ್ರ ಪ್ರದರ್ಶನ ಮಲ್ಪುನು, ಶಸ್ತ್ರಲೆನ್ ಕೊನೊಪುನು, ಪಟಾಕಿ ಪುಡಪುನ,ಮೆರವಣಿಗೆ, ಜಾಥಾ, ಮಾರ್ಗಗ್ ಅಡ್ಡ ಕಟ್ಟುನೆಕ್ಕ್ ಅವಕಾಶ ಇಜ್ಜಿ ಪಂದ್ ಕುಡ್ಲ ಪೊಲೀಸ್ ಆಯುಕ್ತೆರ್ ಶಶಿಕುಮಾರ್ ತೆರಿಪಾದೆರ್.
pallavi shetty