ಅಶಕ್ತೆರ್ನ ಇಲ್ಲಡ್ ಬಿರುವೆರ್ ಕುಡ್ಲ (ರಿ) ಮುಲ್ಕಿ ಸದಸ್ಯೆರೆರ್ದ್ ತುಡರ ಪರ್ಬ ಆಚರಣೆ

ಮುಲ್ಕಿ : ಬಿರುವೆರ್ ಕುಡ್ಲ (ರಿ) ಮುಲ್ಕಿ ಸದಸ್ಯೆರ್ ಪ್ರತಿವರ್ಷದಂಚೆನೆ ಈ ವರ್ಷಲ ಅಶಕ್ತೆರ್ನ ರಡ್ಡ್ ಇಲ್ಲಗ್ ಪೋದು ತುಡರ್ ಪರ್ಬ ಆಚರಣೆ ಮಲ್ತೆರ್.

ಬಿರುವೆರ್ ಕುಡ್ಲ ಸ್ಥಾಪಕ ಅಧ್ಯಕ್ಷೆರಾಯಿನ ಉದಯ್ ಪೂಜಾರಿ ಬಲ್ಲಾಳ್ ಭಾಗ್ ಮೆರೆನ ಮಾರ್ಗದರ್ಶನದಂಚ ಮುಲ್ಕಿ ಘಟಕದ ಅಧ್ಯಕ್ಷೆರ್ ಕಿಶೋರ್ ಜೆ ಸಾಲ್ಯಾನ್ ಮೆರೆನ ಮುತಾಲಿಕೆಡ್ ಅ.24 ಸೋಮವಾರ ಬಯ್ಯಡ್ ಕಾರ್ನಾಡ್ ಕೆ.ಎಸ್.ರಾವ್ ನಗರದ ಪುಷ್ಪಲತಾ ಲೀಲಾಧರ್ ಅಂಚೆನೆ ಮುಲ್ಕಿ ಶಾಲೆಬೆಟ್ಟು ಭಾರತಿ ಮೋಹನ್ ಮೊಕ್ಲೆನ ಇಲ್ಲಡೆ ಪೋದು ರೇಷನ್ ದ ಸೊತ್ತುಲು ಅಂಚೆನೆ ಸ್ವೀಟ್ಸ್ ಕೊರ್ದು ಪಟಾಕಿ ಪುಡತ್ ದ್ ದೀಪಾವಳಿ ಪರ್ಬೊನು ಆಚರಣೆ ಮಲ್ತೆರ್.
ಈ ಪೊರ್ತುಡು ಘಟಕದ ಉಪಾಧ್ಯಕ್ಷೆರ್ ಉಮೇಶ್ ಮಾನಂಪಾಡಿ , ಕೋಶಾಧಿಕಾರಿ ಅಶೋಕ್ ಸುವರ್ಣ , ಸಂಘಟನಾ ಕಾರ್ಯದರ್ಶಿ ನರಸಿಂಹ ಟೀ ಪೂಜಾರಿ, ಸದಸ್ಯೆರಾಯಿನ ತಾರಾನಾಥ್, ಮಾಧವ ಕಿಲ್ಪಾಡಿ, ಸತೀಶ್ ಕಿಲ್ಪಾಡಿ, ಆದರ್ಶ, ಕೀರ್ತನ್ ಮೊಕುಲು ಮಾತ ಇತ್ತೆರ್.
ಕಾರ್ಯದರ್ಶಿ ಗಿರಿಧರ್ ಅಮೀನ್ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.