ಶಿವಮೊಗ್ಗ : ದಿ.ಹರ್ಷನ ಕುಟುಂಬದ ಸದಸ್ಯೆರೆಗ್ ಕೊಲೆ ಬೆದರಿಕೆ

ಶಿವಮೊಗ್ಗ: ಗಾಡಿ ಲಗಾಡಿ ಮಲ್ತಿನ ಆರೋಪದ ಮಿತ್ತ್ ದಿ. ಹರ್ಷನ ಪಲಿ ಅಶ್ವಿನಿ ಸೇರ್ದ್ ಕೆಲವೆರೆನ ವಿರುದ್ಧ ಕೇಸ್ ದಾಖಲ್ ಆಯಿನ ಪೊರ್ತುಡೇ, ಬಚ್ಚಾಲಿಲು ಜೂವ ಬೆದರಿಕೆ ಪಾಡ್ದೆರ್, ಎಂಕಲೆಗ್ ರಕ್ಷಣೆ ಬೋಡು ಪಂದ್ ಹರ್ಷನ ಪಲಿ ಅಶ್ವಿನಿ ದೂರು ಕೊರ್ನ ಘಟನೆ ನಡತ್ಂಡ್.

ರಾತ್ರೆ 11:15 ತ್ತ ಪೊರ್ತುಡು 2 ಬೈಕ್ ಡ್ 6 ಜನ ಜವನೆರ್ ತಲ್ವಾರ್ ಪತೊಂದು, ಹರ್ಷನ್ ದೆತ್ತಿನ ಯಾವಂದಾ, ನಿಕಲೆನ್ಲಾ ದೆಪ್ಪೊಡ? ನಿಕಲೆನ್ಲಾ ಪೊಕ್ಕಡೆ ಬುಡುಪುಜ ಪಂದ್ ಬೆದರಿಕೆ ಪಾಡ್ದೆರ್, ಬೊಕ್ಕ ಕಲ್ಲ್ ದಕ್ಕಿನೆರ್ದಾವರ ಪ್ರಕಾಶ್ (25) ಮೇರೆಗ್ ಪೆಟ್ಟಾತ್ಂಡ್. ಮೇರೆನ್ ಮೆಗ್ಗಾನ್ ಆಸ್ಪತ್ರೆಗ್ ದಾಖಲ್ ಮಲ್ತ್ ದ್ ಚಿಕಿತ್ಸೆ ಕೊರೊಂದು ಉಂಡು. ಈ ಘಟನೆದ ಬಗೆಟ್ ಜಾಗೆಗ್ ಬತ್ತಿನ ಎಸ್ ಪಿ ಮಿಥುನ್ ಕುಮಾರ್ ತನಿಖೆ ಸುರು ಮಲ್ದೆರ್.