ಬ್ರಿಟನ್ ಪ್ರಧಾನಿ ಲಿಜ್ ಟ್ರಸ್ ರಾಜೀನಾಮೆ: ರಿಷಿ ಸುನಕ್ ಗ್ ಕುಡೊಂಜಿ ಅವಕಾಶ

ಲಂಡನ್: ಬ್ರಿಟನ್ ದ ಪೊಸ ಪ್ರಧಾನಿ ಆಯಿನ ಲಿಜ್ ಟ್ರಸ್ ಆಜೇ ವಾರಡ್ ಅರೆನ ಸ್ಥಾನಗ್ ರಾಜೀನಾಮೆ ಸಂದಾದೆರ್.

ಮೇರ್ ಬ್ರಿಟನ್‌ದ ಆರ್ಥಿಕತೆನ್ ಸರಿಸಾದಿಗ್ ಕನಯೆರೆ ಆವಂದೆ ದಿಢೀರ್ ರಾಜೀನಾಮೆ ಕೊರ್ಯೆರೆ ಕಾರಣ ಪಂದ್ ತೆರಿದ್ ಬೈದ್ಂಡ್.
ಮೇರೆನ ರಾಜೀನಾಮೆರ್ದ್ ಇನ್ಫೋಸಿಸ್ ಸಂಸ್ಥಾಪಕೆರ್ ನಾರಾಯಣಮೂರ್ತಿ ಮೇರೆನ ಮರ್ಮಾಯೆ ರಿಷಿ ಸುನಕ್‌ಗ್ ಪ್ರಧಾನಿ ಆಪುನ ಕುಡೊಂಜಿ ಅವಕಾಶ ಬೈದ್ಂಡ್. ಆಜಿ ವಾರದ ಪಿರವು ಬೋರಿಸ್‌ ಜಾನ್ಸನ್‌ ಸರ್ಕಾರಡ್ ಹಣಕಾಸು ಸಚಿವೆರಾದಿತ್ತಿನ ಭಾರತ ಮೂಲದ ರಿಷಿ ಸುನಕ್‌ ನ್ ಸುಮಾರ್ 21 ಸಾವಿರ ವೋಟ್ ದ ಅಂತರರ್ದ್ ಸೋಪಾದ್ ಲಿಜ್ ಟ್ರಸ್, ಬ್ರಿಟನ್ ದ ಪ್ರಧಾನ ಮಂತ್ರಿ ಆದ್ ಇತ್ತೆರ್.
ಮಾರ್ಗರೇಟ್‌ ಥ್ಯಾಚರ್‌ ಬೊಕ್ಕ ಥೆರೆಸಾ ಮೇರೆರ್ದ್ ಬೊಕ್ಕ ದೇಶ ನಡಪಾವುನ ಮೂಜಿನೆ ಪೊಂಜೋವು ಪ್ರಧಾನಿ ಪನ್ಪುನ ಪುದರ್ 47 ವರ್ಷದ ಟ್ರಸ್ ಗ್ ಇತ್ಂಡ್. ಇತ್ತೆ ಮೇರ್ ಚುನಾವಣೆಡ್ ಕೊರ್ನ ಭರವಸೆಲೆನ್ ಈಡೇರಿಸಯೆರೆ ಆವೊಂದು ಇಜ್ಜಿ ಅಂಚಾದ್ ರಾಜೀನಾಮೆ ಸಂದಾವೊಂದು ಉಲ್ಲೆ ಪಂದ್ ಪಂಡೆರ್.