ಅಮೆರಿಕೊಡು ನೆಲೆ ಊರ್ದಿನ ತುಳುವೆರ್ ದುಂಬುದ ಪೀಳಿಗೆಗ್ ಲಾ ತುಳು ಬಾಸೆ ಸಂಸ್ಕೃತಿ ಅಂಚೆನೆ ಪರಂಪರೆದ ಪೊಲಬು, ಅಭಿಮಾನ ನ್ ಒರಿಪಾದ್ ಬುಲೆಪ್ಪಾವುನಂಚಿನ ಎಡ್ಡೆ ಉದ್ದೇಶೊಡು ಉಂಡು ಮಲ್ದಿನ ಸಂಘಟನೆನೇ ಅಖಿಲ ಅಮೆರಿಕದ ತುಳುವೆರೆ ಅಂಗಣ(All America Tulu Assosiation) ಪಂಡ (AATA). ಈ ಸಂಘಟನೆದ ವಾರ್ಷಿಕ ಉಚ್ಚಯ “ಆಟ ಉಚ್ಚಯ USA-CANADA 2022” ನ್ ವರ್ಚುವಲ್ ವೇದಿಕೆಡ್ ಬಾರಿ ಗಮ್ಜಲ್ಡ್ ಅಕ್ಟೋಬರ್ 16 ನೇ ತಾರೀಕ್ 9 ಗಂಟೆ ರಾತ್ರಿ (ಭಾರತದ ಪೊರ್ತುದ ಪ್ರಕಾರ) ನಡಪರೆ ಉಂಡು. ಅವೆನ್ ಯೂಟ್ಯೂಬ್ ಡ್ ಪ್ರಸಾರ ಮಲ್ತೊಂದು ಉಲ್ಲೆರ್.
ತುಳುನಾಡ್ದ ವೈಭವದ ಪದತೊಟ್ಟಿಗೆ ಸುರು ಆಪಿನ ಈ ಲೇಸ್ ಡ್ ಮಾನಾದಿಗೆದ ಬಿನ್ನೆರಾದ್ Minister of Kannada Culture & Enegy Dept, ಕಾರ್ಲ ಶಾಸಕೆರ್ ಸುನಿಲ್ ವಿ ಕುಮಾರ್, Former Vice chancellor Kannada University Hampi ಡಾ| ಬಿ.ಎ. ವಿವೇಕ್ ರೈ, ವೆಂಕಟರಾಮ ಭಟ್(Tulu Kannada Scholar, Sullia), ವಾಲ್ಟರ್ ನಂದಳಿಕೆ (Journalist & CEO Daijiworld Media) ಬೊಕ್ಕ ಆಟದ ಗುರ್ಕಾರ್ಲು ಭಾಸ್ಕರ ಶೇರಿಗಾರ್ ಪಾಲ್ ಪಡೆಯೊಂದು ಉಲ್ಲೆರ್. ಬೊಕ್ಕ ನಡಪುನಂಚಿನ ಸಾಂಸ್ಕೃತಿಕ ಕಾರ್ಯಕ್ರಮಡ್ ನಂದಗೋಕುಲ ಕಲಾತಂಡ ಬೊಕ್ಕ ಗ್ರೀನ್ ಪಾರ್ಕ್ ಟೈಗರ್ಸ್ ನಕುಲು ನಡಪಾದ್ ಕೊರ್ಪುನ ಶ್ರೀ ದೇವಿ ವೈಭವಂ , ಕಲ್ಲಡ್ಕ ವಿಠಲ್ ನಾಯಕ್ ತಂಡ ನಡಪಾದ್ ಕೊರ್ಪುನ ಗೀತ ಸಾಹಿತ್ಯ, ಸನಾತನ ನಾಟ್ಯಾಲಯದ ನೃತ್ಯ ರೂಪಕ ಬೊಕ್ಕ ಟೀಮ್ ಐಲೇಸ ದ ರೂವಾರಿ ಡಾ|ರಮೇಶ್ ಚಂದ್ರ ತಂಡದ ತುಳು ಪದ ಗೊಂಚಿಲ್ ನಡಪರೆ ಉಂಡು.
ವಿಜೆ ವಿನೀತ್ ಕುಮಾರ್(Tulu Film Actor) ಸಾಂಸ್ಕೃತಿಕ ಕಾರ್ಯಕ್ರಮ ನ್ ನಿರೂಪಣೆ ಮಂತೊಂದು ಉಲ್ಲೆರ್. ಈ ಕಜ್ಜಗ್ ಮಲ್ಲ ಮಲ್ಲ ಗಣ್ಯೆರ್ ಶುಭ ಹಾರೈಸ್ ದೆರ್. ಆಟಾದ ಪೂರ ಪದಾಧಿಕಾರಿಲು, ಗುರ್ಕಾರ್ಲು ಈ ಲೇಸ್ ಗ್ ಪೂರ ಜನಕುಲೆನ್ಲಾ ಮೋಕೆಡ್ ಎದ್ಕೊನೊಂದುಲ್ಲೆರ್.
pallavi shetty