ಬೀದರ್ ಡ್ ಪಲ್ಲಿದ ಬೀಗ ಪುಡತ್ ದ್ ಪೂಜೆ ಮಲ್ತಿನ ಹಿಂದೂ ಕಾರ್ಯಕರ್ತೆರ್

ಬೀದರ್ : ಬೀದರ್‌ದ ಐತಿಹಾಸಿಕ ಮಹ್ಮದ್ ಗವಾನ್ ಪಲ್ಲಿದ ಉಲಯಿಗ್ ಹಿಂದೂ ಕಾರ್ಯಕರ್ತೆರ್ ಪೊಗ್ಗುದ್ ಪೂಜೆ ಮಲ್ತಿನ ಘಟನೆ ಬುಧಾರ ರಾತ್ರೆ ನಡತ್ಂಡ್.

ಈ ಘಟನೆ ಬೀದರ್ ದ ದಸರಾ ಮೆರವಣಿಗೆಡ್ ಇತ್ತಿನ ಹಿಂದೂ ಕಾರ್ಯಕರ್ತೆರೆನ ಗುಂಪು ಮಲ್ತಿನ ಪಂದ್ ಪೊಲೀಸೆರ್ ಪಂಡೆರ್. ಅಂಚನೆ ಜನಕುಲ್ ಕೊರ್ನ ದೂರುದ ಪ್ರಕಾರ 60 ಜನತ ವಿರುದ್ಧ ಪೊಲೀಸೆರ್ ಕೇಸ್ ದಾಖಲ್ ಮಲ್ತ್ ದ್ ನಾಲ್ ಜನನ್ ಪತ್ ದೆರ್.

ಘಟನೆದ ಬಗೆಟ್ಟ್ ಮೊಹಮ್ಮದ್ ಶಫಿಯೋಗಿದ್ದಿನ್ ಮೊಹಮ್ಮದ್ ಬಿಸ್ಮಿಲ್ಲಾ (69) ಅರ್ ಬೀದರ್ ಟೌನ್ ಪೊಲೀಸ್ ಠಾಣೆಗ್ ದೂರ್ ಕೊರ್ತೆರ್.ಈ ಘಟನೆದ ವಿರುದ್ಧ ಬೀದರ್‌ದ ಮುಸ್ಲಿಂ ಸಂಘಟನೆ ಪ್ರತಿಭಟನೆ ನಡಪದ್ಂಡ್.ಅಂಚನೆ ನೆತ್ತ ಫೋಟೊ ಬೊಕ್ಕ ವಿಡಿಯೋಲು ಸಾಮಾಜಿಕ ಜಾಲತಾಣಡ್ ವೈರಲ್ ಆತ್ಂಡ್.