ಕೊಪ್ಪ: ಚಿಕ್ಕಮಗಳೂರ್ ಜಿಲ್ಲೆದ ಕೊಪ್ಪ ತಾಲೂಕ್ ದ ಬಾಳಗಡಿದ ಜೆಡಿಎಸ್ ಕಚೇರಿಡ್ ಇಂಚೊಗು ನಡತಿನ ಲೇಸ್ ಡ್ ಬಿಜೆಪಿ ನಾಯಕೆರ್, ನರಸೀಪುರ ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷೆರ್ ಅನಿಲ್ ಕುಮಾರ್ ನಾರ್ವೆ ಬೊಕ್ಕ ಅರೆನ ಬೆಂಬಲಿಗೆರ್, ಸುಧಾಕರ್ ಎಸ್.ಶೆಟ್ರ್ ನ ನಾಯಕತ್ವ ಚಾತುರ್ಪುನು ಒಪ್ಪಿದ್ ಜೆಡಿಎಸ್ ಪಕ್ಲೊಗು ಸೇರಿಯೆರ್. ಪಕ್ಷದ ರಾಜ್ಯ ಘಟಕದ ಉಪಾಧ್ಯಕ್ಷೆರ್ ಸುಧಾಕರ ಎಸ್.ಶೆಟ್ರ್ ಪಕ್ಷಗ್ ಸೇರ್ನ 80 ಗ್ ಲ ಎಚ್ಚ ಜವನೆರೆನ್ ಎದ್ಕೊನಿಯೆರೆ.
ಈ ಪೊರ್ತುಡು ಪಾತೆರ್ನ ಸುಧಾಕರ ಶೆಟ್ರ್, ಅಭಿವೃದ್ಧಿ ಪನ್ಪಿನವು ಜೆಡಿಎಸ್ ಪಕ್ಷದ ಮೂಲ ಮಂತ್ರ. ಕ್ಷೇತ್ರಡ್ ಇದ ಮುಟ್ಟ 1,200ಕ್ ಲ ಎಚ್ಚ ಜನಕ್ ಬೇಲೆ ಕೊರ್ನ ತೃಪ್ತಿ ಉಂಡು. ಬೇತೆ ಪಕ್ಷದಂಚನೆ ಜೆಡಿಎಸ್ ಜಾತಿ, ಧರ್ಮದ ರಾಜಕೀಯ ಮಲ್ಪುಜಿ. ಕ್ಷೇತ್ರದ ಅಭಿವೃದ್ಧಿಗ್ ಮಾತ್ರ ರಾಜಕೀಯ ಮಲ್ಪುವ. ಅಂಚನೆ ಕೇಸರಿ ಬಿಜೆಪಿಗ್ ಸೀಮಿತ ಅಯಿನ ಬಣ್ಣ ಅತ್ತ್. ನಮ ಕೇಸರಿ ಬಣ್ಣ ವಿರೋಧಿಲ ಅತ್ತ್. ಜೆಡಿಎಸ್ ದಕುಲು ಕೇಸರಿನ್ ವಿರೋಧಿಸಾವೆರ್ ಪನ್ಪುನ ಪಾತೆರ ಸರಿ ಅತ್ತ್. ಕೇಸರಿ ಬಣ್ಣ ಹಿಂದುಲೆನ ಪವಿತ್ರ ಬಣ್ಣ. ಅವು ಬಲಿದಾನದ ಸಂಕೇತ. ಅಯಿಕ್ ಎಂಕುಲು ಗೌರವ ಕೊರ್ಪ ಪಂದ್ ಪಂಡೆರ್.
ಅಂಚೆನೆ ಪಕ್ಷದ ರಾಜ್ಯ ಮುಖಂಡೆರ್ ಎಚ್.ಜಿ.ವೆಂಕಟೇಶ್ ಪಾತೆರಿಯೆರ್. ಬೊಕ್ಕ ಪಕ್ಷಗ್ ಸೇರಿನ ಅನಿಲ್ ಕುಮಾರ್ ನಾರ್ವೆ ಅರೆನ್ ತಾಲೂಕ್ ಸಂಘಟನೆದ ಕಾರ್ಯದರ್ಶಿಯಾದ್ ನೇಮಕ ಮಲ್ತೆರ್. ತಾಲೂಕ್ ಜೆಡಿಎಸ್ ಘಟಕದ ಅಧ್ಯಕ್ಷೆರ್ ಕಗ್ಗಾ ರಾಮಸ್ವಾಮಿ ಲೇಸ್ ದ ಗುರ್ಕಾರ್ಮೆ ಒಯಿಸ್ ದಿತ್ತೆರ್. ಕ್ಷೇತ್ರ ಜೆಡಿಎಸ್ ಘಟಕದ ಅಧ್ಯಕ್ಷೆ ರ್ ಭಂಡಿಗಡಿ ದಿವಾಕರ ಭಟ್ರ್, ಪಕ್ಷದ ಮುಖಂಡೆರ್ ಎಚ್. ಎಸ್. ಕಳಸಪ್ಪ ಬೊಕ್ಕ ಮಸ್ತ್ ಜನ ಕಾರ್ಯಕರ್ತೆರ್ ಇತ್ತೆರ್.
pallavi shetty