ಕಟೀಲ್ ದೇವಲ್ಯಡ್ ಮಾರ್ನೆಮಿದ ಲೆಕ್ಕಡ್ ಇಸೇಸ ಪೂಜೆ

ಕಟೀಲ್: ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ಮಹಾನವಮಿದ ಲೆಕ್ಕಡ್ ಇಸೇಸ ಪೂಜೆ ನಡತ್ಂಡ್. ಬೊಕ್ಕ ಸಂಪ್ರದಾಯದಂಚನೆ ಭಕ್ತೆರೆಗ್ ಮೂಡೆ ಪ್ರಸಾದ ಕೊರ್ಯೆರ್.

ಅಂಚನೆ‌ 1400ಗ್ ಲ ಎಚ್ಚ ಗಾಡಿ ಪೂಜೆ ನಡತ್ಂಡ್. ಬೊಕ್ಕ ವನಸ್ ದ ಜಾಗೆಡ್ ಮದ್ಯಾಹ್ನ 10 ಸಾವಿರ ಜನ, ಅಂಚೆನೆ ರಾತ್ರೆ ಸಾರ ಸಾರ ಭಕ್ತೆರ್ ಬತ್ತ್ಂದ್ ವನಸ್ ಮಲ್ತೆರ್. ರಾತ್ರೆದ ವನಸ್ ಗ್ 3 ಕ್ವಿಂಟಾಲ್ ಅರಿ ಬೊಕ್ಕ 1.50 ಕ್ವಿಂಟಾಲ್ ಉರ್ದುದ ಪೊಡಿತ ತೆನಸ್ ಮಲ್ತೆರ್. ಮಹಾನವಮಿದಾನಿ ರಾತ್ರೆ ಇಸೇಸ ರಂಗ ಪೂಜೆ ನಡತ್ಂಡ್. ಈ ಮಹಾಪೂಜೆನ್ ಸುಮಾರ್ 600 ರ್ದ್ ಎಚ್ಚ ವಿಶಿಷ್ಟ ಆರತಿಲೆರ್ದ್ ಒಂಜಿಕಾಲ್ ಗಂಟೆ ಮುಟ್ಟ ಸಾರ ಸಾರ ಜನ ಭಕ್ತಿಭಾವರ್ದ್ ಕಣ್ಣ್ ದಿಂಜಾಯೆರ್.