ಡಾನ್ ಬೊಸ್ಕೊ ಆಂಗ್ಲ ಮಾಧ್ಯಮ ಶಾಲೆ : ಸಿಬಿಎಸ್ಇ ಸೀನಿಯರ್ ಸೆಕೆಂಡರಿ ಶಾಲೆ ಉದಿಪನ

ಶಿರ್ವ, ಜೂನ್ 30: ಕೇಂದ್ರೀಯ ಶಿಕ್ಷಣ ಮಂಡಳಿರ್ದ್ ಗ್ರೇಡ್‌ 11 ಬೊಕ್ಕ 12ತ್ತ ಸಿಬಿಎಸ್‌ಇ ಪಠ್ಯಕ್ರಮ ಮಾನ್ಯತೆ ಪಡೆದ್ , ಶಿರ್ವ ಡಾನ್‌ ಬೊಸ್ಕೊ ಆಂಗ್ಲ ಮಾಧ್ಯಮ ಶಾಲೆ ಸೀನಿಯರ್‌ ಸೆಕೆಂಡರಿ ಸ್ಕೂಲ್‌ ಆದ್ ಮೇಲ್ದರ್ಜೆಗ್ ಏರ್ದುಂಡು , ನೂತನ ಶೈಕ್ಷಣಿಕ ವರ್ಷದ ಚಟುವಟಿಕೆದ ಉದಿಪನ ಜೂ. 29 ತಾರೀಖ್ ಗ್ ನಡತುಂಡು .

ಶಿರ್ವ ಆರೋಗ್ಯ ಮಾತಾ ದೇವಾಲಯದ ಪ್ರಧಾನ ಧರ್ಮಗುರು, ಶಾಲಾ ಸಂಚಾಲಕ ರೆ| ಫಾ| ಡೆನ್ನಿಸ್‌ ಡೇಸಾ ಸಂಸ್ಥೆದ ಗ್ರೇಡ್‌ 11 ದ ಶೈಕ್ಷಣಿಕ ಚಟುವಟಿಕೆನ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.
ಒಡಿಪು ಕೆಥೋಲಿಕ್‌ ಧರ್ಮಪ್ರಾಂತ್ಯದ ಬಿಷಪ್‌ ರೈ|ರೆ|ಡಾ| ಜೆಲಾಲ್ಡ್‌ ಐಸಾಕ್‌ ಲೋಬೋ ಬೊಕ್ಕ ಕುಡ್ಲ ಕೆಥೋಲಿಕ್‌ ಶಿಕ್ಷಣ ಮಂಡಳಿದ ಕಾರ್ಯದರ್ಶಿ ರೆ|ಫಾ| ಅಂಟನಿ ಶೇರಾ ವರ್ಚುವಲ್‌ ಆದ್ ಆಶೀರ್ವಚನ ಕೊರ್ದು ಎಡ್ಡೆಪ್ಪು ಬಯಕಿಯೆರ್.ಮಲ್ಲ ಬಿನ್ನೆರ್ ಆದ್ ಶಿರ್ವ ಗ್ರಾ.ಪಂ. ಗುರ್ಕಾರ್ಲಾಯಿನ ಕೆಆರ್‌.ಪಾಟ್ಕರ್‌ ಪಾಲ್ ಪಡೆದಿತ್ತೆರ್.

ಚರ್ಚ್‌ ಆರ್ಥಿಕ ಮಂಡಳಿದ ಕಾರ್ಯದರ್ಶಿ ಲೀನಾ ಮಚಾದೋ,ಸದಸ್ಯೆರಾಯಿನ ಮೆಲ್ವಿನ್‌ ಅರಾನ್ಹಾ,ನೋರ್ಬರ್ಟ್‌ ಇ. ಮಚಾದೋ, ಜೂಲಿಯಾನ್‌ ರೊಡ್ರಿಗಸ್‌,ಮೆಲ್ವಿನ್‌ ಡಿ‡ಸೋಜಾ, ವಿಲ್ಸನ್‌ ರೊಡ್ರಿಗಸ್‌,ಪುಷ್ಪಾ ಫೆರ್ನಾಂಡಿಸ್‌, ಕ್ಯಾಂಪಸ್‌ದ ಬೇತೆ ಬೇತೆ ಶಿಕ್ಷಣ ಸಂಸ್ಥೆದ ಮುಖ್ಯಸ್ಥೆರ್ ,ಶಾಲಾಡಳಿತ ಮಂಡಳಿದ ಸದಸ್ಯೆರ್ ,ಉಪಪ್ರಾಂಶುಪಾಲೆ ಐರಿನ್‌ ಕಾಡೋìಜಾ ಬೊಕ್ಕ ಶಿಕ್ಷಕ-ಶಿಕ್ಷಕೇತರ ವೃಂದದಕುಲು ಪಾಲ್ ಪಡೆದಿತ್ತೆರ್.