ಆಂಗ್ಲ ಮಾಧ್ಯಮ

ಕಾರ್ಲ ಶ್ರೀ ಭುವನೇಂದ್ರ ಆಂಗ್ಲ ಮಾಧ್ಯಮ ಶಾಲೆದ ಸ್ಕೌಟ್ಸ್ ಗೈಡ್ಸ್ ಜೋಕ್ಲೆನೆರ್ದ್ ಕೊರೋನಾ ಜಾಗೃತಿ ಬೀದಿನಾಟಕ

Dec 10, 2021

ಕಾರ್ಲ : ಕಾರ್ಲ ಪೇಂಟೆದ ಮಲ್ಲ ಬಸ್ಟ್ಯಾಂಡ್ ಕೈತಲ್ ಅಂಚನೆ ಅನಂತಶಯನ ಸರ್ಕಲ್ ಡ್ ಶ್ರೀ ಭುವನೇಂದ್ರ ಆಂಗ್ಲಮಾಧ್ಯಮ ಶಾಲೆ ಕಾರ್ಲದ ಸ್ಕೌಟ್ಸ್ ಗೈಡ್ಸ್ ಜೋಕ್ಲೆನೆರ್ದ್ ಒಮಿಕ್ರೋನ್ ವೈರಸ್ ಬಗ್ಗೆ ಬೀದಿ ನಾಟಕ ನಡತುಂಡು. ಜೋಕುಲು ಒಮಿಕ್ರೋನ್ ಪಸರುನ ಬಗೆ,ಲಕ್ಷಣ,ಮುಂಜಾಗರೂಕತೆದ ಬಗ್ಗೆ ಕಾರ್ಲದ ಜನತೆಗ್ ಜಾಗೃತಿನ್ ಮೂಡಾಯೆರೆ .ಈ ಪೊರ್ತುಡು ಕಾರ್ಲ ಪೇಂಟೆದ ಠಾಣೆದ ಎಸ್ಐ ದಾಮೋದರ ಬೊಕ್ಕ ಎ ಎಸ್ ರಾಜೇಶ್ ಮೆಕುಲು ಒಟ್ಟು ಗಿತ್ತೆರ್. ಸೈಬರ್ ಕ್ರೈಮ್ ಬೊಕ್ಕ ಒವ್ವೆ ಬಂಗ ದ ಪೊರ್ತುಡು 112 ಗ್ ಕರೆ ಮಲ್ತ್ ಸಾಕಾರ ಕೊರ್ಪೆ ಪಂದ್ ಪಂಡೆರ್.

ಈ ಪೊರ್ತುಡು ಒಡಿಪು ಡು ಜಿಲ್ಲಾ ಗೈಡ್ ಕಮಿಷನರ್ ಜ್ಯೋತಿ ಜೆ ಪೈ ,ಜಿಲ್ಲಾ ತರಬೇತಿ ಆಯುಕ್ತೆರಾಯಿನ ಸಾವಿತ್ರಿ ಮನೋಹರ್,ರೋವರ್ ಶರತ್,ಕೈತಲ್ದ ಸಂಸ್ಥೆದ ಕಾರ್ಯದರ್ಶಿಲಾಯಿನ ಗಣೇಶ್ ಜಾಲ್ಸೂರು ,ಪುರಸಭಾ ಮಾಜಿ ಸದಸ್ಯರಾದ ಪ್ರಕಾಶ್, ಚಿತ್ರಕಲಾ ಶಿಕ್ಷಕ ಮಂಜು ನವೀನ್ ಕುಮಾರ್ ಎಸ್ ಎನ್ ವಿ ಪಾಲ್ ಪಡೆದಿತ್ತೆರ್.

ಕಾರ್ಲದ ಸುದ್ದಿ Karkala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಜೇಸಿಸ್ ಆಂಗ್ಲ ಮಾಧ್ಯಮ ಶಾಲೆದ ಸಮ್ಯಕ್ ಪ್ರಭು ಕಲೋತ್ಸವ ಪಂಥಡ್ ರಾಜ್ಯಮಟ್ಟಡ್ ಸುರುತ ಸ್ಥಾನ ಪಡೆದ್ ರಾಷ್ಟ್ರಮಟ್ಟಗ್ ಆಯ್ಕೆ

Dec 8, 2021

ಕಾರ್ಲ : ಶಿಕ್ಷಣ ಇಲಾಖೆ ಬೊಕ್ಕ ಕೇಂದ್ರ ಸರಕಾರದ ಮಾನವ ಅಭಿವೃದ್ಧಿ ಇಲಾಖೆ ನಡಪಾವುನ ಕಲೋತ್ಸವ ಪಂಥಡ್ ರಾಜ್ಯಮಟ್ಟಡ್ ಸುರುತ ಸ್ಥಾನ ಪಡೆದ್ ರಾಷ್ಟ್ರಮಟ್ಟಗ್ ಜೇಸಿಸ್ ಆಂಗ್ಲ ಮಾಧ್ಯಮ ಶಾಲೆದ ಸಮ್ಯಕ್ ಪ್ರಭು ಆಯ್ಕೆಯಾತೆರ್ .

Kalaotsava fest : Samyak Prabhu from Jaycees English school bags first place and is selected for national level.

Karkala : In the *Kalaotsava* fest organised by the Education department and Human resources development , Samyak Prabhu of Jacees English school bagged the first place in the state level and is selected for the national level competition.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಡಾನ್ ಬೊಸ್ಕೊ ಆಂಗ್ಲ ಮಾಧ್ಯಮ ಶಾಲೆ : ಸಿಬಿಎಸ್ಇ ಸೀನಿಯರ್ ಸೆಕೆಂಡರಿ ಶಾಲೆ ಉದಿಪನ

Jun 30, 2021

ಶಿರ್ವ, ಜೂನ್ 30: ಕೇಂದ್ರೀಯ ಶಿಕ್ಷಣ ಮಂಡಳಿರ್ದ್ ಗ್ರೇಡ್‌ 11 ಬೊಕ್ಕ 12ತ್ತ ಸಿಬಿಎಸ್‌ಇ ಪಠ್ಯಕ್ರಮ ಮಾನ್ಯತೆ ಪಡೆದ್ , ಶಿರ್ವ ಡಾನ್‌ ಬೊಸ್ಕೊ ಆಂಗ್ಲ ಮಾಧ್ಯಮ ಶಾಲೆ ಸೀನಿಯರ್‌ ಸೆಕೆಂಡರಿ ಸ್ಕೂಲ್‌ ಆದ್ ಮೇಲ್ದರ್ಜೆಗ್ ಏರ್ದುಂಡು , ನೂತನ ಶೈಕ್ಷಣಿಕ ವರ್ಷದ ಚಟುವಟಿಕೆದ ಉದಿಪನ ಜೂ. 29 ತಾರೀಖ್ ಗ್ ನಡತುಂಡು .

ಶಿರ್ವ ಆರೋಗ್ಯ ಮಾತಾ ದೇವಾಲಯದ ಪ್ರಧಾನ ಧರ್ಮಗುರು, ಶಾಲಾ ಸಂಚಾಲಕ ರೆ| ಫಾ| ಡೆನ್ನಿಸ್‌ ಡೇಸಾ ಸಂಸ್ಥೆದ ಗ್ರೇಡ್‌ 11 ದ ಶೈಕ್ಷಣಿಕ ಚಟುವಟಿಕೆನ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.
ಒಡಿಪು ಕೆಥೋಲಿಕ್‌ ಧರ್ಮಪ್ರಾಂತ್ಯದ ಬಿಷಪ್‌ ರೈ|ರೆ|ಡಾ| ಜೆಲಾಲ್ಡ್‌ ಐಸಾಕ್‌ ಲೋಬೋ ಬೊಕ್ಕ ಕುಡ್ಲ ಕೆಥೋಲಿಕ್‌ ಶಿಕ್ಷಣ ಮಂಡಳಿದ ಕಾರ್ಯದರ್ಶಿ ರೆ|ಫಾ| ಅಂಟನಿ ಶೇರಾ ವರ್ಚುವಲ್‌ ಆದ್ ಆಶೀರ್ವಚನ ಕೊರ್ದು ಎಡ್ಡೆಪ್ಪು ಬಯಕಿಯೆರ್.ಮಲ್ಲ ಬಿನ್ನೆರ್ ಆದ್ ಶಿರ್ವ ಗ್ರಾ.ಪಂ. ಗುರ್ಕಾರ್ಲಾಯಿನ ಕೆಆರ್‌.ಪಾಟ್ಕರ್‌ ಪಾಲ್ ಪಡೆದಿತ್ತೆರ್.

ಚರ್ಚ್‌ ಆರ್ಥಿಕ ಮಂಡಳಿದ ಕಾರ್ಯದರ್ಶಿ ಲೀನಾ ಮಚಾದೋ,ಸದಸ್ಯೆರಾಯಿನ ಮೆಲ್ವಿನ್‌ ಅರಾನ್ಹಾ,ನೋರ್ಬರ್ಟ್‌ ಇ. ಮಚಾದೋ, ಜೂಲಿಯಾನ್‌ ರೊಡ್ರಿಗಸ್‌,ಮೆಲ್ವಿನ್‌ ಡಿ‡ಸೋಜಾ, ವಿಲ್ಸನ್‌ ರೊಡ್ರಿಗಸ್‌,ಪುಷ್ಪಾ ಫೆರ್ನಾಂಡಿಸ್‌, ಕ್ಯಾಂಪಸ್‌ದ ಬೇತೆ ಬೇತೆ ಶಿಕ್ಷಣ ಸಂಸ್ಥೆದ ಮುಖ್ಯಸ್ಥೆರ್ ,ಶಾಲಾಡಳಿತ ಮಂಡಳಿದ ಸದಸ್ಯೆರ್ ,ಉಪಪ್ರಾಂಶುಪಾಲೆ ಐರಿನ್‌ ಕಾಡೋìಜಾ ಬೊಕ್ಕ ಶಿಕ್ಷಕ-ಶಿಕ್ಷಕೇತರ ವೃಂದದಕುಲು ಪಾಲ್ ಪಡೆದಿತ್ತೆರ್.