ಶಾಲೆ

ಸಾಮ್ರಾಟ್ ಅಶೋಕನ ಚರಿತ್ರೆ ಶಾಲೆದ ಜೋಕುಲೆಗ್ ಪಾಠ ಪುಸ್ತಕ ಆವೊಡು: ಡಾ.ಸುಬ್ರಹ್ಮಣ್ಯ ನ್ ಸ್ವಾಮಿ

ಮುಲ್ಕಿಡ್ ನಡತ್ಂಡ್ ಸಾಮ್ರಾಟ್ ಅಶೋಕ ಪುಟ್ಟು ದಿನತ್ತ ಸುರೂತ್ತ ಲೇಸ್

ಮುಲ್ಕಿ : ಸತ್ಯ ಅಹಿಂಸೆದ ಪ್ರತಿಪಾದಕೆರ್, ಭಾರತ ದೇಶನ್ ಆಡಳಿತ ಮಲ್ತಿನ ಸಾಮ್ರಾಟ್ ಅಶೋಕ ಚಕ್ರವರ್ತಿನ ಪುಟ್ಟುಪರ್ಬದ ಲೇಸ್ ದೇಶದ ಇತಿಹಾಸೊಡೇ ಮಲ್ಲ ಪಜ್ಜೆ. ಅಶೋಕ ಚಕ್ರವರ್ತಿನ ಇತಿಹಾಸ ಶಾಲೆಡ್ ಪಠ್ಯಪುಸ್ತಕವಾದ್ ಬರೊಡು. ಈ ನಿಲೆಟ್ಟ್ ಕೇಂದ್ರ ಸರಕಾರ ಬೇಗನೆ ಕ್ರಮ ದೆತೊನೊಡು ಪಂದ್
ಮಲ್ಲ ಅರ್ಥ ಶಾಸ್ತ್ರಜ್ಞೆರ್, ರಾಜ್ಯ ಸಭಾ ಸದಸ್ಯೆರ್, ಕ ವಿರಾಟ್ ಹಿಂದೂಸ್ತಾನ್ ಸಂಗಮದ ಅಧ್ಯಕ್ಷೆರ್ ಡಾ.ಸುಬ್ರಹ್ಮಣ್ಯ ನ್ ಸ್ವಾಮಿ ಪಂಡೆರ್.
ಭಾರತದ ಇತಿಹಾಸೊಡೇ ಸುರೂತ್ತ ಸರ್ತಿ
ಮಯೂರಿ ಫೌಂಡೇಶನ್ (ರಿ)ಮುಲ್ಕಿ ಮೊಕ್ಲೆನ ಆಶ್ರಯೊಡು ಏ.14 ಗುರುವಾರ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯದ ಎದುರುದ ಮೈದಾನಡ್ ನಡತಿನ
ಸಾಮ್ರಾಟ್ ಅಶೋಕ ಜನ್ಮದಿನತ್ತ ಉಚ್ಚಯೊಡು
ಪಾತೆರಿಯೆರ್.

ಬ್ರಿಟೀಷೆರ್ ಭಾರತದ ಇತಿಹಾಸೊನು ಉದ್ದೇಸ ದೀದೇ ನಾಶ ಮಲ್ದೆರ್. ಹಿಂದೂಸ್ಥಾನಡ್ ಇತ್ತಿನಕುಲು ಮಾತೆರ್ಲ ಹಿಂದುಲೆ. ದೇಶದ ವಾ ಮೂಲೆಡಿತ್ತೆರ್ಡಲ ಅಕ್ಲೆನ ಡಿಎನ್ ಎ ಪರೀಕ್ಷೆ ಮಲ್ತ್ಂಡ ಅಯಿಕ್ ಸಾಕ್ಷಿ ತಿಕ್ಕುಂಡು. ಅಂಚಾದ್ ಮಾತಾ ಜಾತಿ ಧರ್ಮದಕುಲುಲ ಒಂಜೇ ಪಂದ್ ಆರ್ ಪಂಡೆರ್.
ಭಾರತ ಒಂಜಿ ಮಹಾನ್ ಶಕ್ತಿಯಾದ್ ಬುಲೆವೊಡು. ಅಶೋಕ ಚಕ್ರವರ್ತಿನಂಚಿನ ಮಾತಾ ಅರಸೆರೆನ್ಲ ನಮ ನೆಂಪೊಡು. ದೇಶದ ಪ್ರತಿ ಹಳ್ಳಿಲ ಪ್ರತಿ ಭಾಗಲ ಪ್ರತಿಯೊರಿಲ ಅಖಂಡ ಭಾರತದ ಶಕ್ತಿ ಆವೊಡು ಪಂಡೆರ್.
ಮಲ್ಲ ಬಿನ್ನೆರಾದ್
ಮುಲ್ಕಿ ಸೀಮೆ ಅರಸೆರ್ ದುಗ್ಗಣ್ಣ ಸಾವಂತೆರ್,
ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಕೆ.ಮನೋಹರ ಶೆಟ್ಟಿ,
ಕನ್ನಡ ಸಾಹಿತ್ಯ ಪರಿಷತ್ ದ ಮಾಜಿ ರಾಜ್ಯಾಧ್ಯಕ್ಷೆರ್ ಧರ್ಮದರ್ಶಿ ಹರಿಕೃಷ್ಣ ಪುನರೂರು,
ಮುಲ್ಕಿ ಬೆದ್ರ ಶಾಸಕೆರ್ ಉಮಾನಾಥ್ ಕೋಟ್ಯಾನ್,ಚರಿಷ್ಮಾ ಬಿಲ್ಡರ್ಸ್ ಬೊಂಬೈ ಉಂದೆತ್ತ ಎಂಡಿ ಸುಧೀರ್ ವಿ.ಶೆಟ್ಟಿ,
ರೀಜೆನ್ಸ್ ಗ್ರೂಪ್ ದ ಸದಾಶಿವ ಎನ್ ಶೆಟ್ಟಿ ರೀಜೆನ್ಸ್ ಗ್ರೂಪ್,, ಉದ್ಯಮಿ ಜಯರಾಮ್ ಎನ್.ಶೆಟ್ಟಿ,
ಅಖಿಲ ಭಾರತ ತುಳು ಒಕ್ಕೂಟದ ಅಧ್ಯಕ್ಷೆರ್ ಧರ್ಮಪಾಲ ದೇವಾಡಿಗ. ಪರಿಸರ ಪ್ರೇಮಿ ಸಮಿತಿ ಸ್ಥಾಪಕೆರ್ ಟಿ.ಜಯಕೃಷ್ಣ ಶೆಟ್ಟಿ, ಸೇವಾ ಭಾರತಿ ಮುಂಬೈ ಕಾರ್ಯದರ್ಶಿ ಸಿಎ ಸದಾಶಿವ ಶೆಟ್ಟಿ,ಮೊಕುಲು ಮತ್ತರ್ಮೆಡ್ ಇತ್ತೆರ್.
ಮುಲ್ಕಿ ರವೀಂದ್ರ ಪ್ರಭು ದೇವೆರೆನ್ ಸುಗಿತೆರ್ . ಮಯೂರಿ ಫೌಂಡೇಶನ್ ಸ್ಥಾಪಕಾಧ್ಯಕ್ಷೆರ್, ಅಧ್ಯಕ್ಷೆರ್ ಜಯ ಕೆ.ಶೆಟ್ಟಿ ಮೇರ್ ಪ್ರಸ್ತಾವಿಕವಾದ್ ಪಾತೆರ್ದ್ ಬಿನ್ನೆರೆನ್ ಸ್ವಾಗತ ಮಲ್ತೆರ್. ಹಿರಿಯ ಪತ್ರಕರ್ತೆರ್ ಮನೋಹರ ಪ್ರಸಾದ್ ಲೇಸ್ ಸುಧಾರಿಕೆ ಮಲ್ತೆರ್.ವಿಶೇಷ ಆಕರ್ಷಣೆಯಾದ್ ಕಲ್ಲಡ್ಕ ವಿಠಲ ನಾಯಕ್ ಕೂಟದಕ್ಲೆರ್ದ್ ಗೀತ ಸಾಹಿತ್ಯ ಸಂಭ್ರಮ ಅಂಚೆನೆ ಸಮನ್ವಯ ಡ್ಯಾನ್ಸ್ ಕಂಪನಿ ಬೊಕ್ಕ ಮಹಾಮಾಯಾ ಆರ್ಟ್ಸ್ ಫೌಂಡೇಶನ್ ಬೆಂಗಳೂರು ಮೊಕ್ಲೆರ್ದ್ ವಸುಧೈವ ಕುಟುಂಬಕಂ ನೃತ್ಯ ರೂಪಕ ನಡತ್ಂಡ್.
ಮಯೂರಿ ಫೌಂಡೇಶನ್ (ರಿ) ಸಂಸ್ಥಾಪಕೆರ್, ಅಧ್ಯಕ್ಷೆರ್ ಜಯ ಕೆ. ಶೆಟ್ಟಿ,ಉಪಾಧ್ಯಕ್ಷೆರ್ ದೇವಪ್ರಸಾದ್ ಪುನರೂರು, ಕಾರ್ಯದರ್ಶಿ ರಾಜೇಶ್ ಕುಮಾರ್ ಶೆಟ್ಟಿ, ಕೋಶಾಧಿಕಾರಿ ಪ್ರಬೋಧ್ ಕುಡ್ವ, ಸದಸ್ಯೆರಾಯಿನ ಜೀವನ್ ಕೆ. ಶೆಟ್ಟಿ ಮುಲ್ಕಿ, ಬಬಿತಾ ಯು.ಶೆಟ್ಟಿ, ನವೀನ್ ಶೆಟ್ಟಿ ಮೊಕುಲು ಮಾತ ಇತ್ತೆರ್.