ಫಾದರ್ ಮುಲ್ಲರ್ ಕಾಲೇಜ್ ಡ್ 700 ಜನಕ್ ಲಸಿಕೆ

ಕುಡ್ಲ, ಜೂನ್ 24: ನಗರದ ಫಾದರ್ ಮುಲ್ಲರ್ ವೈದ್ಯಕೀಯ ಕಾಲೇಜು ಬೊಕ್ಕ ಆಸ್ಪತ್ರೆಡ್ ಸೋಮವಾರ ಒಂಜೇ ದಿನ 700 ಜನಕ್ ಕೋವಿಡ್-19 ತಡೆ ಲಸಿಕೆ ಕೊರ್ತೆರ್ .

ಕಾಂಡೆರ್ದೆ ಜಾಸ್ತಿ ಸಂಖ್ಯೆಡ್ ಸಾರ್ವಜನಿಕೆರ್ ಲಸಿಕೆ ಪಡೆಯೆರೆ ಬೈದೆರ್ . ಮುಲ್ಪ ಪೂರ್ವಭಾವಿಯಾದ್ ಜೂನ್ 19ಗ್ 300ರ್ದ್ ಜಾಸ್ತಿ ಜನ ಆಸ್ಪತ್ರೆ ಸಿಬ್ಬಂದಿ ತಯಾರ್ ಮಲ್ದೆರ್ . ಸಾರ್ವಜನಿಕೆರೆಗ್ ಒವ್ವೆ ಬಂಗ ಆವಂದೆ ಎಚ್ಚರಿಕೆ ಕೊರ್ತೆರ್.

ಫಾದರ್ ಮುಲ್ಲರ್ ಚಾರಿಟಬಲ್ ಸಂಸ್ಥೆದ ಗುರ್ಕಾರ್ಲಾಯಿನ ಆಯಿನ ಬಿಷಪ್ ಡಾ.ರೆ.ಪೀಟರ್‌ ಪಾವ್ಲ್‌ ಸಲ್ಡಾನ, ಈ ಪೊರ್ತುಡು ವಿಶೇಷ ಪ್ರಾರ್ಥನೆ ಮಲ್ತ್ , ಸಾಂಕ್ರಾಮಿಕ ಬೇಗ ಕಡಿಮೆ ಆವೊಡು ಅಂಚನೇ ರೋಗಿಲೆನ ಸೇವೆಡ್ ನಿರತರಾಯಿನಕ್ಲೆನ್ ರಕ್ಷಣೆ ಮಲ್ಪೊಡು ಪಂದ್ ಪ್ರಾರ್ಥನೆ ಮಲ್ತೆರ್ .

ಯುವ ಸಬಲೀಕರಣ ಬೊಕ್ಕ ಕ್ರೀಡಾ ಇಲಾಖೆ ಉಪ ನಿರ್ದೇಶಕ ಪ್ರದೀಪ್ ಡಿಸೋಜ, ಬಿಜೈ ನಗರ ಆರೋಗ್ಯ ಕೇಮದ್ರದ ವೈದ್ಯಾಧಿಕಾರಿ ಡಾ. ಜಯಶ್ರೀ ಆರ್. ಬೋಳಾರ್, ಪೆರಿಯ ಅಥ್ಲೆಟಿಕ್‌ ತರಬೇತುದಾರೆರಾಯಿನ ಡಾ. ವಸಂತ್ ಕುಮಾರ್, ಕುಡ್ಲ ತಾಲ್ಲೂಕು ಸಹಾಯಕ ಯುವ ಸಬಲೀಕರಣ ಬೊಕ್ಕ ಕ್ರೀಡಾಧಿಕಾರಿ ವಿನೋದ್ ಕುಮಾರ್, ಪಾಲ್ ಪಡೆದಿತ್ತೆರ್ .