ಬೊಲ್ತೇರ್ (ಬೆಳ್ತಂಗಡಿ)ಜೂನ್ 24: ಒಡಿಪು ಚಿಕ್ಕಮಗಳೂರು ಸಂಸದೆರ್ ಶೋಭಾ ಕರಂದ್ಲಾಜೆ ತುಳುನಾಡ್ ರಾಜ್ಯ ಬೇಡಿಕೆದ ವಿಚಾರೊಡು ಇಂಚೊಗು ಕೋಂಗಿದ ಪಾತೆರ ಪಂಡಿನೆನ್ ತುಳುವೆರೆ ಪಕ್ಷ ಖಂಡಿಸಾದೆರ್.
ಶೋಭಾ ಕರಂದ್ಲಾಜೆ ಮೇರ್ ಇಂಚೊಗು ಕನ್ನಡ ಏಕೀಕರಣ ಚಳವಳಿನ್ ಸಮರ್ಥನೆ ಮಲ್ತ್ದ್ ತುಳು ಏಕೀಕರಣ ಚಳವಳಿನ್ ಕುಚೋದ್ಯದ ಬೇಡಿಕೆ ಪಂಡ್ದ್ ತುಳುವೆರೆಗ್ ಅಪಮಾನ ಮಲ್ದೆರ್ . ಉಂದು ಅರೆನ ರಡ್ದ್ ನಾಲಾಯಿನ್ ತೋಜಾವುಂಡು ಪಂಡ್ದ್ ತುಳುವೆರೆ ಪಕ್ಷದ ಗುರ್ಕಾರ್ಲು ಶೈಲೇಶ್ ಆರ್.ಜೆ. ಬೊಕ್ಕ ಪಕ್ಷದ ಬೊಲ್ತೇರ್ ತಾಲೂಕು ಘಟಕದ ಗುರ್ಕಾರ್ಲು ಪ್ರಶಾಂತ್ ಎಂ. ಪಂತೆರ್
ಒಡಿಪುದ ಸಂಸದೆರ್ ತುಳುವೆರೆನ ನಾಡು ನುಡಿತ್ತ ಪೊರ್ಂಬಾಟೊಗು ಕೋಂಗಿ ಕಟ್ಟ್ ದ್ ಸಮಸ್ತ ತುಳುವೆರೆನ ಭಾವನೆಗೆ ಬೇನೆ ಮಲ್ದೆರ್ . ತುಳುನಾಡ್, ಬಾಸೆ, ಸಂಸ್ಕೃತಿ, ಆಚಾರಗ್ ಕೋಂಗಿ ಕಟ್ಟ್oಡಲಾ ತುಳುವೆರೆ ಪಕ್ಷ ಅವೆನ್ ವಿರೋಧ ಮಲ್ಪುಂಡು ಪಂಡ್ದ್ ಅಕುಲು ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.
ತುಳುವೆರೆ ಪಕ್ಷಗ್ ಇಂಚೋಗು ರಾಷ್ಟ್ರೀಯ ಚುನಾವಣಾ ಆಯೋಗ ಅಧಿಕೃತ ಮಾನ್ಯತೆ ಕೊರ್ತಿನೆನ್ ನಮ್ ಮುಲ್ಪ ನೆಂಪು ಮಲ್ಪೊಲಿ .
pallavi shetty