ಬ್ಯಾಂಕ್ ಆಫ್ ಬರೋಡಾ ಬೊಕ್ಕ ಬೆಸಂಟ್ ಮಹಿಳಾ ಕಾಲೇಜ್ ಒಟ್ಟುಸೇರಿಗೆಡ್ ಹಿಂದಿ ಸಂಗೋಷ್ಠಿ ಆಚರಣೆ

ಕುಡ್ಲ: ಬ್ಯಾಂಕ್ ಆಫ್ ಬರೋಡಾ, ವಲಯ ಕಚೇರಿ ಕುಡ್ಲ ಬೊಕ್ಕ ಬೆಸಂಟ್ ಮಹಿಳಾ ಕಾಲೇಜ್ ಕೊಡಿಯಾಲ್ ಬೈಲ್ ದ ಒಟ್ಟುಸೇರಿಗೆಡ್ ಅಂತರ ಕಾಲೇಜ್ ಹಿಂದಿ ಸಂಗೋಷ್ಠಿನ್ ಆಚರಣೆ ಮಲ್ದೆರ್.

ಕುಡ್ಲದ ಕೈತಲ್ದ ಕಾಲೇಜ್ ಒಡಿಪು ಬೊಕ್ಕ ಸುಳ್ಯ ಕಾಲೇಜ್ ರ್ದ್ ವಿದ್ಯಾರ್ಥಿ , ವಿದ್ಯಾರ್ಥಿನಿಯೆರ್, ವಿದ್ಯಾರ್ಥಿ ಸಂಗೋಷ್ಠಿ ಬೊಕ್ಕ ಪೇಪರ್ ಪ್ರಸೆಂಟೇಶನ್ ಪಂತೊಡು ಶಿಕ್ಷಣ ಬೊಕ್ಕ ಬ್ಯಾಂಕಿಂಗ್ ಕ್ಷೇತ್ರಡ್ ಮಾತೃಭಾಷೆದ ಮಹತ್ವದ ಬಗೆಟ್ಟ್ ವಿಮರ್ಶನೆ ಮಲ್ತ್ ದ್ ಸಂಶೋಧನಾ ಲೇಖನನ್ ಪ್ರಸ್ತುತ ಪಡಿಸಾಯೆರ್.

ಈ ಲೇಸ್ ಡಾ. ಪ್ರವೀಣ ಕುಮಾರ್ ಕೆ ಸಿ, ಪ್ರಾಂಶುಪಾಲೆರ್, ಬೆಸೆಂಟ್ ಮಹಿಳಾ ಕಾಲೇಜ್ ದ ಗುರ್ಕಾರ್ಮೆಡ್ ಸುರು ಆಂಡ್.

ಈ ಸಂಗೋಷ್ಠಿಗ್ ಮಲ್ಲ ಬಿನ್ನೆರಾದ್ ಕುಡ್ಲ ವಲಯ ಕಚೇರಿ ಬ್ಯಾಂಕ್ ಆಫ್ ಬರೋಡಾ ನೆಟ್ ವರ್ಕ್ ದ ಮಹಾಪ್ರಬಂಧಕೆರ್ ಅಶ್ವಿನಿ ಕುಮಾರ್, ಬೊಕ್ಕ ಬೆಸೆಂಟ್ ಮಹಿಳಾ ಕಾಲೇಜ್ ದ ಆಡಳಿತ ಅಧಿಕಾರಿ ಪ್ರೊ. ರಾಜಶೇಖರ ಹೆಬ್ಬಾರ್, ಲೇಸ್ ದ ಉಪಾಧ್ಯಕ್ಷೆರ್ ಡಾ. ಮಂಜುಳ ಕೆ ಟಿ ಪಾಲ್ ಪಡೆದಿತ್ತೆರ್.

ಕಾಲೇಜ್ ದ ಹಿಂದೀ ವಿಭಾಗಾಧ್ಯಕ್ಷೆರ್ ಡಾ. ಪರಶುರಾಮ್ ಮಾಲಗೆ ಬೊಕ್ಕ ಬ್ಯಾಂಕ್ ಆಫ್ ಬರೋಡಾದ ರಾಜಭಾಷಾ ಅಧಿಕಾರಿ ಪುಷ್ಪಲತಾ ಮೇರ್ ಲೇಸ್ ನ್ ಯಶಸ್ವಿಯಾದ್ ಸಂಯೋಜನೆ ಮಲ್ತೆರ್.