ಒಡಿಪು: ದ.ಕ ಬೊಕ್ಕ ಒಡಿಪು ಜಿಲ್ಲಾ ಸಹಕಾರಿ ಮೀನ್ ಮಾರಾಟ ಫೆಡರೇಶನ್ ನಿ. ಕುಡ್ಲದ ಮುತಾಲಿಕೆಡ್, ಜಲಾನಯನ ಅಭಿವೃದ್ಧಿ ಇಲಾಖೆ, ಮೀನುಗಾರಿಕೆ ಇಲಾಖೆ ಬೊಕ್ಕ ಸ್ಕೋಡೈಸ್ ಸಂಸ್ಥೆ ಶಿರಸಿ ಮೊಕ್ಲೆನ ಒಟ್ಟುಸೇರಿಗೆಡ್ ರಚನೆ ಆಯಿನ ಮಲ್ಪೆ ಮೀನುಗಾರೆರೆನ ಉತ್ಪಾದಕೆರೆನ ಕಂಪನಿ ಡಿ.2 ಬೊಕ್ಕ 3 ಕ್ಕ್ ಅಟ್ಟಣೆ ಮಲ್ದಿನ ಮೀನ್ ಮೇಳ-2023 ತ್ತ ಪೋಸ್ಟರ್ ನ್ ಒಡಿಪು ಶಾಸಕೆರ್ ಯಶ್ ಪಾಲ್ ಸುವರ್ಣ ಬೊಕ್ಕ ಬೈಂದೂರು ಶಾಸಕೆರ್ ಗುರುರಾಜ್ ಗಂಟಿಹೊಳೆ ಮೇರ್ ಬುಡುಗಡೆ ಮಲ್ತೆರ್.
ಬೊಕ್ಕ ಪಾತೆರ್ನ ಮೇರ್, ಮತ್ರ್ಯಮೇಳ-2023 ಭಾರೀ ಯಶಸ್ವಿಯಾದ್ ನಡಪಡ್, ಒಡಿಪುದ ಬೊಕ್ಕ ಸುತ್ತಮುತ್ತದ ಊರುದ ಜನಕ್ಲೆಗ್ ಸಾಗರೋತ್ಪನ್ನಲೆನ ಕುಷಿ ಪಡೆಯೆರೆ ಮಲ್ಪೆ ಮೀನುಗಾರೆರೆನ ಉತ್ಪಾದಕೆರೆನ ಕಂಪನಿ ಆಯೋಜನೆ ಮಲ್ತಿನ ಲೇಸ್ ಯಶಸ್ವಿ ಆವಡ್ ಪಂದ್ ಎಡ್ಡೆಪ್ಪು ಬಾಮಿಯೆರ್.
ಈ ಪೊರ್ತುಡು ಮಲ್ಪೆ ಮೀನುಗಾರೆರೆನ ಉತ್ಪಾದಕೆರೆನ ಕಂಪನಿದ ಗುರ್ಕಾರ್ದಿ ವನಜ ಪುತ್ರನ್, ನಿರ್ದೇಶಕೆರ್ ಜಯಂತಿ ಸಾಲಿಯಾನ್, ನಿರ್ಮಲ ಸಾಲಿಯಾನ್, ವೇದಾವತಿ ಪುತ್ರನ್ ಬೊಕ್ಕ ರೇಣುಕಾ, ಮುಖ್ಯ ಕಾರ್ಯನಿರ್ವಾಹಕೆರ್ ವಿಷ್ಣುಪ್ರಸಾದ್ ಕಾಮತ್ ಇತ್ತೆರ್.
pallavi shetty