ಸುಬ್ರಹ್ಮಣ್ಯ ಡಾlರವಿ ಕಕ್ಕೆ ಪದವು ಸಮಾಜ ಸೇವಾ ಟ್ರಸ್ಟ್ ಬೊಕ್ಕ ಸೀನಿಯರ್ ಚೇಂಬರ್ ಇಂಟರ್ನ್ಯಾಷನಲ್ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ಲಿಜನ್ ವತಿರ್ದ್ ಐತಾರ ಸುಬ್ರಹ್ಮಣ್ಯದ ಸ್ಥಾನಘಟ್ಟ, ಪರ್ವತಮಕಿ, ಪಾರ್ಕಿಂಗ್ ಜಾಗೆ ,ಬೊಕ್ಕ ಕಲ್ಕುಂದ ಭಾಗಡ್ ಸ್ವಚ್ಛತಾ ಕಾರ್ಯಕ್ರಮ ನಡತ್ಂಡ್.
ಪ್ರತಿ ವಾರದ ಐತಾರ ಬೊಕ್ಕ ವಿಶೇಷ ದಿನಟ್ ಈ ಸ್ಥಾನಗಟ್ಟ ಬೊಕ್ಕ ಆಸುಪಾಸ್ ಡ್ ಭಕ್ತಾದಿಲು ಪ್ಲಾಸ್ಟಿಕ್ ,ಕಜವ್ ಕಡ್ಡಿ, ಬ್ಯಾಗ್, ಕಾಕಾಜಿ, ನೀರ್ದ ಬಾಟಲಿ, ಬೇತೆ ಕಚ್ಚಾ ವಸ್ತುಲೆನ್ ಒಲ್ಪ ಬೋಡು ಅಲ್ಪ ದಕ್ಕ್ ದ್ ಪರಿಸರ ಮಾಲಿನ್ಯ ಆದಿಪುಂಡು.. ಡಾl ರವಿ ಕಕ್ಕೆ ಪದವು ಸಮಾಜ ಸೇವಾ ಟ್ರಸ್ಟ್ ಪ್ರತಿ ಐತಾರ ತನ್ನ ಸುಮಾರು 60 ಸ್ವಯಂಸೇವಕೆರೆನ್ ಪತೊಂದು ಕಾಂಡೆ 6:30 ಗಂಟೆರ್ದ್ ಎನ್ಮರೆ ಗಂಟೆ ಮುಟ್ಟ ಸ್ವಚ್ಚತಾ ಕಾರ್ಯನ್ ಮಲ್ಪುವೆರ್. ಈ ಸರ್ತಿ ಅಕ್ಲೆನ ಒಟ್ಟಿಗೆ ಸುಬ್ರಹ್ಮಣ್ಯ ಲೀಜನ್ ಸೀನಿಯರ್ ಚೇಂಬರ್ ದ ಸದಸ್ಯೆರ್ಲ ಪಾಲ್ ಪಡೆದಿತ್ತೆರ್.
ಅಂಚನೆ ಕುಮಾರಧಾರ ರವಿ ನೇತೃತ್ವದ ಸ್ವಯಂಸೇವಕೆರ್, ಡಾl ರವಿ ಕಕ್ಕೆ ಪದವು, ಸೀನಿಯರ್ ಚೇಂಬರ್ ಇಂಟರ್ ನ್ಯಾಷನಲ್ ಕುಕ್ಕೆ ಶ್ರೀ ಸುಬ್ರಮಣ್ಯ ಲಿಜನ್ ಅಧ್ಯಕ್ಷ ಸೀನಿಯರ್ ವಿಶ್ವನಾಥ ನಡು ತೋಟ ಬೊಕ್ಕ ಸದಸ್ಯೆರ್ ಪಾಲ್ ಪಡೆದಿತ್ತೆರ್.
1
pallavi shetty 
Editorial