ಗುತ್ತು ಮನೆತನಗ್ ದಾಮಸ್ಕಟ್ಟೆ ರೆಮೆದಿ ಅಮ್ಮನ ಚರ್ಚ್ ವತಿರ್ದ್ ಗೌರವಾರ್ಪಣೆ

ಕಿನ್ನಿಗೋಳಿ:1784 ಟ್ ಟಿಪ್ಪು ಸುಲ್ತಾನ್ ಕುಡ್ಲದ ಕ್ರೈಸ್ತೆರನ ಮಿತ್ತ್ ದಾಳಿ ನಡತೊಂದು ಇತ್ತುಂಡ್. ಕಿನ್ನಿಗೋಳಿ ಕೈತಲ್ದ ದಾಮಸ್ಕಟ್ಟೆದ ರೆಮೆದಿ ಅಮ್ಮನ ದೇವಾಲಯಗ್ ದಾಳಿ ನಡತಿನ ಪೊರ್ತುಗು ಕೈತಲ್ದ ಗುತ್ತು ಮನೆತನದಕುಲು ತಾಳಿಪಾಡಿ ಗುತ್ತು, ಅಂಗಡಿಗುತ್ತು ಬೊಕ್ಕ ಐಕಳಬಾವದಕುಲು ಚರ್ಚ್ ಬೊಕ್ಕ ಕ್ರೈಸ್ತೆರೆನ್ ರಕ್ಷಣೆ ಮಲ್ದಿನ ನೆಂಪುಗಾದ್ ಇತ್ತೆಲ ಗುತ್ತು ಮನೆತನದಕ್ಲೆಗ್ ಗೌರವ ಮಲ್ಪುನ ಸಾಂಪ್ರದಾಯ ಕೆಲವು ವರ್ಷರ್ದ್ ನಿರಂತರವಾದ್ ನಡತೊಂದುಂಡು. ಈ ವರ್ಷ ಕಿರೆಂ ಚರ್ಚ್ ತಾಪನೆಯಾದ್ 285 ವರ್ಷ ಬೊಕ್ಕ ಪ್ರಸ್ತುತ ಇತ್ತೆ ಇಪ್ಪುನ ಚರ್ಚ್ದ ಕಟ್ವನಗ್ 82 ವರ್ಷ ಸಂದಿನ ನೆಂಪುಗಾದ್ ಬೊಕ್ಕ ಚರ್ಚ್ ದ ವರ್ಸದ ಪರ್ಬದ ಪೊರ್ತುಡು ಗುತ್ತು ಮನೆತದಕ್ಲೆಗ್ ಬುದಾರ ಗೌರವರ್ಪಣೆಯಾದ್ ಬಚ್ಚಿರೆ ಬಜ್ಜೆಯಿ ಬೊಕ್ಕ ಪರ್ಂದ್ ದ ಕೈಲ್ ಸಾಂಪ್ರದಾಯಿಕವಾದ್ ಕೊರ್ದು ಗೌರವ ಮಲ್ತೆರ್.

ಈ ಪೊರ್ತುಡು ಚರ್ಚ್ ಪ್ರಧಾನ ಧರ್ಮ ಗುರು ವಂದನೀಯ ಪಾದರ್ ಓಸ್ವೋಲ್ಡ್ ಮೊಂತೆರೋ , ಶಕ್ತಿನಗರ ಚರ್ಚ್ ದ ಪ್ರಧಾನ ಗುರು ಅಪೋಲಿನಾರಿಸ್ ಕ್ರಾಸ್ತಾ, , ಚರ್ಚ್ ಪಾಲನ ಮಂಡಳಿದ ಉಪಾಧ್ಯಕ್ಷೆರ್ ರೋಹನ್ ಡಿ’ಕೋಸ್ತ, ಕಾರ್ಯದರ್ಶಿ ಜೇಮ್ಸ್ ಲೋಬೊ, ಸಂಯೋಜಕ ವಿಲ್ಫ್ರೆಡ್‌ ಮೊನಿಸ್, ಎಸ್ ವಿಡಿ ಧರ್ಮಗುರು ತರಬೇತಿ ಕೇಂದ್ರದ ನಿರ್ದೇಶಕ ಫಾ. ಜಾರ್ಜ್ ಕ್ರಾಸ್ತ, ಕಾರ್ಯಕ್ರಮದ ಸಂಯೋಜಕೆರ್ ಪೌಲ್ ಮಿರಂದ, ತಾಳಿಪಾಡಿ ಗುತ್ತು ಮನೆತನದ ರಮೇಶ್ ಶೆಟ್ಟಿ ತಾಳಿಪಾಡಿ ಗುತ್ತು, ಸುಕುಮಾರ್ ಶೆಟ್ಟಿ ತಾಳಿಪಾಡಿ ಗುತ್ತು, ಸುದೀಪ್ ಶೆಟ್ಟಿ ತಾಳಿಪಾಡಿ ಗುತ್ತು, ದರ್ಶನ್ ಶೆಟ್ಟಿ, ಅಂಗಡಿಗುತ್ತು ಮನೆತನದ ಬಾಲಕ್ರಷ್ಣ ಶೆಟ್ಟಿ, ಶಂಭು ಶೆಟ್ಟಿ, ಐಕಳಬಾವ ಮನೆತನದ ಐಕಳಬಾವ ಜಯಪಾಲ ಶೆಟ್ಟಿ, ಪುರಂದರ ಶೆಟ್ಟಿ, ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.