ತ್ರಿರಂಗ ಸಂಗಮ ಬೊಂಬೈ ಸಂಚಾಲಕತ್ವಡ್ ಲಯನ್ ಕಿಶೋರ್ ಡಿ ಶೆಟ್ರೆನ ನಿರ್ದೇಶನೊಡು ನ.28 ಅಂಗಾರೆ ಬಯ್ಯಗ್ ಮೀರಾರೋಡ್ ಗಾನ ಸಾಮ್ರಾಜ್ಞಿ ಲತಾ ಮಂಗೇಶ್ಕರ್ ಸಭಾಗೃಹಡ್ ಗರುಡ ಪಂಚೆಮಿ ತುಳು ನಾಟಕ ನಡಪರೆ ಉಂಡು. 
ಈ ನಾಟಕ ಶ್ರೀ ರಾಜಶೇಖರಾನಂದ ಸ್ವಾಮೀಜಿಲೆನ ಬೊಕ್ಕ ಸಾಣೂರು ಸಾತಿಂಜ ಶ್ರೀ ಜನಾರ್ದನ ಭಟ್ರೆನ ಆಶೀರ್ವಾದದೊಟ್ಟಿಗೆ, ಮಾಳ ಸುನಿ ಮೆರೆನ ಮೂಲಕಥೆ, ರಂಗವಿನ್ಯಾಸದೊಟ್ಟಿಗೆ, ಲ. ನವನೀತ್ ಶೆಟ್ರೆನ ತುಳು ಅನುವಾದದೊಟ್ಟಿಗೆ, ಜೀವನ್ ಉಳ್ಳಾಲ್ ಮೆರೆನ ಸಲಹೆ ಸಹಕಾರದೊಟ್ಟಿಗೆ, ಮೋಹನ್ ಕೊಪ್ಪಲ ಕದ್ರಿ ಮೆರೆನ ಸಮಗ್ರ ನಿರ್ವಹಣೆಡ್ ನಡಪರೆ ಉಂಡು.
ಒಡಿಪು: 32 ವರ್ಷದ ಜವನೆಯೊರಿ ಮರರ್ದ್ ಬೂರ್ದು ಬೆರಿತ್ತ ಎಲು ತುಂಡಾದ್, ತನ್ನ ರಡ್ಡ್ ಕಾರ್ ದ ಸ್ವಾಧೀನ ಕಳೆವೊಂದೆರ್. ಮೆರೆನ ಬದ್ಕ್ ಕಟ್ಟೊನಿಯೆರೆ ದಾನಿಲೆಡ ಪನವುದ ಸಕಾಯಗ್ ಬಿನ್ನಾಪು ಮಲ್ದೆರ್.
ಒಡಿಪು ಜಿಲ್ಲೆ ಕಾಪು ತಾಲೂಕ್ ದ ಕುತ್ಯಾರ್ ಗ್ರಾಮದ ಅನಿಲ್ ಪೂಜಾರಿ ಮೇರ್ 18 ವರ್ಷೊದ ಪಿರವು ಮರರ್ದ್ ಬೂರ್ದು ಬೆರಿತ್ತ ಎಲು ತುಂಡಾತ್ಂಡ್. ಆಸ್ಪತ್ರೆಗ್ ತೋಪಾದ್ ಬೆರಿತ್ತ ಚಿಕಿತ್ಸೆ ಮಲ್ಪಾದ್, ಲಕ್ಷರ್ದ್ ಎಚ್ಚ ರೂ. ಸಾಲ ಮಲ್ತ್ ದ್ ಖರ್ಚ್ ಮಲ್ತ್ಂಡಲ ಗುಣ ಆವಂದೆ ತನ್ನ ರಡ್ಡ್ ಕಾರ್ ದ ಸ್ವಾಧೀನ ಕಳೆವೊಂದು ಶಾಶ್ವತ ಅಂಗವಿಕಲೆರಾತೆರ್. ಇತ್ತೆ ವೀಲ್ ಚೇರ್ ಮುಖೇನ ಇಲ್ಲರ್ದ್ ಪಿದಯಿ ಬತ್ತ್ ದ್ ನನ ಜೀವನಡ್ ದಾದಂಡಲ ಮಲ್ತ್ ದ್ ಬದ್ಕೊಡು ಪಂದ್ ಕನ ದೀತೆರ್. ಈ ಜವನಗ್ ಬದ್ಕ್ ಕಟ್ಟರೆ ಸಕಾಯ ಮಲ್ಪೊಡು ಪಂದ್ ಬಿನ್ನಾಪು ಮಲ್ದೆರ್.
Bank: Canara Bank
Name: Anil Poojary
A/c No: 2409101009970
IFSC Code: CNRB0002409
G.pay, phone pay No: 7204775875
ಮಿಜಾರ್ ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್ (ರಿ.) ದ 34ನೇ ಸೇವಾ ಯೋಜನೆದ ಮುತಾಲಿಕೆಡ್ ಬಡಪತ್ತ್ ದ ಕುಟುಂಬಗ್ ಪನವುದ ಸಕಾಯನ್ ಮಲ್ತೆರ್.
ಕುಡ್ಲ ತಾಲೂಕ್ ದ ಕುಪ್ಪೆಪದವು ಕಿಲೆಂಜಾರು ಗ್ರಾಮದ ದೊಡ್ಡಲಿಕೆ ನಿವಾಸಿ ಮನೋಹರ್ ಮೆರೆನ ಜೋಕುಲು ವಿಕಲಚೇತನರಾತೆರ್. ಮಲ್ಲ ಮಗೆ ನಿದೀಶ್ ಬೊಕ್ಕ ಎಲ್ಯ ಮಗೆ ಧನುಷ್ ಮೊಕ್ಲೆಗ್ ಸಕ್ಕರೆ ಖಾಯಿಲೆ ಉಂಡು. ಮೊಕುಲು ಸ್ಪೂರ್ತಿ ವಿದ್ಯಾಲಯ ಬೆದ್ರ ಶಾಲೆಗ್ ಪೋವೊಂದು ಉಲ್ಲೆರ್. ಈ ಜೋಕುಲೆಗ್ ವ್ಯಾನ್ ಬಾಡಿಗೆಗ್ ತಿಂಗೊಲ್ ಗ್ 2500 ರೂ. ಬೊಕ್ಕ ರಡ್ಡ್ ಜನತ್ತ ಚಿಕಿತ್ಸೆಗ್ ತಿಂಗೊಲ್ ಗ್ 5000 ರೂ.ಮೆಡಿಸಿನ್ ಗ್ ಖರ್ಚ್ ಉಂಡು. ಬಡವೆರಾಯಿನ ಮೇರ್ ಕೂಲಿ ಕೆಲಸ ಮಲ್ತ್ ದ್ ಜೀವನ ಸಾಗವೊಂದು ಉಲ್ಲೆರ್. ಆಂಚಾದ್ ಜೋಕುಲೆನ ನನದ ಚಿಕಿತ್ಸೆಗ್ ಬೊಕ್ಕ ಜೀವನ ನಿರ್ವಹಣೆಗ್ ಸಹಕಾರ ಮಲ್ಪೊಡು ಪಂದ್ ಮಿಜಾರ್ ಕೂಟಗ್ ಬಿನ್ನಾಪು ಮಲ್ತ್ ದ್ ಇತ್ತೆರ್. ಈ ಬಿನ್ನಾಪು ಗ್ ಸ್ಪಂದಿಸಾಯಿನ ಕೂಟ 20,000/- ರೂಪಾಯಿದ ಚೆಕ್ ನ್ ಶ್ರೀ ದುರ್ಗೇಶ್ವರಿ ದೇವಿ ದೇವಲ್ಯ ಕುಪ್ಪೆಪದವುಡ್ ಪ್ರಧಾನ ಅರ್ಚಕೆರ್ ಗುರುಪ್ರಸಾದ್ ಕಾರಂತ ಮೆರೆನ ಮುಖೇನ ಕೊರಿಯೆರ್. ಅಂಚೆನೆ ಕೂಟದ ಸಲಹೆಗಾರೆ ಅಶ್ವತ್ ಶೆಟ್ಟಿ ಸಿದ್ದಕಟ್ಟೆ ಮೇರ್ ತನ್ನ ವೈಯಕ್ತಿಕ ನಿಲೆರ್ದ್ 10,000/- ರೂಪಾಯಿನ್ ಪನವುದ ಸಕಾಯನ್ ಕೊರ್ದು ಸಹಕಾರ ಮಲ್ತೆರ್. ಈ ಪೊರ್ತುಡು ಪದುಕೆರ್ ಬೊಕ್ಕ ಬಡಜನ ಸೇವಾ ಟ್ರಸ್ಟ್ ದ ಮುನೀರ್ ನಡುಪಲ್ಲ ಪಾಲ್ ಪಡೆದಿತ್ತೆರ್.
ಚೀನಾಡ್ ನ್ಯುಮೋನಿಯಾ ಕೇಸ್ ಲು ಎಚ್ಚಿಗೆ ಆವೊಂದಿತ್ತಿನೆನ್ ತೂದು ಕೇಂದ್ರ ಸರಕಾರ ಸಾರ್ವಜನಿಕ ಆರೋಗ್ಯ ಕೇಂದ್ರ ಬೊಕ್ಕ ಆಸ್ಪತ್ರೆಲೆನ ಬಗೆಟ್ ಮಾತಾ ರಾಜ್ಯ ಬೊಕ್ಕ ಕೇಂದ್ರಾಡಳಿತ ಪ್ರದೇಶೊಗು ಸೂಚನೆ ಕೊರ್ತುಂಡು.
ನ್ಯುಮೋನಿಯಾದಂಚಿನ ಕೇಸ್ ಲು ದೇಶೊಡು ಪಗರ್ಂಡ ಅವೆನ್ ತೂವೊನುನ ಸಾಮರ್ಥ್ಯ ನಮ್ಮ ಆಸ್ಪತ್ರೆಲೆಗ್ ಉಂಡಾ ಪನ್ದ್ ತೆರಿದ್ ರಾಜ್ಯ ಬೊಕ್ಕ ಜಿಲ್ಲಾ ಮಟ್ಟೊಡು ಅಗತ್ಯ ಕ್ರಮ ದೆತೊನೊಡು ಪನ್ದ್ ಕೇಂದ್ರ ಆರೋಗ್ಯ ಕಾರ್ಯದರ್ಶಿ ಬರೆತಿನ ಓಲೆಡ್ ತೆರಿಪಾದೆರ್. ಚೀನಾಡ್ ಉಸುಲುದ ಸಮಸ್ಯೆ ಭಾರೀ ದಡಿಟ್ಟ್ ಪಗರೊಂದುಂಡು. ನ್ಯುಮೋನಿಯಾ ಸೋಂಕು ಶಾಲೆ ಕಾಲೇಜಿಲೆಡ್ ಪಗರೊಂದುಂಡು. ಪ್ರತೀದಿನ 1200 ದಾತ್ ಸೋಂಕುದಕಲೆನ್ ಐಸಿಯುಗ್ ಪಾಡುನಲೆಕ್ಕ ಆತ್ಂಡ್. ಅಲ್ಪಲ್ಪ ಲಾಕ್ ಡೌನ್ ಲಾ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್.
ಬೊಲ್ತೇರ್: ಧರ್ಮಸ್ಥಳ ಶ್ರೀ ಮಂಜುನಾಥ ಸ್ವಾಮಿನ ಸನ್ನಿಧಿಡ್ ಕಾರ್ತಿಕ ತಿಂಗೊಲುಡ್ ನಡಪುನ ಲಕ್ಷದೀಪೋತ್ಸವ ಡಿ.8-12 ಮುಟ್ಟ ಬೇತೆ ಬೇತೆ ಲೇಸ್ ದೊಟ್ಟಿಗೆ ನಡಪರೆ ಉಂಡು.
ಡಿ.8 ಕ್ಕ್ ಬೊಲ್ಪುಗು ಹೈಸ್ಕೂಲ್ ವಠಾರಡ್ ರಾಜ್ಯಮಟ್ಟದ ವಸ್ತು ಪ್ರದರ್ಶನನ್ ಪುತ್ತೂರ್ ಸಹಾಯಕ ಕಮೀಷನರ್ ಗಿರೀಶ್ ನಂದನ್ ಉದಿಪನ ಮಲ್ಪುವೆರ್. ವಸ್ತು ಪ್ರದರ್ಶನದ ಮಂಟಪಡ್ ಪ್ರತಿದಿನೊಲ ಬಯ್ಯಗ್ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.
ಡಿ.10 ಕ್ಕ್ ರಾತ್ರೆ ಅಮೃತವರ್ಷಿಣಿ ಸಭಾಭವನಡ್ ಸಂಗೀತ ನಿರ್ದೇಶಕೆರ್ ಗುರುಕಿರಣ್ ಬೊಕ್ಕ ಕೂಟದಕ್ಲೆರ್ದ್ ಗಾನ, ನೃತ್ಯ ವೈವಿಧ್ಯ ಲೇಸ್ ನಡಪರೆ ಉಂಡು.
ಡಿ.11 ಕ್ಕ್ ಬಯ್ಯಗ್ ಸರ್ವಧರ್ಮ ಸಮ್ಮೇಳನದ 91ನೇ ಅಧಿವೇಶನನ್ ವಿದ್ವಾಂಸೆರ್ ಬೆಂಗಳೂರುದ ಡಾ|ಗುರುರಾಜ ಕರ್ಜಗಿ ಉದಿಪನ ಮಲ್ಪೆರೆ ಉಲ್ಲೆರ್. ತುಮಕೂರು ಸಿದ್ದಗಂಗಾ ಮಠತ್ತ ಸಿದ್ಧಲಿಂಗ ಸ್ವಾಮೀಜಿ ಗುರ್ಕಾರ್ಮೆ ಒಯಿಸೊನ್ವೆರ್. ಸುಪ್ರೀಂಕೋರ್ಟ್ ನ್ಯಾಯವಾದಿ ಡಾ| ಎಂ.ಆರ್ ವೆಂಕಟೇಶ್, ಬೆಂಗ್ಲೂರ್ ದ ವಿಭು ಅಕಾಡೆಮಿ ಮುಖ್ಯಸ್ಥೆರ್ ವಿಜಯ ಪುರದ ಮಹಮ್ಮದ್ ಗೌಸ್ ಹವಾಲ್ದಾರ ಧಾರ್ಮಿಕ ಉಪನ್ಯಾಸ ಕೊರಿಯೆರೆ ಉಲ್ಲೆರ್.
ಡಿ.12 ಕ್ಕ್ ಬಯ್ಯಗ್ 5 ಕ್ಕ್ ಸಾಹಿತ್ಯ ಸಮ್ಮೇಳನದ 91 ನೇ ಅಧಿವೇಶನನ್ ಇಸ್ರೋದ ಗುರ್ಕಾರೆ ಡಾ| ಎಸ್ ಸೋಮನಾಥ್ ಉದಿಪನ ಮಲ್ಪುವೆರ್. ಬೆಂಗ್ಲೂರ್ ದ ಗಮಕಿ ಡಾ|ಎ.ವಿ ಪ್ರಸನ್ನ ಗುರ್ಕಾರ್ಮೆನ್ ಒಯಿಸೊನ್ವೆರ್. ಹೊನ್ನಾವರದ ನಿವೃತ್ತ ಉಪನ್ಯಾಸಕೆರ್ ಡಾ|ಶ್ರೀಪಾದ ಶೆಟ್ಟಿ, ಬೆಂಗ್ಲೂರ್ ದ ರಂಗಕರ್ಮಿ ಪ್ರಕಾಶ್ ಬೆಳವಡಿ ಬೊಕ್ಕ ಬಂಟ್ವಾಳದ ಡಾ| ಅಜಕ್ಕಳ ಗಿರೀಶ್ ಭಟ್ ಉಪನ್ಯಾಸ ಕೊರಿಯೆರೆ ಉಲ್ಲೆರ್. ರಾತ್ರೆ ಲಕ್ಷದೀಪೋತ್ಸವ ನಡಪರೆ ಉಂಡು. ಈ ಪೊರ್ತುಡು ನಾಡ್ ದ ಬೇತೆ ಬೇತೆ ಭಾಗಲೆರ್ದ್ ಲಕ್ಷರ್ದ್ ಎಚ್ಚ ಭಕ್ತೆರ್ ಬರಿಯೆರೆ ಉಲ್ಲೆರ್. ವೈವಿಧ್ಯಮಯ ಸೇವೆ ಕೊರಿಯೆರೆ ಉಲ್ಲೆರ್. ಭಕ್ತೆರೆನ ಅನುಕೂಲಕ್ಕಾದ್ ಕೆಎಸ್ ಆರ್ ಟಿಸಿ ರಾಜ್ಯದ ಬೇತೆ ಬೇತೆ ಭಾಗಲೆರ್ದ್ ಧರ್ಮಸ್ಥಳಗ್ ಇಸೇಸ ಬಸ್ ಸೌಲಭ್ಯ ಉಂಡು.
ಕಾಶ್ಮೀರದ ರಜೌರಿಡ್ ಉಗ್ರೆರೆನೊಟ್ಟುಗು ಪುನೆದ್ ದೇಶೊಗಾದ್ ಪ್ರಾಣತ್ಯಾಗ ಮಲ್ದಿನ ಪೆರ್ಮೆದ ವೀರಯೋಧೆ ಕ್ಯಾಪ್ಟನ್ ಪ್ರಾಂಜಲ್ ಮೆರೆನ ಪುದರ್ನ್ ಪೆರ್ಸಾದಿ ಬೊಕ್ಕ ನಗರ ಸಂಪರ್ಕ ಮಲ್ಪುನ ಕೊಟ್ಟಾರ ಚೌಕಿ ಜಂಕ್ಷನ್ ಸರ್ಕಲ್ಗ್ ದೀಪ ಪನ್ದ್ ಶಾಸಕೆರ್ ಭರತ್ ಶೆಟ್ಟಿ ಪಂಡೆರ್.
ಕೊಟ್ಟಾರಚೌಕಿಡ್ ಅಮರ್ ಜವಾನ್ ಪಾರ್ಕ್ ಆಪುಂಡು ಅವೆತೊಟ್ಚುಗು ಸರ್ಕಲ್ಗ್ ಕುಡ್ಲಡೇ ಪುಟ್ಟು ಬಲದಿನ ಕ್ಯಾ।ಪ್ರಾಂಜಲೆರೆನ ಪುದರ್ ದೀಪಿನವು ಸಮವಾದುಂಡು. ಈ ಬಗೆಟ್ ಕುಡ್ಲ ನಗರ ಪಾಲಿಕೆಡ್ ಕ್ರಮ ದೆತೊನರೆ ಓಲೆ ಬರೆದ್ ಸೂಚನೆ ಕೊರ್ಪುಂಡು ಪಂದ್ ಪಂತೆರ್.
ಕಲ್ಮಂಜ: ಕಲ್ಮಂಜ ಗ್ರಾಮದ ಪಜಿರಡ್ಕ- ಮದ್ಮಲ್ ಕಟ್ಟೆ ಅಂಗನವಾಡಿ ಕೇಂದ್ರಗ್ ಮಕ್ಕಳ ದಿನಾಚರಣೆ ಪ್ರಯುಕ್ತ ಟೀಮ್ ದೇವರಗುಡ್ಡೆ ವತಿರ್ದ್ ನ.25 ಶನಿವಾರ ಚೇರ್ ವಿತರಣೆ ಮಲ್ತೆರ್. 15-20 ಜೋಕುಲು ಇಪ್ಪುನ ಅಂಗನವಾಡಿ ಕೇಂದ್ರಡ್ ಮಸ್ತ್ ಮೂಲ ಸೌಕರ್ಯ ಇಜ್ಜಾಂದೆ, ಬೊಕ್ಕ ಬರ್ಸದ ಕಾಲಡ್ ನೀರ್ ಸೇರೊಂದು ಇಪ್ಪುಂಡು. ಸ್ಥಿತಿ ಈ ಅಂಚನೆ ಅಂಗನವಾಡಿ ಕೇಂದ್ರಗ್ ಪೊಸ ಕಟ್ವಾನದ ಬೇಡಿಕೆ ಮಸ್ತ್ ವರ್ಷರ್ದ್ ಕೇಂದ್ ಬರೊಂದು ಉಂಡು.
ನೆಕ್ಕ್ ಮಾತೆರ್ಲ ಸಹಕಾರ ಕೊರೊಡು ಪಂದ್ ಪಂಡೆರ್. ಕಾರ್ಯಕ್ರಮಡ್ ಬಾಲವಿಕಾಸ ಸಮಿತಿದ ಗುರ್ಕಾರ್ಲು ರೇಖಾ, ಆಶಾ ಕಾರ್ಯಕರ್ತೆ ವಿಜಯಾ, ಅಂಗನವಾಡಿ ಕಾರ್ಯಕರ್ತೆ ಜಯಶ್ರೀ, ಸಹಾಯಕಿ ಶ್ರೀದೇವಿ, ಟೀಮ್ ದೇವರಗುಡ್ಡೆದ ಹರೀಶ್ ಗೌಡ, ಸಚಿನ್ ಗೌಡ ಕಲ್ಮಂಜ, ಶಿವಪ್ರಸಾದ್, ಸಂಧ್ಯಾ, ಪುಷ್ಪಾವತಿ ಬೊಕ್ಕ ಪೋಷಕೆರ್ ಇತ್ತೆರ್.
ಬೆಂಗಳೂರುಡ್ ನ.25 ಕ್ಕ್ ನಡತಿನ “ರಾಜ- ಮಹಾರಾಜ” ಜೋಡುಕರೆ ಕಂಬುಲ ಕೂಟದ ರಿಸಲ್ಟ್ ಇಂಚ ಉಂಡು.
ಕನೆಪಲಯಿ: 7 ಜತೆ
ಅಡ್ಡಪಲಯಿ: 6 ಜತೆ
ಬಲ್ಲ್ ದ ಮಲ್ಲ: 21 ಜತೆ
ನಾಯೆರ್ ಮಲ್ಲ: 32 ಜತೆ
ಬಲ್ಲ್ ಎಲ್ಯ: 31 ಜತೆ
ನಾಯೆರ್ ಎಲ್ಯ: 62 ಜತೆ
ಒಟ್ಟು ಎರ್ಲೆನ ಸಂಖ್ಯೆ: 159 ಜತೆ
ಕನೆಪಲಯಿ: ಬೋಳಂಬಳ್ಳಿ ಚೈತ್ರಾ ಪರಮೇಶ್ವರ ಭಟ್ ಮೇರ್ನ “ಬಿ” ಎರ್ಲು 6.5 ಕೋಲ್ ನಿಶಾನೆಗ್ ನೀರ್ ರಾಪಾದ್ಂಡ್.
ಪಲಯಿ ಮುಟ್ಟಿನಾರ್: ಉಲ್ಲೂರು ಕಂದಾವರ ಗಣೇಶ್
ಅಡ್ಡ ಪಲಯಿ:
ಸುರುತ್ತ ಇನಾಮು: ಎಸ್. ಎಮ್. ಎಸ್ ಫ್ಯಾಮಿಲಿ ಬೆಂಗಳೂರು
ಪಲಯಿ ಮುಟ್ಟಿನಾರ್: ಭಟ್ಕಳ ಹರೀಶ್
ರಡ್ಡನೇ ಇನಾಮು: ಬೋಳಾರ ತ್ರಿಶಾಲ್ ಕೆ ಪೂಜಾರಿ
ಪಲಯಿ ಮುಟ್ಟಿನಾರ್: ಸಾವ್ಯ ಗಂಗಯ್ಯ ಪೂಜಾರಿ
ಬಲ್ಲ್ ಮಲ್ಲ:
ಸುರುತ್ತ ಇನಾಮು: ನಂದಳಿಕೆ ಶ್ರೀಕಾಂತ್ ಭಟ್ “ಸಿ”
ಗಿಡತಿನಾರ್: ಬಂಬ್ರಾಣಬೈಲು ವಂದಿತ್ ಶೆಟ್ಟಿ
ರಡ್ಡನೇ ಇನಾಮು: ಮಾಳ ಆನಂದ ನಿಲಯ ಶೇಖರ ಎ ಶೆಟ್ಟಿ
ಗಿಡತಿನಾರ್: ಭಟ್ಕಳ ಶಂಕರ್ ನಾಯ್ಕ್
ಬಲ್ಲ್ ಎಲ್ಯ:
ಸುರುತ್ತ ಇನಾಮು: ಸುರತ್ಕಲ್ ಪಾಂಚಜನ್ಯ ಯೋಗೀಶ್ ಕರಿಯ ಪೂಜಾರಿ
ಗಿಡತಿನಾರ್: ಮಾಸ್ತಿ ಕಟ್ಟೆ ಸ್ವರೂಪ್
ರಡ್ಡನೇ ಇನಾಮು: ನಿಟ್ಟೆ ಪರಪ್ಪಾಡಿ ಸುರೇಶ್ ಕೋಟ್ಯಾನ್ “ಎ”
ಗಿಡತಿನಾರ್: ಅತ್ತೂರು ಕೋಡಂಗೆ ಸುಧೀರ್ ಸಾಲ್ಯಾನ್
ನಾಯೆರ್ ಮಲ್ಲ:
ಸುರುತ್ತ ಇನಾಮು: ಬಂಗಾಡಿ ಪರಂಬೇಲು ನಾರಾಯಣ ಮಲೆ ಕುಡಿಯ
ಗಿಡತಿನಾರ್: ಸರಪಾಡಿ ಧನಂಜಯ ಗೌಡ
ರಡ್ಡನೇ ಇನಾಮು: ಮಾಳ ಆನಂದ ನಿಲಯ ಶೇಖರ ಎ ಶೆಟ್ಟಿ
ಗಿಡತಿನಾರ್: ಪಟ್ಟೆ ಗುರು ಚರಣ್
ನಾಯೆರ್ ಎಲ್ಯ:
ಸುರುತ್ತ ಇನಾಮು: ಜೈ ತುಳುನಾಡು ಪುತ್ತೂರು ಬೊಟ್ಯಾಡಿ ಕಿಶೋರ್ ಭಂಡಾರಿ
ಗಿಡತಿನಾರ್: ಪೆಂರ್ಗಾಲು ಕೃತಿಕ್ ಗೌಡ
ರಡ್ಡನೇ ಇನಾಮು: ಎರ್ಮಾಳ್ ಪುಚ್ಚೊಟ್ಟುಬೀಡು ಬಾಲಚಂದ್ರ ಶೆಟ್ಟಿ
ಗಿಡತಿನಾರ್: ಬೈಂದೂರು ವಿವೇಕ್ ಪೂಜಾರಿ.
ಬೊಂಬೈ: ಕನ್ನಡ ಸೇವಾ ಸಂಘ ಪೊವಾಯಿ ನೆತ್ತ ಮುತಾಲಿಕೆಡ್ ಶ್ರೀ ಶ್ರೀ ಸುವರ್ಣ ಬಾಬಾ ಮೆರೆನ ಶುಭ ಆಶೀರ್ವಾದದೊಟ್ಟಿಗೆ ಮಾತಾ ಕೀ ಚೌಕಿ ಕಾರ್ಯಕ್ರಮ ನಡಪರೆ ಉಂಡು.
ಮಾನದಿಗೆದ ಗುರ್ಕಾರ್ಲು ಆಯಿನ ಮಹೇಶ್ ಎಸ್ ಶೆಟ್ಟಿ ಅರೆನ ಪ್ರಾಯೋಜಕತ್ವಡ್ ನ. 28 ಅಂಗಾರೆ ಮಧ್ಯಾಹ್ನ 3.30 ಗಂಟೆಗೆ ಸರಿಯಾದ್ ಪೊವಾಯಿ ಪಂಚ ಕುಟೀರ ಶ್ರೀ ಮಹಾಶೇಷ ರುಂಡ ಮಾಲಿನಿ ದೇವಸ್ಥಾನಡ್ ನಡಪರೆ ಉಂಡು.
ಮೂಲ್ಕಿ: ಒವುಲಾ ಪ್ರತಿಫಲಾಪೇಕ್ಷೆ ಉಪ್ಪಂದೆ ನಿಸ್ವಾರ್ಥ ಸಮಾಜ ಸೇವೆನ್ ಮಲ್ತ್ಂಡ ದೇವೆರ್ನ ಅನುಗ್ರಹ ತಿಕ್ಕುಂಡು ಪಂದ್ ಕನ್ನಡ ಸಾಹಿತ್ಯ ಪರಿಷತ್ತ್ ದ ಮಾಜಿ ರಾಜ್ಯಾಧ್ಯಕ್ಷೆರ್ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಪಂಡೆರ್.
ಆರ್ ಮೂಲ್ಕಿದ ಪುನರೂರು ಟೂರಿಸ್ಟ್ ಹೋಂ ನ ಸಭಾಂಗಣಡ್ ಜ.26 ಕ್ಕ್ ನಡತಿನ ಹೊಸ ಅಂಗಣ ಪತ್ರಿಕೆದ ತಿಂಗಳ ಬೆಳಕು ಕಾರ್ಯಕ್ರಮದ ಗುರ್ಕಾರ್ಮೆ ಒಯಿಸ್ ದ್ ಪಾತೆರಿಯೆರ್.
ಕಾರ್ಯಕ್ರಮಡ್ ಭಜನಾ ಕ್ಷೇತ್ರದ ಸಾಧಕೆರ್ ಗಿರಿಧರ್ ಅಮೀನ್ ಕೊಕ್ಕರ್ ಕಲ್ ಮೆರೆನ್ ಬೊಡೆದಿ ಶ್ವೇತಾ ಸಮೇತ ಹೊಸ ಅಂಗಣ ಪ್ರಶಸ್ತಿ ಕೊರ್ದು ಸನ್ಮಾನ ಮಲ್ತೆರ್.
ಚಿತ್ರಾಪು ಶ್ರೀ ಮೂಕಾಂಬಿಕಾ ಮಂದಿರದ ಶ್ರೀ ಕೇಶವಾನಂದ ಸ್ವಾಮೀಜಿ,ಜೇಸಿಸ್ ನ ಮಾಜಿ ವಲಯ ಉಪಾಧ್ಯಕ್ಷೆರ್ ದಿನೇಶ್ ಶೆಟ್ಟಿ,ಮೂಲ್ಕಿ ನಗರ ಪಂಚಾಯತ್ ದ ಮಾಜಿ ನಾಮ ನಿರ್ದೇಶಿತ ಸದಸ್ಯೆರ್ ನರಸಿಂಹ ಪೂಜಾರಿ,ಹಳೆಯಂಗಡಿ ಬಂಕಿ ನಾಯ್ಗೆರ್,ಉದ್ಯಮಿ ಜಾನ್ ಕ್ವಾಡ್ರಸ್,ನಿವೃತ್ತ ಪೊಲೀಸ್ ಅಧಿಕಾರಿ ಕೆ ಎನ್ ಕೋಟ್ಯಾನ್,ಅತಿಕಾರಿಬೆಟ್ಟು ಪಂಚಾಯತ್ ಉಪಾಧ್ಯಕ್ಷ ಮನೋಹರ್ ಕೋಟ್ಯಾನ್, ಉದ್ಯಮಿ ವಾಸು ಪೂಜಾರಿ ಚಿತ್ರಾಪು ಮೊಕುಲು ಮಾತ ಇತ್ತೆರ್.
ಹೊಸ ಅಂಗಣ ಸಂಪಾದಕೆರ್ ಡಾ|ಹರೀಶ್ವಂದ್ರ ಪಿ ಸಾಲ್ಯಾನ್ ಸ್ವಾಗತ ಮಲ್ತೆರ್. ನಿವೃತ್ತ ಪ್ರಾಚಾರ್ಯ ವೈ ಎನ್ ಸಾಲ್ಯಾನ್ ನಿರೂಪಣೆ ಮಲ್ತೆರ್.
