November 2023

ಬಂಟ್ಸ್ ಫೋರಂ ಮೀರಾ ಭಾಯಂದರ್ ದ ಪೊಸ ಗುರ್ಕಾರೆಯಾದ್ ಉದಯ್ ಎಂ ಶೆಟ್ಟಿ ಆಯ್ಕೆ

ಪುಗರ್ತೆದ ಸಂಘಟಕೆರ್, ಎಡ್ಡೆ ಉಡಲ್ ದ ಬಂಧು, ಉದ್ಯಮಿ ಉದಯ್ ಎಮ್ ಶೆಟ್ಟಿ ಮಲಾರ ಬೀಡು ಮೇರ್ ಬಂಟ್ಸ್ ಫೋರಂ ಮೀರಾ ಭಾಯಂದರ್ ದ ಪೊಸ ಗುರ್ಕಾರೆಯಾದ್ ಅವಿರೋಧವಾದ್ ಆಯ್ಕೆ ಆತೆರ್.

ಮೇರ್ ಸಾಮಾಜಿಕ, ಧಾರ್ಮಿಕ ಕ್ಷೇತ್ರಡ್ ಪಂದ್ ಸುಮಾರಾತ್ ಸಂಘ ಸಂಸ್ಥೆಲೆಡ್ ಸೇವೆ ಸಂದಾದೆರ್.

ನ.30: ಥಾಣೆಡ್ ಗರುಡ ಪಂಚೆಮಿ ತುಳು ನಾಟಕ

ಬೊಂಬೈ: ತ್ರಿರಂಗ ಸಂಗಮ ಬೊಂಬೈ ಸಂಚಾಲಕತ್ವಡ್ ಲಯನ್ ಕಿಶೋರ್ ಡಿ ಶೆಟ್ರೆನ ನಿರ್ದೇಶನೊಡು ನ.30 ಗುರುವಾರ ಬಯ್ಯಗ್ ಬೊಂಬೈದ ಥಾಣೆ ಕಾಶಿನಾಥ್ ಫಾಣೇಕರ್ ಸಭಾಗೃಹಡ್ ಗರುಡ ಪಂಚೆಮಿ ತುಳು ನಾಟಕ ನಡಪರೆ ಉಂಡು. ‌

ಈ ನಾಟಕ ಶ್ರೀ ರಾಜಶೇಖರಾನಂದ ಸ್ವಾಮೀಜಿಲೆನ ಬೊಕ್ಕ ಸಾಣೂರು ಸಾತಿಂಜ ಶ್ರೀ ಜನಾರ್ದನ ಭಟ್ರೆನ ಆಶೀರ್ವಾದದೊಟ್ಟಿಗೆ, ಮಾಳ ಸುನಿ ಮೆರೆನ ಮೂಲಕಥೆ, ರಂಗವಿನ್ಯಾಸದೊಟ್ಟಿಗೆ, ಲ. ನವನೀತ್ ಶೆಟ್ರೆನ ತುಳು ಅನುವಾದದೊಟ್ಟಿಗೆ, ಜೀವನ್ ಉಳ್ಳಾಲ್ ಮೆರೆನ ಸಲಹೆ ಸಹಕಾರದೊಟ್ಟಿಗೆ, ಮೋಹನ್ ಕೊಪ್ಪಲ ಕದ್ರಿ ಮೆರೆನ ಸಮಗ್ರ ನಿರ್ವಹಣೆಡ್ ನಡಪರೆ ಉಂಡು ಪಂದ್ ಕರ್ನೂರ್ ಮೋಹನ್ ರೈ, ಅಶೋಕ್ ಪಕ್ಕಳ, ನವೀನ್ ಶೆಟ್ಟಿ ಇನ್ನಾ ಬಾಳಿಕೆ ಲೆಪ್ಪೋಲೆಡ್ ತೆರಿಪಾದೆರ್.

ಜಪ್ಪು ಮಹಾಕಾಳಿಪಡ್ಪು: ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ

ಕುಡ್ಲ: ಜಪ್ಪುದ ಮಹಾಕಾಳಿಪಡ್ಪು ಶ್ರೀ ಭಗವತೀ ತೀಯಾ ಸೇವಾ ಸಂಘದ ಮುತಾಲಿಕೆಡ್ 30ನೇ ವರ್ಷದ ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ ನ.26 ಐತಾರ ಬೊಲ್ಪುಗು ಜಪ್ಪು ಸಂಕಪ್ಪ ಮೆಮೋರಿಯಲ್ ಹಾಲ್ ಡ್ ನಡತ್ಂಡ್.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾಯೆರ್ ಪಂದ್ ಗುರಿಕಾರೆರ್ ದಾಮೋದರ ಗುರಿಕಾರೆ, ಮಾನಾದಿಗೆದ ಗುರ್ಕಾರೆ ಚಂದ್ರಮೋಹನ್ ಜೆ, ಗುರ್ಕಾರೆ ಚಂದ್ರಶೇಖರ್ ಕೆ ತೆರಿಪಾದೆರ್.

ಘಾಟ್ಕೋಪರ್ ಶ್ರೀ ದತ್ತಾತ್ರೇಯ ದುರ್ಗಾಂಬಿಕಾ ದೇವಲ್ಯಡ್ ಸಾಮೂಹಿಕ ಶ್ರೀ ಶನಿ ಪೂಜೆ

ಬೊಂಬೈ: ಘಾಟ್ಕೋಪರ್ ಶ್ರೀ ದತ್ತಾತ್ರೇಯ ದುರ್ಗಾಂಬಿಕಾ ದೇವಲ್ಯಡ್ ನ.25 ಸನಿಯಾರ ಮಧ್ಯಾಹ್ನ ಸಾಮೂಹಿಕ ಶ್ರೀ ಶನಿ ಪೂಜೆ ನಡತ್ಂಡ್.

ಈ ಲೇಸ್ ಡ್ ಭಕ್ತಾದಿಲು ಮಾತೆರ್ಲಾ ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್, ತೀರ್ಥ ಪ್ರಸಾದ ದೆತೊಂದು, ಶ್ರೀ ದತ್ತಾತ್ರೇಯ, ಶ್ರೀ ಆದಿಮಾತೆ ದುರ್ಗಾಂಬಿಕಾ, ಶ್ರೀ ಆಂಜನೇಯ, ಶ್ರೀ ನಾಗಶೇಷ, ಶ್ರೀ ಚಾಮುಂಡಿ ದೈವ ಬೊಕ್ಕ ಶ್ರೀ ಶನಿದೇವೆರೆನ ಕೃಪೆಗ್ ಪಾತ್ರರಾಯೆರ್.

ನ.29: ಸಾಂತಕ್ರೂಜ್ ಡ್ ಗರುಡ ಪಂಚೆಮಿ ತುಳು ನಾಟಕ

ಬೊಂಬೈ: ತ್ರಿರಂಗ ಸಂಗಮ ಬೊಂಬೈ ಸಂಚಾಲಕತ್ವಡ್ ಲಯನ್ ಕಿಶೋರ್ ಡಿ ಶೆಟ್ರೆನ ನಿರ್ದೇಶನೊಡು ನ.29 ಬುಧಾರ ಬಯ್ಯಗ್ ಬೊಂಬೈದ ಸಾಂತಕ್ರೂಜ್ ಬಿಲ್ಲವ ಭವನಡ್ ಗರುಡ ಪಂಚೆಮಿ ತುಳು ನಾಟಕ ನಡಪರೆ ಉಂಡು. ‌ಈ ನಾಟಕ ಶ್ರೀ ರಾಜಶೇಖರಾನಂದ ಸ್ವಾಮೀಜಿಲೆನ ಬೊಕ್ಕ ಸಾಣೂರು ಸಾತಿಂಜ ಶ್ರೀ ಜನಾರ್ದನ ಭಟ್ರೆನ ಆಶೀರ್ವಾದದೊಟ್ಟಿಗೆ, ಮಾಳ ಸುನಿ ಮೆರೆನ ಮೂಲಕಥೆ, ರಂಗವಿನ್ಯಾಸದೊಟ್ಟಿಗೆ, ಲ. ನವನೀತ್ ಶೆಟ್ರೆನ ತುಳು ಅನುವಾದದ, ಜೀವನ್ ಉಳ್ಳಾಲ್ ಮೆರೆನ ಸಲಹೆ ಸಹಕಾರಡ್ ಮೋಹನ್ ಕೊಪ್ಪಲ ಕದ್ರಿ ಮೆರೆನ ಸಮಗ್ರ ನಿರ್ವಹಣೆಡ್ ನಡಪರೆ ಉಂಡು ಪಂದ್ ಕರ್ನೂರ್ ಮೋಹನ್ ರೈ, ಅಶೋಕ್ ಪಕ್ಕಳ, ನವೀನ್ ಶೆಟ್ಟಿ ಇನ್ನಾ ಬಾಳಿಕೆ ಲೆಪ್ಪೋಲೆಡ್ ತೆರಿಪಾದೆರ್.

ರೇಡಿಯೊ ಮಣಿಪಾಲಡ್ ಯೋಗ ಸುಯೋಗ ಸರಣಿ ಲೇಸ್

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಯೋಗ ಸುಯೋಗ ಸರಣಿ ಲೇಸ್ ದ 35ನೇ ಸಂಚಿಕೆ ನ. 27 ಸೋಮಾರ ಬಯ್ಯಗ್ 4.15 ಕ್ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಒಡಿಪು ಚಿಟ್ಪಾಡಿದ ಶ್ರೀ ಗುರುಕೃಪಾ ಯೋಗ ವಿದ್ಯಾ ಪ್ರತಿಷ್ಠಾನಡ್ ಯೋಗ ಶಿಕ್ಷಕೆರಾಯಿನ ಆರ್ ಶಿವಕುಮಾರ್ ಪಾಲ್ ಪಡೆಯೆರೆ ಉಲ್ಲೆರ್. ನ.28 ಕ್ಕ್ ಮಧ್ಯಾಹ್ನ 12.15 ಕ್ಕ್ ಕುಡೊರ ಪ್ರಸಾರ ಆಪುಂಡು. ಈ ಲೇಸ್ ನ್ ರೇಡಿಯೊ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೊ ಮಣಿಪಾಲ್ ಆಫ್‌ ಡೌನ್‌ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.