ವೀಸಾ ಇಜ್ಜಾಂದೆ ಥೈಲ್ಯಾಂಡ್ ಪ್ರವಾಸಗ್ ಪೋವೊಲಿ
ಥೈಲ್ಯಾಂಡ್: ಥೈಲ್ಯಾಂಡ್ ಸರ್ಕಾರಗ್ ಪ್ರವಾಸೋದ್ಯಮನೇ ಆದಾಯದ ಮಲ್ಲ ಮೂಲ ಆಯಿನೆದಾತ್ರ ಥೈಲ್ಯಾಂಡ್ ಸರ್ಕಾರ ದುಂಬುದ ಆಜಿ ತಿಂಗೊಲುದ ಕಾಲ ಒವ್ವೇ ವೀಸಾ ಇಜ್ಜಂದೆ ಥೈಲ್ಯಾಂಡ್ಗ್ ಭೇಟಿ ಕೊರ್ರೆ ಅವಕಾಶ ಮಲ್ತ್ ಕೊರ್ತುಂಡು. 2023 ನವೆಂಬರ್ 10 ರ್ದ್ 2024 ಮೇ 10 ಮುಟ್ಟ ವೀಸಾ-ಮುಕ್ತವಾದ್ ಥೈಲ್ಯಾಂಡ್ಗ್ ಭೇಟಿ ಕೊರೊಲಿ ಪನ್ಪುನ ಮಾಹಿತಿ ಥಾಯ್ ಸರ್ಕಾರ ಕೊರ್ತುಂಡು.
30 ದಿನ ಮುಟ್ಟ ಅವುಲು ಕುಲ್ಲೆರೆ ಅವಕಾಶ ಕೊರ್ತೆರ್. ಥೈಲ್ಯಾಂಡ್ ದೇಶಗ್ ಭೇಟಿ ಕೊರ್ನನಕ್ಲೆನ ಸಂಖ್ಯೆ ತೂಂಡ ಭಾರತ ನಾಲನೇ ದೇಶ. ಈ ವರ್ಷ ಸುಮಾರು 12 ಲಕ್ಷ ಪ್ರವಾಸಿಗೆರ್ ಥೈಲ್ಯಾಂಡ್ಗ್ ಭೇಟಿ ಕೊರ್ತೆರ್. ಭಾರತೀಯ ಸರ್ಕಾರ ಕೊರ್ನ ಅಂಕಿ ಅಂಶದಂಚ 2011ಟ್ 1.4 ಕೋಟಿ, 2019ಡ್ 2.7 ಕೋಟಿ ಪ್ರವಾಸಿಗೆರ್ ಥೈಲ್ಯಾಂಡ್ ಪ್ರವಾಸ ಪೋತೆರ್ ಪಂದ್ ತೆರಿದ್ ಬೈದ್ಂಡ್.
