ಮೂಲ್ಕಿ: ಮೂಲ್ಕಿ ಸೀಮೆದ ಅರಸು ಕಂಬುಲ ಡಿ.24 ದಾನಿ ನಡಪೆರೆ ಉಂಡು. ಉಂದುವೇ ಸುರೂತ್ತ ಸರ್ತಿ ಮೈಸೂರು ರಾಜವಂಶಸ್ಥೆರ್ ಯದುವೀರ್ ಕೃಷ್ಣ ದತ್ತ ಚಾಮರಾಜ ಒಡೆಯರ್ ಅರಸು ಕಂಬುಲ ಡ್ ಪಾಲ್ ಪಡೆಯೆರೆ ಉಲ್ಲೆರ್. ಆನಿ ಕಾಂಡೆ ಮೂಲ್ಕಿ ಅರಮನೆಕ್ಕ್ ಭವ್ಯ ಮೆರವಣಿಗೆದ ಮೂಲಕ ಎದ್ಕೊನಿಯೆರೆ ಉಲ್ಲೆರ್.
ಬೊಕ್ಕ ಮೂಲ್ಕಿ ಸೀಮೆದ ಒರ್ಂಬ ಮಾಗಣೆದ ವತಿರ್ದ್ ಮಾನಾದಿಗೆ ನಡಪೆರೆ ಉಂಡು. ಮೂಲ್ಕಿ ಸೀಮೆ ಇತಿಹಾಸ ಪ್ರಸಿದ್ಧ ಅರಸು ಕಂಬುಲನ್ ವೀಕ್ಷಣೆ ಮಲ್ಪೆರೆ ಉಲ್ಲೆರ್. ಬೊಕ್ಕ ಮೂಲ್ಕಿ ಅರಮನೆ ವೆಲ್ಫೇರ್ ಟ್ರಸ್ಟ್ ದ ವತಿರ್ದ್ ನಡಪುನ ಸಾಧಕೆರೆಗ್ ಮಾನಾದಿಗೆದ ಲೇಸ್ ಡ್ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಮೂಲ್ಕಿ ಸೀಮೆದ ಅರಸೆರ್ ದುಗ್ಗಣ್ಣ ಸಾವಂತೆರ್, ಮೂಲ್ಕಿ ಅರಮನೆ ವೆಲ್ಫೇರ್ ಟ್ರಸ್ಟ್ ದ ನಿರ್ದೇಶಕೆರ್ ಎಂ ಗೌತಮ್ ತೆರಿಪಾದೆರ್.
Editorial