ಕ್ರಿಕೆಟ್ ದೇವೆರ್ ಪಂದೇ ಪುಗರ್ತೆ ಪಡೆಯಿನ ಸಚಿನ್ ತೆಂಡೂಲ್ಕರ್ ಮೆರೆನ ಪ್ರತಿಮೆನ್ ಇನಿ ಬೊಂಬೈದ ವಾಂಖೆಡೆ ಸ್ಟೇಡಿಯಂಡ್ ಅನಾವರಣ ಮಲ್ಪರೆ ಉಂಡು.
ರಡ್ಡ್ ದಶಕದ ಯಶಸ್ವಿ ವೃತ್ತಿಜೀವನದ ಬೊಕ್ಕ, ಮಾಸ್ಟರ್ ಬ್ಲಾಸ್ಟರ್ 2013 ಟ್ಟ್ ಉಂದುವೇ ಕ್ರೀಡಾಂಗಣಡ್ ತನ್ನ 200ನೇ ಬೊಕ್ಕ ಅಕೇರಿದ ಟೆಸ್ಟ್ ಮ್ಯಾಚ್ ನ್ ಗೊಬ್ಬುದೆರ್. ಬ್ಯಾಟಿಂಗ್ ದಿಗ್ಗಜಗ್ ಗೌರವ ತೂಪಾಯೆರೆ ಬೊಂಬೈ ಕ್ರಿಕೆಟ್ ಸಂಸ್ಥೆ ಈ ಪ್ರತಿಮೆನ್ ನಿರ್ಮಾಣ ಮಲ್ದ್ಂಡ್.
ಬೆಂಗಳೂರು: ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೇರ್ ಕನ್ನಡ ರಾಜ್ಯೋತ್ಸವದ ಲೆಕ್ಕೊಡು ರಾಜ್ಯದ ಸರ್ಕಾರಿ ಶಾಲೆಲೆಗ್ ಧರ್ಮೊಗು ಕರೆಂಟ್ ಬೊಕ್ಕ ಪರ್ಪಿನ ನೀರ್ ಕೊರ್ಪ ಪಂದ್ ಕೊರಿಯೆರ್.
ಮೇರ್ ಕಂಠೀರವ ಹೊರಾಂಗಣ ಕ್ರೀಡಾಂಗಣಡ್ ಕೊಡಿ ರಾಪಾದ್ ಪಾತೆರಿಯೆರ್. ಅಂಚೆನೆ ಕೇಂದ್ರ ಸರ್ಕಾರದ ಸ್ಪರ್ಧಾತ್ಮಕ ಪರೀಕ್ಷೆನ್ ಕನ್ನಡಡೇ ನಡಪಾವೊಡು. ಈ ಬಗೆಟ್ಟ್ ಪ್ರಧಾನಿಗ್ ಪತ್ರ ಬರೆಪೆ ಪಂದ್ ಪಂಡೆರ್.
ಡೆಲ್ಲಿ ಬೊಕ್ಕ ಬೊಂಬೈಡ್ ವಾಯು ಮಾಲಿನ್ಯ ಎಚ್ಚಾವೊಂದು ಇಪ್ಪುನೆರ್ದಾವರ ಬಿಸಿಸಿಐ ಮಹತ್ವದ ನಿರ್ಧಾರ ದೆತೊಂದುಂಡು.
ಬೊಂಬೈ ಬೊಕ್ಕ ಡೆಲ್ಲಿದ ಸ್ಟೇಡಿಯಂಡ್ ನಡಪರೆ ಇಪ್ಪುನ ಮ್ಯಾಚ್ ಡು ಪಟಾಕಿ ಗಲಸುನೆನ್ ನಿಷೇಧ ಮಲ್ದ್ಂಡ್. ಎಲ್ಲೆ ವಾಂಖೆಡೆಡ್ ಭಾರತ ಬೊಕ್ಕ ಶ್ರೀಲಂಕಾ ಮ್ಯಾಚ್ ಉಂಡು. ಸೋಮಾರ ಬಾಂಗ್ಲಾದೇಶ ಬೊಕ್ಕ ಶ್ರೀಲಂಕಾ ಮ್ಯಾಚ್ ಫಿರೋಜ್ ಶಾ ಕೋಟ್ಲಾಡ್ ನಡಪರೆ ಉಂಡು. ಈ ರಡ್ಡ್ ಮ್ಯಾಚ್ ಡ್ ಪಟಾಕಿ ಪುಡಾಪೆರೆ ಬಲ್ಲಿ ಪಂದ್ ಜಯ್ ಶಾ ತೆರಿಪಾದೆರ್.
ರಾಜ್ಯ ಪೊಲೀಸ್ ಇಲಾಖೆಡ್ ಖಾಲಿ ಇಪ್ಪುನ ಸಶಸ್ತ್ರ ಕಾನ್ ಸ್ಟೆಬಲ್ (CAR,DAR) 3064 ಬೇಲೆದ ನೇಮಕಾತಿಗ್ ಜ.28 ಕ್ಕ್ ಲಿಖಿತ ಪರೀಕ್ಷೆ ನಡಪಾಯೆರೆ ನೇಮಕಾತಿ ವಿಭಾಗ ನಿರ್ಧಾರ ಮಲ್ದ್ಂಡ್.
2022-23ನೇ ಸಾಲ್ ದ ಈ ಬೇಲೆದ ನೇಮಕಾತಿಗ್ ಲಿಖಿತ ಪರೀಕ್ಷೆ ನಡಪಾಯೆರೆ ಮಾತ ಘಟಕಲೆಗ್ ಪೂರ್ವ ತಯಾರಿ ಮಲ್ಪರೆ ತೆರಿಪಾದ್ಂಡ್. ನ.8 ತ್ತ ಉಲಯಿ ಪರೀಕ್ಷೆ ಕೇಂದ್ರಲೆನ ಪೊಲಬುನ್ ಕಡಪಾಯೆರೆ ಮಾತ ಘಟಕದ ಮುಖ್ಯಸ್ಥೆರೆಗ್ ಪೊಲೀಸ್ ನೇಮಕಾತಿ ವಿಭಾಗ DIGP ಯಡಾ ಮಾರ್ಟಿನ್ ಮಾರ್ಬನ್ಯಾಂಗ್ ತೆರಿಪಾದೆರ್.
ಮಲ್ಪೆ: ಕಲ್ಯಾಣಪುರ ನೇಜಾರ್ ಶ್ರೀ ಭಗವತೀ ತೀಯಾ ಸಮಾಜ (ರಿ.)ದ ಮಹಿಳಾ ಘಟಕದ ಗುರ್ಕಾರ್ದಿಯಾದ್ ಶಕುಂತಲಾ ಟಿ ಮೇರ್ ಆಯ್ಕೆ ಆತೆರ್.
ಮಾನಾದಿಗೆದ ಗುರ್ಕಾರ್ದಿಯಾದ್ ಟಿ.ಕಲ್ಯಾಣಿ ಟೀಚರ್, ಒತ್ತು ಗುರ್ಕಾರ್ದಿಯಾದ್ ವನಜ ಪಾಲನ್, ಕಾರ್ಯದರ್ಶಿಯಾದ್ ಶಶಿಕಲಾ ಎಸ್ ಕರ್ಕೇರ, ಕೊಶಾಧಿಕಾರಿ ಶೀಲಾ ಯೋಗೀಶ್, ಜತೆ ಕಾರ್ಯದರ್ಶಿಯಾದ್ ಸಂಧ್ಯಾ ಪೂರ್ಣೇಶ್, ಪ್ರೀಯಾ ವಿಕಾಸ್, ಸಂಘಟನಾ ಕಾರ್ಯದರ್ಶಿಯಾದ್ ಮನಿಷಾ ಪದ್ಮನಾಭ, ಶಾಲಿನಿ ಹರಿಪ್ರಸಾದ್, ಕಲಾ ಕಾರ್ಯದರ್ಶಿಯಾದ್ ಶಾರದ ತಿಮ್ಮಪ್ಪ ಸಾಲ್ಯಾನ್, ಸುಧಾ ಸದಾಶಿವ, ಕಾರ್ಯಕ್ರಮ ಸಂಯೋಜಕಿಯಾದ್ ಸೀಮಾ ಸುರೇಶ ಪಾಲನ್, ಬೊಕ್ಕ ಗೌರವ ಸಲಹೆಗಾರೆರ್, ಸಲಹೆಗಾರೆರ್, ಸದಸ್ಯೆರ್ ಆಯ್ಕೆ ಆಯೆರ್.
ಮಿತ್ತಬಾಗಿಲು: ಕೊಲ್ಲಿ ಶ್ರೀ ದುರ್ಗಾದೇವಿ ದೇವಲ್ಯಡ್ ಮಾರ್ಚ್ 20-28 ಮುಟ್ಟ ನಡಪರೆ ಇಪ್ಪುನ ಬ್ರಹ್ಮಕಲಶ ಉಚ್ಚಯದ ಸಮಿತಿದ ಕಚೇರಿ ಉದಿಪನ ಅ.24 ಕ್ಕ್ ದೇವಲ್ಯದ ರಥ ಬೀದಿಡ್ ಇಪ್ಪುನ ಶೇಖರ್ ಪೂಜಾರಿ ಮೆರೆನ ಕಟ್ವಾನಡ್ ನಡತ್ಂಡ್.
ಉದ್ಯಮಿ ರಂಜನ್ ಜಿ. ಗೌಡ ಕಚೇರಿ ಉದಿಪನ ಮಲ್ತೆರ್. ಬೊಕ್ಕ ಮೇರ್ ಪಾತೆರ್ದ್, ದೇವಲ್ಯದ ಜೀರ್ಣೋದ್ದಾರ ಊರುದಕ್ಲೆ ಪ್ರಯತ್ನರ್ದ್ ನಡತೊಂದು ಉಂಡು. ಈ ದೇವಲ್ಯನ ಪೊರ್ಲುದ ರೂಪಡ್ ಆಪುಂಡು. ಕೊಲ್ಲಿ ಪ್ರದೇಶಡ್ ಕಂಬುಲನ್ ನಮ ಯಶಸ್ವಿಯಾದ್ ನಡಪಾವೊಂದು ಬೈದ. ಈ ಪುಣ್ಯದ ಕೆಲಸಗ್ ಕ್ಷೇತ್ರದ ದೇವಿನೇ ಕಾರಣ, ಬ್ರಹ್ಮಕಲಶ ಉಚ್ಚಯ ಮಸ್ತ್ ಗೌಜಿಡ್ ನಡಪಡ್ ಪಂದ್ ಪಂಡೆರ್.
ಈ ಪೊರ್ತುಡು ಬ್ರಹ್ಮಕಲಶ ಉಚ್ಚಯ ಸಮಿತಿದ ಗುರ್ಕಾರೆ ಬಿ. ಕೆ. ಧನಂಜಯ್ ರಾವ್, ಪ್ರಧಾನ ಕಾರ್ಯದರ್ಶಿ ದಾಸಪ್ಪ ಗೌಡ ಕಾಂಜಾನು, ವ್ಯವಸ್ಥಾಪನಾ ಸಮಿತಿದ ಗುರ್ಕಾರೆ ವಾಸುದೇವ ರಾವ್ ಕಕ್ಕೆನೇಜಿ, ಗೌರವ ಸಲಹೆಗಾರೆ ಡಾ.ವಾಣಿ ಸುಗುಣ ಕುಮಾರ್, ಸಹ ಕೋಶಾಧಿಕಾರಿ ಪರಮೇಶ್ವರ್ ರಾವ್, ಸಂಘಟನಾ ಕಾರ್ಯದರ್ಶಿ ವಿನಯಚಂದ್ರ ಸೇನೆರಬೆಟ್ಟು, ಶಾಲಿನಿ ಗೋಪಾಲ್ ಪೂಜಾರಿ, ಸಲಹೆಗಾರೆ ಕೃಷ್ಣಪ್ಪ ಪೂಜಾರಿ ಕಿಲ್ಲೂರು, ಪೂವಪ್ಪ ಗೌಡ ಕೊಂಡಮಲೆ, ಜತೆ ಕಾರ್ಯದರ್ಶಿ ಜ್ಯೋತಿಲಕ್ಷ್ಮಿ ಕಿಲ್ಲೂರು, ಶೇಖರ ಪೂಜಾರಿ ಕಂಬಳದಡ್ಡ, ಬಾಲಕೃಷ್ಣ ಪೂಜಾರಿ, ಜೀರ್ಣೋದ್ಧಾರ ಸಮಿತಿದ ಗುರ್ಕಾರೆ ಡಾ. ಬಿ.ಕೆ. ಲೋಕೇಶ್ ರಾವ್, ಪ್ರಧಾನ ಕಾರ್ಯದರ್ಶಿ ಡಿ. ದಿನೇಶ್ ಗೌಡ ಪಾಲ್ ಪಡೆದಿತ್ತೆರ್.
ಡೊಂಬಿವಲಿ ಟೆಲ್ಕ್ ಸ್ ವಾಡಿದ ಶ್ರೀ ರಾಧಾಕೃಷ್ಣ ಬೊಕ್ಕ ಶ್ರೀ ಶನೀಶ್ವರ ಮಂದಿರದ 65ನೇ ವಾರ್ಷದ ಮಂಗಳ ಉಚ್ಚಯ ನ.3-4 ಕ್ಕ್ ದೇವಲ್ಯದ ಪ್ರಧಾನ ಅರ್ಚಕೆರ್ ಪ್ರಕಾಶ್ ಭಟ್ ಕಾನಂಗಿ ಮೆರೆನ ಮುತಾಲಿಕೆಡ್ ನಡಪರೆ ಉಂಡು.
ನ.3 ಸುಕ್ರಾರ ಬೊಲ್ಪುಗು ತೋರಣ ಮೂರ್ತ, ಗಣಹೋಮ, ನವಕ ಪ್ರದಾನ ಹೋಮ, ಪಂಚಾಮೃತ ಅಭಿಷೇಕ, ಅಲಂಕಾರ ಪೂಜೆ, ಮಂಗಳಾರತಿ ನಡಪರೆ ಉಂಡು.
ನ.4 ಸನಿಯಾರ ಬೊಲ್ಪುಗು ಬೊಲ್ಪುದ ಪೂಜೆ, ಸಾಮೂಹಿಕ ಶ್ರೀ ಸತ್ಯನಾರಾಯಣ ಮಹಾಪೂಜೆ, ಭಜನೆ ಮಧ್ಯಾಹ್ನ ಮಹಾ ಮಂಗಳಾರತಿ, ಮಹಾಪೂಜೆ, ಧಾರ್ಮಿಕ ಸಭಾ ಲೇಸ್, ಶ್ರೀ ಶನಿಪೂಜೆ, ಬೊಕ್ಕ ಯಕ್ಷಗಾನ ರೂಪಡ್ ಶನಿ ಗ್ರಂಥ ಪಾರಾಯಣ, ರಾತ್ರೆ ರಂಗಪೂಜೆ ಭಜನೆ, ಮಹಾ ಮಂಗಳಾರತಿ, ತೀರ್ಥ ಪ್ರಸಾದ ಪಟ್ಟಿಯೆರೆ ಬೊಕ್ಕ ನುಪ್ಪು ಪ್ರಸಾದ ಸೇವೆ ನಡಪರೆ ಉಂಡು.
ಭಕ್ತಾದಿಲು ಮಹಾಪೂಜೆದ ಮತ ಸೇವೆಡ್ ಪಾಲ್ ಪಡೆದ್, ಶ್ರೀ ರಾಧಾಕೃಷ್ಣ ಶನೀಶ್ವರ ದೇವೆರೆನ ಮಹಾ ಉಚ್ಚಯನ್ ಪೊರ್ಲು ಮಲ್ತ್ ದ್ ಕೊರೊಡು, ಬೊಕ್ಕ ಶ್ರೀ ಮಹಾಗಣಪತಿ, ಶನೀಶ್ವರ, ಪ್ರಧಾನ ಒಡೆಯೇ ಶ್ರೀ ರಾಧಾಕೃಷ್ಣ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಮಂದಿರದ ಮಾನಾದಿಗೆದ ಗುರ್ಕಾರೆ, ಗುರ್ಕಾರೆ, ಕಾರ್ಯಕಾರಿ ಸಮಿತಿ, ಸಲಹೆಗಾರೆರ್, ಮಹಿಳಾ ವಿಭಾಗ ಬೊಕ್ಕ ಸರ್ವಸದಸ್ಯೆರ್ ಪ್ರಕಟಣೆಡ್ ತೆರಿಪಾದೆರ್.
ಕುಡ್ಲ ನಗರ ಪೊಲೀಸ್ ದ ಮುತಾಲಿಕೆಡ್ 68ನೇ ಕರ್ನಾಟಕ ರಾಜ್ಯೋತ್ಸವದ ಲೆಕ್ಕೊಡು ಡ್ರಗ್ಸ್ ಮುಕ್ತ ಭವಿಷ್ಯಗಾದ್ ಜೊತೆಯಾಗಿ ನಡೆಯೋಣ ಲೇಸ್ ನ.1 ಬುಧಾರ ಬಯ್ಯಗ್ ಕುಡ್ಲ ಟೌನ್ ಹಾಲ್ ಡ್ ನಡಪರೆ ಉಂಡು.
ಈ ಲೇಸ್ ಡ್ ಸಭಾಧ್ಯಕ್ಷೆರ್ ಯುಟಿ ಖಾದರ್ ಫರೀದ್ ಪಾಲ್ ಪಡೆಯೆರೆ ಉಲ್ಲೆರ್. ಸಚಿವೆರ್ ದಿನೇಶ್ ಗುಂಡೂರಾವ್ ಚಾಲನೆ ಕೊರಿಯೆರೆ ಉಲ್ಲೆರ್.
ಮಲ್ಲ ಬಿನ್ನೆರಾದ್ ಲೋಕಸಭೆ ಸಂಸದೆರ್ ನಳಿನ್ ಕುಮಾರ್ ಕಟೀಲ್, ರಾಜ್ಯಸಭೆ ಸಂಸದೆರ್ ಡಿ.ವೀರೇಂದ್ರ ಹೆಗ್ಗಡೆ, ಶಾಸಕೆರ್ ಡಾ.ಭರತ್ ಶೆಟ್ಟಿ ವೈ, ರಾಜೇಶ್ ನಾಯ್ಕ್ ಯು, ಡಿ.ವೇದವ್ಯಾಸ ಕಾಮತ್, ಭಾಗೀರಥಿ ಮುರುಳ್ಯ, ಬಿ.ಎಂ ಫಾರೂಕ್, ಎಸ್ ಎಲ್ ಭೋಜೇಗೌಡ, ಮಂಜುನಾಥ ಭಂಡಾರಿ, ಹರೀಶ್ ಪೂಂಜ, ಉಮಾನಾಥ್ ಎ. ಕೋಟ್ಯಾನ್, ಅಶೋಕ್ ಕುಮಾರ್ ರೈ, ಕೋಟ ಶ್ರೀನಿವಾಸ ಪೂಜಾರಿ, ಕೆ. ಹರೀಶ್ ಕುಮಾರ್, ಪ್ರತಾಪ್ ಸಿಂಹ ನಾಯಕ್ ಕೆ, ಕುಡ್ಲ ಮಹಾಪೌರೆರ್ ಸುಧೀರ್ ಶೆಟ್ಟಿ ಪಾಲ್ ಪಡೆಯೆರೆ ಉಲ್ಲೆರ್.
ಬೋಲ್ತೆರ್ ತಾಲೂಕು ರಾಷ್ಟ್ರೀಯ ಪರ್ಬದ ಆಚರಣಾ ಸಮಿತಿದ ವತಿರ್ದ್ ಕರ್ನಾಟಕ ರಾಜ್ಯೋತ್ಸವ ದಿನಾಚರಣೆನ್ ಬೋಲ್ತೆರ್ ತಾಲೂಕು ಆಡಳಿತ ಸೌಧಡ್ ಆಚರಣೆ ಮಲ್ತೆರ್. ಕಾರ್ಯಕ್ರಮನ್ ಬೋಲ್ತೆರ್ ತಹಶೀಲ್ದಾರೆರ್ ಟಿ ಸುರೇಶ್ ಕುಮಾರ್ ಧ್ವಜಾರೋಹಣ ಮಲ್ತ್ದ್ ಎಡ್ಡೆಪ್ಪು ಬಯಕಿಯೆರ್.
ಉಜಿರೆ ಎಸ್ ಡಿಎಂ ಕಾಲೇಜ್ದ ಸಹ ಪ್ರಾಧ್ಯಪಕೆರ್ ಹಳೆ ಮನೆ ರಾಜಶೇಖರ, ತಾ.ಪಂ. ಕಾರ್ಯನಿರ್ವಹಣಾಧಿಕಾರಿ ಕುಸುಮಾಧರ್, ಸರ್ಕಲ್ ಇನ್ಸ್ ಪೆಕ್ಟರ್ ನಾಗೇಶ್ ಕದ್ರಿ, ಸಮಾಜಕಲ್ಯಾಣ ಇಲಾಖೆದ ಹೇಮಚಂದ್ರ, ಮಹಿಳಾ ಬೊಕ್ಕ ಮಕ್ಕಳ ಕಲ್ಯಾಣಾಧಿಕಾರಿ ಪ್ರೀಯಾ ಆಗ್ನೇಶ್, ಕ್ಷೇತ್ರ ಶಿಕ್ಷಣಾಧಿಕಾರಿ ವಿರೂಪಾಕ್ಷಪ್ಪ, ನಗರ ಪಂಚಾಯತ್ ಮುಖ್ಯಾಧಿಕಾರಿ ರಾಜೇಶ್, ತಾಲೂಕು ಪಂಚಾಯತ್ ಸಂಯೋಜಕೆರ್ ಜಯಾನಂದ ಲಾಯಿಲ, ಪಟ್ಟಣ ಪಂಚಾಯತ್ ಸದಸ್ಯೆರ್, ಗ್ರಾ.ಪಂ. ಅಧ್ಯಕ್ಷೆರ್, ಉಪಾಧ್ಯಕ್ಷೆರ್ ಬೊಕ್ಕ ಬೇತೆ ಬೇತೆ ಸಂಘ ಸಂಸ್ಥೆದ ಪದಾಧಿಕಾರಿಲು ಇತ್ತೆರ್.
ರಡ್ಡ್ ದಿನೊತ ದುಂಬು ಕೇರಳದ ಕಲಮಶ್ಶೇರಿಡ್ ಬಾಂಬ್ ಬ್ಲಾಸ್ಟ್ ಮಲ್ದಿನ ಆರೋಪಿ ಡೊಮಿನಿಕ್ ಮಾರ್ಟಿನ್ ತಾನ್ ಇಂಟರ್ನೆಟ್ ತೂದು ಬಾಂಬ್ ಮಲ್ಪರೆ ಕಲ್ತಿನಿ ಪನ್ದ್ ಪನೊಂನ್ದೆ. ಕಾಲಿ ಮೂಜಿ ಸಾರ ರೂ. ಕರ್ಚಿ ಮಲ್ತ್ ಬಾಂಬ್ ಮಲ್ತೆ ಪನ್ದ್ ಮಾರ್ಟಿನ್ ಪನ್ತೆ. ಸುಮಾರ್ ವರ್ಸ ದುಬೈಡ್ ಬೇಲೆಗಿತ್ತಿನ ಮಾರ್ಟಿನ್ ಕರಿನ ಐನ್ ವರ್ಸೊರ್ದಿಂಚಿ ಕೊಚ್ಚಿಡ್ ಬಾಡಯಿದ ಇಲ್ಲಡ್ ಕುಟುಮದಕಲೆನೊಟ್ಟುಗು ಇತ್ತೆ.
ಯೆಹೋವನ ಸಮಾವೇಶೊಡು ಪೋತಿನಕಲೆನ್ ಕೆರ್ಪಿನ ಉದ್ದೇಶೊಡು ಮಾರ್ಟಿನ್ ಬಾಂಬ್ ನ್ ಹಾಲ್ ದ ಉಲಾಯಿ ದೀದಿತ್ತೆ. ಪೊಲೀಸೆರೆಗ್ ಶರಣಾವೊಡ್ಡ ದುಂಬು ಮಾರ್ಟಿನ್ ಸಾಮಾಜಿಕ ಮಾಧ್ಯಮೊಡು ವೀಡಿಯೋ ಪೋಸ್ಟ್ ಮಲ್ತ್ ಸಂಘಟನೆದ ಬೋಧನೆಲು “ದೇಶದ್ರೋಹಿ” ಆಯಿನೆರ್ದಾವರ ತಾನ್ ಈ ನಿರ್ಧಾರ ಮಲ್ತೆ. ಸಮುದಾಯ ಜೋಕುಲೆಗ್, ಜನರೆಗ್ ತಪ್ಪು ಮೌಲ್ಯ ಕಲ್ಪಾವೊಂದುಂಡು ಪನ್ದ್ ವೀಡಿಯೊಡ್ ಪನ್ತೆ.
