November 2023

ಮೆಡಿಕಲ್ ಸೀಟ್ ಕೊರ್ಪಾವೆ 18 ಜನಕ್ಕ್ 62 ಲಕ್ಷ ರೂ. ಪಂಗನಾಮ

ಬೆಂಗಳೂರು: ಮೆಡಿಕಲ್‌ ಸೀಟ್ ಆಕಾಂಕ್ಷಿಲೆಗ್ ಅತೀ ಕಡಿಮೆ ಬಿಲೆಟ್ಟ್ ಕೈತಲ್ದ ರಾಜ್ಯಡ್ ಸೀಟ್ ದೆಪ್ಪಾದ್ ಕೊರ್ಪೆ ಪಂದ್ ವಂಚನೆ ಮಲ್ತಿನ ಹೈದ್ರಾಬಾದ್‌ ಮೂಲದ ಆರೋಪಿ ಇತ್ತೆ ಸಂಜಯನಗರ ಪೊಲೀಸೆರ್ನ ಬಲೆಕ್ಕ್‌ ಬೂರ್ದೆ.

ಶರತ್‌ಗೌಡ್‌(45) ಅರೆಸ್ಟ್‌ ಆಯಿನ ಆರೋಪಿ. ಪೊಲೀಸೆರ್ ಸುಮಾರು 47 ಲಕ್ಷ ರೂ. ಪನವು ವಶಕ್ಕ್ ಪಡೆಯೊಂದೆರ್. ‌ ವಿಚಾರಣೆ ಪೊರ್ತುಗು ಇಡೆ ಮುಟ್ಟ 18 ಜನಕ್ಕ್ 62 ಲಕ್ಷ ರೂ. ವಂಚನೆ ಮಲ್ತ್‌ದೆ ಪಂದ್‌ ತೆರಿದ್‌ ಬೈದ್‌ಂಡ್. ಈ ಪೈಕಿ 47.80 ಲಕ್ಷ ರೂ. ಜಪ್ತಿ ಮಲ್ತ್‌ದೆರ್. ಬಾಕಿ ಪನವುನ್ ಆರೋಪಿ ಗಲಸೊಂದೆ ಪಂದ್ ಪೊಲೀಸೆರ್ ತೆರಿಪಾದೆರ್.‌ ಉತ್ತರವಿಭಾಗ ಡಿಸಿಪಿ ಸೈದುಲ್ ಅದಾವತ್‌, ಜೆ.ಸಿ.ನಗರ ಉಪವಿಭಾಗದ ಎಸಿಪಿ ಮನೋಜ್‌ ಕುಮಾರ್‌ ನೇತೃತ್ವಡ್ ಸಂಜಯನಗರ ಠಾಣೆ ಇನ್‌ಸ್ಪೆಕ್ಟರ್‌ ಭಾಗ್ಯವತಿ ಜೆ.ಬಂಟಿ ಬೊಕ್ಕ ಸಿಬ್ಬಂದಿಲು ಕಾರ್ಯಾಚರಣೆ ನಡಪಾದೆರ್.

ಉಜಿರೆ : ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಪಾಲಿಟೆಕ್ನಿಕ್ ಕಾಲೇಜ್ ಡ್ ‘ಗೃಹ’ ಟೆಕ್ನಿಕಲ್ ಎಕ್ಸ್ಪೋ

ಪುತ್ತೂರು : ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಪಾಲಿಟೆಕ್ನಿಕ್ ಕಾಲೇಜ್ ಉಜಿರೆ ಮುಲ್ಪದ ಸಿವಿಲ್ ಇಂಜಿನಿಯರಿಂಗ್ ವಿಭಾಗ ‘ಗೃಹ ‘ಟೆಕ್ನಿಕಲ್ ಎಕ್ಸ್ಪೋ ಕಾರ್ಯಕ್ರಮನ್ ಆಯೋಜನೆ ಮಲ್ತ್ ಇತ್ತೆರ್. ಸಿವಿಲ್ ಇಂಜಿನಿಯರ್ ವಿಜಯ ವಿಷ್ಣು ಮಯ್ಯ ಭವಿಷ್ಯದ ಸಿವಿಲ್ ಇಂಜಿನಿಯರಿಂಗ್ ಕ್ಷೇತ್ರದ ಅವಶ್ಯಕತೆ ಬೊಕ್ಕ ಯುವ ಇಂಜಿನಿಯರ್ ಗ್ ಶಿಸ್ತು, ಕೌಶಲ್ಯದ ಅಗತ್ಯತೆನ್ ವಿವರಿಸಾಯೆರ್. ಕಾಂತಾರ ಖ್ಯಾತಿದ ನಟೆ ದೀಪಕ್ ರೈ ಪಾಣಾಜೆ ವಿದ್ಯಾರ್ಥಿಲೆಗ್ ಎಡ್ಡೆಪ್ಪು ಬಯಕೆರ್.

ಎಸ್ ಡಿ ಎಂ ಶಿಕ್ಷಣ ಸಂಸ್ಥೆದ ಕಾರ್ಯದರ್ಶಿ ಡಾ. ಸತೀಶ್ ಚಂದ್ರ ಎಸ್, ಪಾತೆರ್ದ್ ದೇಶದ ಅಭಿವೃದ್ಧಿಗ್ ಸಿವಿಲ್ ಇಂಜಿನಿಯರ್ ಕ್ಷೇತ್ರದ ಮಹತ್ವನ್ ತೆರಿಪಾದ್ ಕೊರಿಯೆರ್. ಇಂಜಿನಿಯರ್ ಜಗದೀಶ್ ಪ್ರಸಾದ್ ಯುವ ಇಂಜಿನಿಯರ್ಲೆಗ್ ಎಡ್ಡೆಪ್ಪು ಬಯಕೆರ್.. ಸಭೆತ ಅಧ್ಯಕ್ಷತೆನ್ ಕಾಲೇಜ್ ದ ಪ್ರಾಂಶುಪಾಲೆರ್ ಸಂತೋಷ ವಹಿಸ್ ದ್ ಇತ್ತೆರ್. ಉಪನ್ಯಾಸಕೆರ್ ಸಂಪತ್ ಬತ್ತಿ ಬಿನ್ನೆರೆನ್ ಎದ್ಕೊಂದು, ಲೇಸ್ ದ ಸುದಾರಿಕೆ ಮಲ್ತೆರ್. ವಿಭಾಗ ಮುಖ್ಯಸ್ಥೆ ತೃಪ್ತಿ ಆರ್.ರೈ ಸೊಲ್ಮೆ ಸಂದಾಯ ಮಲ್ತೆರ್. ಗೃಹ ಟೆಕ್ನಿಕಲ್ ಎಕ್ಸ್ಪೋಡ್ ವಿದ್ಯಾರ್ಥಿಲು ಅಭಿವೃದ್ಧಿ ಮಲ್ತಿನ ಬೇತೆ ಬೇತೆ ತಾಂತ್ರಿಕ ಮಾದರಿಲು ಬೊಕ್ಕ ಸಿವಿಲ್ ಇಂಜಿನಿಯರಿಂಗ್ ಕ್ಷೇತ್ರದ ಬೇತೆ ಬೇತೆ ವಸ್ತುಲೆದ ಪ್ರದರ್ಶನ ಮಲ್ತೆರ್.

ಸುಮಾರು 15೦೦ಕ್ಕ್ ಎಚ್ಚ ಪ್ರಾಥಮಿಕ ಬೊಕ್ಕ ಪ್ರೌಢಶಾಲಾ ವಿದ್ಯಾರ್ಥಿಲು ಕಾರ್ಯಕ್ರಮಡ್ ಪಾಲ್ ಪಡೆದ್ ಮಾಹಿತಿ ಪಡೆಯೊಂಡೆರ್.‌ ಕಾರ್ಯಕ್ರಮದ ಅತಿಥಿಯಾದ್ ಕಾರ್ಯದರ್ಶಿಲಾಯಿನಾ ಡಾ. ಸತೀಶ್ ಚಂದ್ರ ಎಸ್., ಸಿವಿಲ್ ಇಂಜಿನಿಯರ್ ವಿಜಯವಿಷ್ಣು ಮಯ್ಯ, ಕಾಂತಾರ ಖ್ಯಾತಿಯ ನಟ ದೀಪಕ್ ರೈ ಪಾಣಾಜೆ, ಸ್ಥಳೀಯ ಸಿವಿಲ್ ಇಂಜಿನಿಯರ್ ಜಗದೀಶ್ ಪ್ರಸಾದ್ ಈ ಪೊರ್ತುಡು ಇತ್ತೆರ್.