ರಡ್ಡ್ ದಿನೊತ ದುಂಬು ಕೇರಳದ ಕಲಮಶ್ಶೇರಿಡ್ ಬಾಂಬ್ ಬ್ಲಾಸ್ಟ್ ಮಲ್ದಿನ ಆರೋಪಿ ಡೊಮಿನಿಕ್ ಮಾರ್ಟಿನ್ ತಾನ್ ಇಂಟರ್ನೆಟ್ ತೂದು ಬಾಂಬ್ ಮಲ್ಪರೆ ಕಲ್ತಿನಿ ಪನ್ದ್ ಪನೊಂನ್ದೆ. ಕಾಲಿ ಮೂಜಿ ಸಾರ ರೂ. ಕರ್ಚಿ ಮಲ್ತ್ ಬಾಂಬ್ ಮಲ್ತೆ ಪನ್ದ್ ಮಾರ್ಟಿನ್ ಪನ್ತೆ. ಸುಮಾರ್ ವರ್ಸ ದುಬೈಡ್ ಬೇಲೆಗಿತ್ತಿನ ಮಾರ್ಟಿನ್ ಕರಿನ ಐನ್ ವರ್ಸೊರ್ದಿಂಚಿ ಕೊಚ್ಚಿಡ್ ಬಾಡಯಿದ ಇಲ್ಲಡ್ ಕುಟುಮದಕಲೆನೊಟ್ಟುಗು ಇತ್ತೆ.
ಯೆಹೋವನ ಸಮಾವೇಶೊಡು ಪೋತಿನಕಲೆನ್ ಕೆರ್ಪಿನ ಉದ್ದೇಶೊಡು ಮಾರ್ಟಿನ್ ಬಾಂಬ್ ನ್ ಹಾಲ್ ದ ಉಲಾಯಿ ದೀದಿತ್ತೆ. ಪೊಲೀಸೆರೆಗ್ ಶರಣಾವೊಡ್ಡ ದುಂಬು ಮಾರ್ಟಿನ್ ಸಾಮಾಜಿಕ ಮಾಧ್ಯಮೊಡು ವೀಡಿಯೋ ಪೋಸ್ಟ್ ಮಲ್ತ್ ಸಂಘಟನೆದ ಬೋಧನೆಲು “ದೇಶದ್ರೋಹಿ” ಆಯಿನೆರ್ದಾವರ ತಾನ್ ಈ ನಿರ್ಧಾರ ಮಲ್ತೆ. ಸಮುದಾಯ ಜೋಕುಲೆಗ್, ಜನರೆಗ್ ತಪ್ಪು ಮೌಲ್ಯ ಕಲ್ಪಾವೊಂದುಂಡು ಪನ್ದ್ ವೀಡಿಯೊಡ್ ಪನ್ತೆ.
pallavi shetty