ಮುಲ್ಕಿ ಅರಮನೆ ವೆಲ್ಪೇರ್ ಬೊಕ್ಕ ಚಾರಿಟೇಬಲ್ ಟ್ರಸ್ಟ್ (ರಿ.) ಪಡುಪಣಂಬೂರು ಬೊಕ್ಕ ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿ ಹಳೆಯಂಗಡಿ ಒಟ್ಟುಸೇರಿಗೆಡ್ ಡಿ.24 ಕ್ಕ್ ಮುಲ್ಕಿ ಅರಮನೆಟ್ಟ್ ಸಾಂಸ್ಕೃತಿಕ ವೈಭವ ನಡಪರೆ ಉಂಡು.
ಈ ಲೇಸ್ ಮುಲ್ಕಿ ಸೀಮೆ ಅರಸು ಕಂಬುಲದ ಪೊರ್ತುಡು ವಾಯ್ಸ್ ಆಫ್ ಆರಾಧನಾ ಬೊಕ್ಕ ಕೈತಲ್ ದ ಪ್ರತಿಭೆಲೆರ್ದ್ ನಡಪುಂಡು.
ಒಡಿಪು: ಒಡಿಪುದ ನೇಜಾರ್ ಡ್ ನಡತ್ತಿನ ಒಂಜೇ ಕುಟುಂಬದ ನಾಲ್ ಜನನ್ ಕೆರ್ನ ಆರೋಪಿನ್ ಪೊಲೀಸೆರ್ ಅರೆಸ್ಟ್ ಮಲ್ತ್ ದೆರ್.
ಬೆಳಗಾವಿರ್ದ್ ಒಡಿಪು ಪೊಲೀಸೆರ್ ಪ್ರವೀಣ್ ಅರುಣ್ ಚೌಗಲೆನ್ ಅರೆಸ್ಟ್ ಮಲ್ತ್ ದೆರ್.
ಆರೋಪಿ ಮಹಾರಾಷ್ಟ್ರ ಸಾಂಗ್ಲಿ ಮೂಲದಾಯೆ ಪಂದ್ ತೆರಿದ್ ಬೈದ್ಂಡ್.ಎಚ್ಚಿನ ಮಾಹಿತಿ ತಿಕ್ಕೊಡಾತೆ ಪಂದ್ ತೆರಿದ್ ಬೈದ್ಂಡ್.
ಕುಡ್ಲ: ನಗರ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿದ ರೋಡ್ ಡ್ ಜಾಗ್ರತೆ ಇಜ್ಜಾಂದೆ ಗಾಡಿ ಬುಡ್ಪುನಕುಲು, ಪರ್ದ್ ಗಾಡಿ ಬುಡ್ಪುನಕುಲ್ ಬೊಕ್ಕ ಸಂಚಾರ ನಿಯಮ ಪಾಲನೆ ಮಲ್ಪಂದೆ ಇಪ್ಪುನ ಡ್ರೈವರ್ ನಕ್ಲೆನ ಮಿತ್ತ್ ಕ್ರಮ ದೆತೊಂದು ಡ್ರೈವರ್ ನಕ್ಲೆಗ್ ರಸ್ತೆ ಸುರಕ್ಷತೆದ ಬಗ್ಗೆ ಅರಿವು ಕೊರ್ಪುನ ನಿಟ್ಟ್ ಡ್ ನ.5-12ಮುಟ್ಟ ಪೇಂಟೆಡ್ ಸಂಚಾರ ನಿಯಮ ಉಲ್ಲಂಘನೆ ಮಲ್ತಿನ ವಾಹನ ಚಾಲಕೆರ್ನ ವಿರುದ್ದ ಒಟ್ಟು 2543 ಕೇಸ್ ದಾಖಲಾತ್ಂಡ್
ಹಳೆಯಂಗಡಿ: ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿದ ಗಿರಾಕಿಲೆನ ಕೂಡುಕಟ್ಟ್ (ಸಮಾವೇಶ) ಸಂಘದ ಸಭಾಭವನಡ್ ನಡತ್ಂಡ್. ಮಲ್ಲ ಬಿನ್ನೆರಾದ್ ಕುಡ್ಲ ಓರಿಯಂಟಲ್ ಇನ್ಸೂರೆನ್ಸ್ ಕಂಪನಿದ ಪ್ರಬಂಧಕೆರ್ ಯಾದವ ದೇವಾಡಿಗ ಪಾತೆರ್ದ್ ನಾಯಕತ್ವಗ್ ಬೆಂಬಲ ಕೊರ್ಂಡ ಅಭಿವೃದ್ಧಿ ಸಾಧ್ಯ ಪಂದ್ ಪಂಡೆರ್.
ಸಂಘದ ಗುರ್ಕಾರ್ಲು ಎಚ್ ವಸಂತ್ ಬೆರ್ನಾಡ್ ಪಾತೆರ್ದ್ ಸಂಘದ ಸದಸ್ಯೆರ್ನ, ಗ್ರಾಹಕೆರ್ನ, ನಿರ್ದೇಶೆಕೆರ್ನ ಪ್ರೋತ್ಸಾಹರ್ದ್ ಸಂಘ ಅಭಿವೃದ್ಧಿದಂಚಿ ಪೋವೊಂದು ಉಂಡು. ನನೊಂಜಿ ಶಾಖೆನ್ ಸದ್ಯಡ್ ಸುರು ಮಲ್ಪುನ ಯೋಜನೆ ಉಂಡು ಪಂಡೆರ್.
ಚಾವಡಿಡ್ ಮಲ್ಲ ಬಿನ್ನೆರಾದ್ ಉದ್ಯಮಿ ಶಶೀಂದ್ರ ಎಂ ಸಾಲ್ಯಾನ್, ಹಿರಿಯ ನಿರ್ದೇಶಕೆರ್ ಉಮಾನಾಥ್ ಜೆ. ಶೆಟ್ಟಿಗಾರ್, ಉಪಾಧ್ಯಕ್ಷೆರ್ ಪ್ರತಿಭಾ ಕುಳಾಯಿ ಸ್ಟೀವನ್ ಸರ್ಮೋತ್ತಮ, ನಿರ್ದೇಶಕೆರ್ ಗಣೇಶ್ ಅಮೀನ್ ಸಂಕಮಾರ್, ಧನಂಜಯ ಮಟ್ಟು, ಗೌತಮ್ ಜೈನ್, ಶರತ್ ಶೆಟ್ಟಿ ಪಂಚವಟಿ, ಜೈಕೃಷ್ಣ ಕೋಟ್ಯಾನ್, ಗಣೇಶ್ ಪ್ರಸಾದ್ ದೇವಾಡಿಗ, ಧನ್ರಾಜ್ ಕೋಟ್ಯಾನ್, ಮಿರ್ಜಾ ಅಹಮ್ಮದ್, ಚಿರಂಜೀವಿ ಅಂಚನ್, ಶೆರಿಲ್ ಅಯೋನ ಐಮನ್, ಹರೀಶ್ ಎನ್. ಪುತ್ರನ್, ನವೀನ್ ಸಾಲ್ಯಾನ್ ಪಂಜ, ಸಂದೀಪ್,ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಸುದರ್ಶನ್ ಇತ್ತೆರ್. ಉಂದುವೆ ಪೊರ್ತುಡು ಗ್ರಾಹಕೆರೆಗ್ ಸಾಲದ ಅರ್ಜಿ ಕೊರಿಯೆರ್.
ಹೆಬ್ರಿ : ಗುವೆಲ್ಗ್ ಬೂರ್ದು ತೀರ್ಪೋಯಿನ ಘಟನೆ ಚಾರ ಗ್ರಾಮಡ್ ನಡತ್ಂಡ್. ಸಚಿನ್(35) ತೀರ್ಪೋಯಿನ ಜವನೆ. ಸಚಿನ್, ಚಾರ ಬಸದಿ ಕೈತಲ್ ಇಪ್ಪುನ ಅಕ್ಲೆನ ಇಲ್ಲದ ಕೈತಲ್ದ ಕಟ್ಟೆ ಇಜ್ಜಂದಿನ ಗುವೆಲ್ಗ್ ದೀಪ ದೀಯೆರೆ ಗುವೆಲ್ದ ಕೈತಲ್ ಪೋನಗ ಆಕಸ್ಮಾತ ಆದ್ ಕಾರ್ ಜಾರ್ದ್ ಆಯತತ್ತ್ದ್ ಗುವೆಲ್ಗ್ ಬೂರ್ದು ತೀರ್ಪೋತೆರ್ ಪಂದ್ ತೆರಿದ್ ಬೈದ್ಂಡ್.
ಕುಡ್ಲ: ತುಳು ಭಾಷೆ, ಮಾನ್ಯತೆ, ಬುಲೆಚ್ಚಿಲ್ ಗಾದ್ ಇಡೀ ದೇಶೊಡು ತುಳು ಸಂಘಟನೆಲು ಸಂಘಟಿತೆರಾದ್ ಹೋರಾಟ ಮಲ್ಪೊಡಾಪುಂಡು. ಈ ನಿಟ್ಟ್ ಡ್ ಬೇತೆ ಬೇತೆ ಜಿಲ್ಲೆ, ತಾಲೂಕು ಮಟ್ಟಡ್ ಪೊಸ ತುಳುಕೂಟಲೆನ್ ಸ್ಥಾಪನೆ ಮಲ್ತ್, ಸಂಘಟನೆಗ್ ಪೂರಕ ಬೇಲೆನ್ ಮಲ್ಪೊಡು, ಪಂದ್ ಅಖಿಲ ಭಾರತ ತುಳು ಒಕ್ಕೂಟದ ಗುರ್ಕಾರ್ಲು ಎ.ಸಿ.ಭಂಡಾರಿ ಪಂಡೆರ್.
ಮೇರ್ ಉಳ್ಳಾಲಡ್ ತುಳುವೆರ ಐಸಿರಿ ಟ್ರಸ್ಟ್ ನೆತ್ತ ಗುರ್ಕಾರ್ಲು ಕೆ.ರವೀಂದ್ರ ಶೆಟ್ಟಿ ಉಳಿದೊಟ್ಟು ಮೇರ್ನ ಮುತಾಲಿಕೆಡ್ ನಡತ್ತಿನ ಉಳ್ಳಾಲ ತುಳು ಕೂಟ ಸ್ಥಾಪನೆದ ಪೂವ೯ಭಾವಿ ಸಭೆತ ಗುರ್ಕಾರ್ಮೆನ್ ವಹಿಸಾದ್ ಪಾತೆರಿಯೆರ್. ಅಖಿಲ ಭಾರತ ತುಳು ಒಕ್ಕೂಟಡ್ ಇಡೀ ದೇಶಡ್ ಸುಮಾರ್ 44 ತುಳು ಸಂಘಟನೆಲು ಸದಸ್ಯೆರಾದ್ ತುಳು ಭಾಷೆ, ಸಂಸ್ಕೃತಿ ದ ಬಗೆಟ್ಟ್ ವರ್ಷಲ ಸರಣಿ ಲೇಸ್ ಲೆನ್ ಅಟ್ಟಣೆ ಮಲ್ತ್ ಬೇಲೆನ್ ಮಲ್ತೊಂದು ಉಲ್ಲೆರ್. ಈ ಸಂಖ್ಯೆನ್ 100 ಕ್ಕ್ ಏರಾವುನ ಪ್ರಯತ್ನಡ್ ಒಕ್ಕೂಟ ದುಂಬಾತ್ಂಡ್ ಪಂದ್ ಪಂಡೆರ್.
ರವೀಂದ್ರ ಶೆಟ್ಟಿ ಉಳಿದೊಟ್ಟು ಮೇರ್ ಪಾತೆರ್ದ್, ತುಳು ಭಾಷೆ, ಮಾನ್ಯತೆಗ್ ಮೋಹನ್ ಆಳ್ವೆರ್ನೆ ತಂಡ ವರದಿನ್ ಈ ದುಂಬು ಸರಕಾರಗ್ ಕೊರ್ತುಂಡು. ಆಂಡ ಇಡೆ ಮುಟ್ಟ ಈ ಬಗ್ಗೆ ಒವ್ವೇ ಬೆಳವಣಿಗೆ ಅತಿಜಿ ಪಂದ್ ಪಂಡೆರ್. ಸಭೆಟ್ ಮನೋಜ್ ಆಳ್ವ ತುಳುಕೂಟ ಬಂಟ್ವಾಳ, ಜಯಪ್ರಕಾಶ್ ರೈ ನಿವೃತ್ತ ಸೈನ್ಯಾಧಿಕಾರಿ, ಡಾ. ರಾಜೇಶ್ ಆಳ್ವ ಸಂಘಟನಾ ಕಾರ್ಯದರ್ಶಿ ಅಖಿಲ ಭಾರತ ತುಳು ಒಕ್ಕೂಟ, ರವೀಂದ್ರ ರೈ ಕಲ್ಲಿಮಾರು ಗೌರವ ಸಲಹೆಗಾರೆರ್ ತುಳುವ ಸಿರಿ(ರಿ.) ಕುಡ್ಲ, ಚಂದ್ರಹಾಸ ಕನಂತೂರು ನಿವೃತ್ತ ಲೆಕ್ಕಾಧಿಕಾರಿ ಕಾರ್ಮಿಕರ ಭವಿಷ್ಯನಿಧಿ, ಎಂ. ಚಂದ್ರಹಾಸ ದೇವಾಡಿಗ ಕೋಶಾಧಿಕಾರಿ ಅಖಿಲ ಭಾರತ ತುಳು ಒಕ್ಕೂಟ, ಮನೋಜ್ ಆಳ್ವ, ತುಳು ಕೂಟ ಬಂಟ್ವಾಳ ಇತ್ತೆರ್. ಅಖಿಲ ಭಾರತ ತುಳು ಒಕ್ಕೂಟದ ಜೊತೆ ಕಾರ್ಯದರ್ಶಿ ಪಿ.ಎ. ಪೂಜಾರಿ ಒಕ್ಕೂಟ ಬೊಕ್ಕ ಕೂಟದ ರಚನೆ, ಕಾರ್ಯಾಚರಣೆ, ಕಾರ್ಯಕ್ರಮ, ನಿಬಂಧನೆದ ಬಗ್ಗೆ ಪೂರ್ಣ ಮಾಹಿತಿ ಕೊರಿಯೆರ್. ರವೀಂದ್ರ ರೈ ಕಲ್ಲಿಮಾರು ಬಿನ್ನೆರೆನ್ ಎದ್ಕೊಂದು, ಒಕ್ಕೂಟದ ಪ್ರಧಾನ ಕಾರ್ಯದರ್ಶಿ ಮುಲ್ಕಿ ಕರುಣಾಕರ ಶೆಟ್ಟಿ ಸೊಲ್ಮೆ ಸಂದಾಯ ಮಲ್ತೆರ್. ಮಂಚಿ ಸರಕಾರಿ ಪ್ರೌಢಶಾಲೆದ ಶಿಕ್ಷಕಿ ವಿಜಯಲಕ್ಷ್ಮೀ ಕಟೀಲ್ ಲೇಸ್ ದ ಸುಧಾರಿಕೆ ಮಲ್ತೆರ್.
✍️ಮುಲ್ಕಿ ಕರುಣಾಕರ ಶೆಟ್ಟಿ ಪ್ರಧಾನ ಕಾರ್ಯದರ್ಶಿ
ಎಂಬಿಬಿಎಸ್ ಕಲ್ಪಾರ್ಥಿ ಒರ್ತಿ ಹಾಸ್ಟೆಲ್ ದ 6ನೇ ಮಾಲಿಗೆರ್ದ್ ಲಾಗಿದ್ ಆತ್ಮಹತ್ಯೆ ಮಲ್ತೊನ್ನ
ಘಟನೆ ಕುಡ್ಲಡ್ ಸೋಮವಾರ ಕಾಂಡೆ ನಡತ್ಂಡ್.
ಪೇಂಟೆದ ಎ.ಜೆ. ಸಂಸ್ಥೆದ ಎಂಬಿಬಿಎಸ್ ವಿದ್ಯಾರ್ಥಿನಿ ಪ್ರಕೃತಿ ಶೆಟ್ಟಿ (20) ತೀರ್ ಪೋಯಿನ ಕಲ್ಪಾರ್ಥಿ.
ಸೋಮವಾರ ಕಾಂಡೆ 3 ಗಂಟೆಗ್ ಪೊಂಜೊಕ್ಲೆನ ಹಾಸ್ಟೆಲ್ ದ 6ನೇ ಮಾಲಿಗೆರ್ದ್ ಲಾಗಿದ್ ಆತ್ಮಹತ್ಯೆ ಮಲ್ತೊಂದೆರ್.
ಜೀವನಡ್ ಬೇಜಾರ್ ಆದ್ ಈ ಕೃತ್ಯ ಮಲ್ತ್ ದೆ ಪಂದ್
ಡೆತ್ ನೋಟ್ ಡ್
ಬರೆತೆರ್.
ಬೆಂಗಳೂರು: ತುಳುವೆರೆಂಕುಲು ಬೆಂಗಳೂರು ಮೊಕ್ಲೆನ ನಿರೆಲ್ಡ್ ಬಲಿಯೇಂದ್ರ ಪರ್ಬ ಬೊಕ್ಕ ಬಲಿಯೇಂದ್ರ ಪ್ರಶಸ್ತಿ ಪುರಸ್ಕಾರ ಪ್ರದಾನ ಲೇಸ್ ನ.19 ಐತಾರ ಮದ್ಯಾಹ್ನ 2 ಗಂಟೆರ್ದ್ ರಾತ್ರೆ 10 ಗಂಟೆ ಮುಟ್ಟ ಬೆಂಗಳೂರುದ ರವೀಂದ್ರ ಕಲಾಕ್ಷೇತ್ರಡ್ ನಡಪೆರೆ ಉಂಡು.
ಸಾರಿಗೆ ಬೊಕ್ಕ ಮುಜರಾಯಿ ಇಲಾಖೆದ ಸಚಿವೆರ್ ರಾಮಲಿಂಗಾ ರೆಡ್ಡಿ ಲೇಸ್ ದ ಉದಿಪನ ಮಲ್ಪೆರೆ ಉಲ್ಲೆರ್. ಬೆಂಗಳೂರು ತುಳುವೆರೆಂಕುಲು ಗುರ್ಕಾರ್ಲು ಜಲಜ ಶೇಖರ್ ಗುರ್ಕಾರ್ಮೆನ್ ವಹಿಸೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಪುತ್ತೂರು ಶಾಸಕೆರ್ ಅಶೋಕ್ ಕುಮಾರ್ ರೈ, ಖ್ಯಾತ ಸಂಗೀತ ನಿರ್ದೇಶಕೆರ್, ಗಾಯಕೆರ್ ಗುರುಕಿರಣ್, ಬೆಂಗಳೂರು ಬಿಲ್ಲವ ಅಸೋಸಿಯೇಷನ್ ದ ಗುರ್ಕಾರ್ಲು ವೇದ ಕುಮಾರ್, ಬೆಂಗಳೂರು ತುಳುಕೂಟದ ಗುರ್ಕಾರ್ಲು ಸುಂದರ ರಾಜ್ ರೈ, ಬೆಂಗಳೂರು ದ.ಕ ಸಂಘದ ಗುರ್ಕಾರ್ಲು ಬಾ.ರಾಮಚಂದ್ರ ಉಪಾಧ್ಯ, ಉದ್ಯಮಿ ಗಣೇಶ್ ರಾವ್ ಪಾಲ್ ಪಡೆಯೆರೆ ಉಲ್ಲೆರ್. ಬೆಂಗಳೂರು ಅಸಿಸ್ಟೆಂಟ್ ಕಮಿಷನರ್ ಆಫ್ ಪೊಲೀಸ್ ರೀನಾ ಸುವರ್ಣ, ರಿಪಬ್ಲಿಕ್ ಕನ್ನಡದ ಸಂಪಾದಕೆರ್ ಜಯಪ್ರಕಾಶ್ ಶೆಟ್ಟಿ, ಬೆಂಗಳೂರು ತುಳುವೆರೆಂಕುಲು ಮಾಜಿ ಗುರ್ಕಾರ್ಲು ವಿಜಯ ಕುಮಾರ್ ಕುಲಶೇಖರ್ ಬಲಿಯೇಂದ್ರ ಪುರಸ್ಕಾರನ್ ಪಡೆಯೆರೆ ಉಲ್ಲೆರ್.
ಅಂಚನೆ ಶ್ರೀ ಆದಿ ಧೂಮಾವತಿ ಶ್ರೀ ದೇಯಿಬೈದೆತಿ ಕೃಪಾಪೋಷಿತ ಯಕ್ಷಗಾನ ಮಂಡಳಿ ಮೂಲಸ್ಥಾನ ಗೆಜ್ಜೆಗಿರಿ ಮೊಕ್ಲೆರ್ದ್ ಶ್ರೀ ಗೆಜ್ಜೆಗಿರಿ ಕ್ಷೇತ್ರ ಮಹಾತ್ಮೆ ಕನ್ನಡ ಯಕ್ಷಗಾನ ನಡಪರೆ ಉಂಡು
ಅಖಿಲ ಕರ್ನಾಟಕ ಹಿರಿಯಕ್ಲೆನ ಸೇವಾ ಪ್ರತಿಷ್ಠಾಮೆಲ್ಕಾರ್ ಬಂಟ್ವಾಳ ನೆತ್ತ ಕೇಂದ್ರ ಸಮಿತಿದ ಸಭೆ ನಾಳ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ವಠಾರಡ್ ನಡತ್ಂಡ್.
ವ್ಯವಸ್ಥಾಪನ ಸಮಿತಿದ ಸದಸ್ಯೆ ಅಂಬಾ ಆಳ್ವ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.
ಲೇಸ್ ದ ಗುರ್ಕಾರ್ಮೆನ್ ವಹಿಸಾದ್ ಪ್ರತಿಷ್ಠಾನದ ಗುರ್ಕಾರ್ಲು ಕಯ್ಯಾರು ನಾರಾಯಣ ಭಟ್ ಪಾತೆರ್ದ್ ಪ್ರತಿಷ್ಠಾನದ ಸೇವಾ ಕಾರ್ಯಲು ನಿಸ್ವಾರ್ಥರ್ದ್ ಸದಸ್ಯೆರ್ನ ಬದ್ಧತೆರ್ದ್ ಎಡ್ಡೆ ಕಾರ್ಯಲು ನಡಪಡ್ ಪಂದ್, ಶ್ರೀ ಕ್ಷೇತ್ರ ಸೌತಡ್ಕಡ್ ಡಿ.17 ದಾನಿ ಪ್ರತಿಷ್ಠಾನದ ಮೂಜನೇ ವಾರ್ಷಿಕೋತ್ಸವ ನಡಪೆರೆ ಉಂಡು ಪಂದ್ ತೆರಿಪಾಯೆರ್.
ಪ್ರತಿಷ್ಠಾನದ ಬೋಲ್ತೆರ್ ಘಟಕದ ಸಂಚಾಲಕೆರ್ ವಸಂತ ಸುವರ್ಣ ಉದಯಶಂಕರ ರೈ ಪುಣಚ ಉತ್ತರ ಭಾರತದ ತೀರ್ಥಕ್ಷೇತ್ರದ ಯಾತ್ರೆದ ಅನುಭವನ್ ಪಟ್ಟೊಂಡೆರ್.
ಯಕ್ಷಗಾನ ಕಲಾವಿದ ಕೊಳ್ತಿಗೆ ನಾರಾಯಣಗೌಡ, ಪ್ರತಿಷ್ಠಾನದ ಉಪಾಧ್ಯಕ್ಷ ಜಯರಾಮ ಭಂಡಾರಿ ಧರ್ಮಸ್ಥಳ, ಪ್ರತಿಷ್ಠಾನದ ಪದಾಧಿಕಾರಿಲಾಯಿನ ಅನಾರು ಕೃಷ್ಣಶರ್ಮ, ಭವಾನಿ ಶಂಕರ ಶೆಟ್ಟಿ ಪುತ್ತೂರು, ಮನಮೋಹನ ರಾವ್ ಬಿ.ಸಿ ರೋಡು, ಚಂದ್ರಶೇಖರ ಆಳ್ವ ಪಡುಮಲೆ , ಸೀತಾರಾಮ ಶೆಟ್ಟಿ ಉಜಿರೆ,ಸಂಜೀವ ಪಾರೆಂಕಿ, ರಾಘವ .ಎಚ್ ಗೇರುಕಟ್ಟೆ , ಗಣೇಶ ಭಟ್ ಕುತ್ರೊಟ್ಟು, ದೇವಳದ ಕಚೇರಿ ವ್ಯವಸ್ಥಾಪಕೆರ್ ಗಿರೀಶ್ ಶೆಟ್ಟಿ ನಾಳ ಈ ಪೊರ್ತುಡು ಇತ್ತೆರ್.
ದ.ಕ ಜಿಲ್ಲಾ ಗಮಕ ಕಲಾಪರಿಷತ್ತ್ ದ ಗುರ್ಕಾರ್ಲು ಮಧೂರು ಮೋಹನ ಕಲ್ಲೂರಾಯ ಕಾರ್ಯಕ್ರಮಗ್ ಸಹಕಾರ ಕೊರಿಯೆರ್.
ಪ್ರತಿಷ್ಠಾನದ ಸಹ ಸಂಚಾಲಕೆರ್ ಭಾಸ್ಕರ ಬಾರ್ಯ ಎದ್ಕೊಂದು, ಕಾರ್ಯದರ್ಶಿ ದಿವಾಕರ ಆಚಾರ್ಯ ಗೇರುಕಟ್ಟೆ ಸೊಲ್ಮೆ ಸಂದಾಯ ಮಲ್ತೆರ್. ಪ್ರತಿಷ್ಠಾನದ ಉಪಾಧ್ಯಕ್ಷೆರ್ ದುಗ್ಗಪ್ಪ.ಯನ್ ಕಾರ್ಯಕ್ರಮದ ಸುದಾರಿಕೆ ಮಲ್ತೆರ್.
ಕಾಪು: ನಾಗಸ್ವರ ವಾದಕೆರ್ ಶೇಖ್ ಜಲೀಲ್ ಸಾಹೇಬ್ (56) ಮೇರ್ ಸೋಮಾರ ತಿಗಲೆ ಬೇನೆಡ್ ತೀರ್ ಪೋಯೆರ್.
ಇನಿ ಬೊಲ್ಪುಗು ನಾಗಸ್ವರ ಪುಗೆಲ್ ದೀವೊಂದು ಇಲ್ಲರ್ದ್ ಪಿದಯಿ ಬೈದೆರ್. ಬೊಕ್ಕ ಹೋಟೇಲ್ ಡ್ ಚಾ ಪರಿಯೆರೆ ಕುಲ್ಲುನಗ ತಿಗಲೆ ಬೇನೆ ಬೈದ್ಂಡ್. ಆಂಡ, ಆಸ್ಪತ್ರೆಗ್ ಲೆತೊಂದು ಪೋನಗ ಮೇರ್ ತಾದಿಡ್ ತೀರ್ ಪೋತೆರ್ ಪಂದ್ ತೆರಿದ್ ಬೈದ್ಂಡ್.
ಮೇರ್ ಸನಿಯಾರ ಕೊಪ್ಪಲಂಗಡಿಡ್ ನಡತಿನ ಮುಳ್ಳಮುಟ್ಟೆ, ಐತಾರ ಕಾಪು ಶ್ರೀ ಲಕ್ಷ್ಮೀ ಜನಾರ್ದನ ದೇವಲ್ಯಡ್ ತುಡರ್ ಪರ್ಬ ಬೊಕ್ಕ ಬಲಿ ಪಿದಾಡುನ ಪೊರ್ತುಡು ನಾಗಸ್ವರ ಸೇವೆ ಕೊರ್ತೆರ್. ಮೇರ್ ಕಾಪು ಸಾರ ಸೀಮೆದ ಒಡೆಯೆ ಶ್ರೀ ಲಕ್ಷ್ಮೀ ಜನಾರ್ದನ ದೇವೆರೆನ ಸನ್ನಿಧಿ, ಕಾಪು ಮೂಜಿನೇ ಮಾರಿಗುಡಿ, ಕಾಪು ಮಾರಿಯಮ್ಮ ದೇವಿ ಸನ್ನಿಧಿ ಬೊಕ್ಕ ಕಾಪು ಸಾರ ಸೀಮೆದ ಸುಮಾರ್ ದೇವಲ್ಯ, ಗರಡಿಡ್ ನಾಗಸ್ವರ ವಾದಕೆರಾದ್ ಸೇವೆ ಕೊರೊಂದು ಇತ್ತೆರ್. ಮೆರೆಗ್ ಬೊಡೆದಿ, ಮಗಲ್, ಸಹೋದೆರೆಗ್, ಬಂಧು ಮಿತ್ತೆರ್, ಅಭಿಮಾನಿಲು ಉಲ್ಲೆರ್.
