ಜಯ ಸಿ ಸುವರ್ಣ ಮೆರೆನ ಜೀವನಚರಿತ್ರೆದ ಬೂಕು ಸುವರ್ಣ ಯುಗದ ಲೇಸ್ ನ.19 ಕ್ಕ್ ಪುಣೆದ ಚಾಂದ್ ನಿ ಚೌಕ್ ಹೋಟೆಲ್ ಗಾರ್ಡನ್ ಕೋರ್ಟ್ ಡ್ ನಡಪರೆ ಉಂಡು.
ಈ ಬೂಕುನ್ ಲೇಖಕೆರ್ ಅನಿತಾ ಪಿ ಪೂಜಾರಿ ತಾಕೊಡೆ ಬರೆತೆರ್. ಅಂಚೆನೆ ಪುಣೆ ಜಯ ಸಿ ಸುವರ್ಣ ಅಭಿಮಾನಿಲು ಮೊಕ್ಲೆನ ಮುತಾಲಿಕೆಡ್ ಭಾರತ್ ಕೋ-ಆಪ್ ಬ್ಯಾಂಕ್ (ಬೊಂಬೈ) ಲಿಮಿಟೆಡ್ ಗ್ ಪೊಸತಾದ್ ಆಯ್ಕೆ ಆಯಿನ ಮಂಡಳಿದ ಸದಸ್ಯೆರೆಗ್ ಅಭಿನಂದನಾ ಲೇಸ್ ನಡಪರೆ ಉಂಡು.
ಕೋಟೆಕಾರ್: ಸೋಮೇಶ್ವರ ಶ್ರೀ ಸೋಮನಾಥ ದೇವಲ್ಯಡ್ ಲಕ್ಷ ದೀಪೋತ್ಸವ ನ.26 ಐತಾರ ನಡಪರೆ ಉಂಡು.
ಮಧ್ಯಾಹ್ನ ಕಲಶಾಭಿಷೇಕ, ಮಹಾಪೂಜೆ, ಬಯ್ಯಗ್ ಭಜನೆ, ರಾತ್ರೆ ಗಣಪತಿ ದೇವೆರೆಗ್ ರಂಗಪೂಜೆ, ಸೋಮನಾಥ ದೇವೆರೆಗ್ ರಂಗಪೂಜೆ ಬೊಕ್ಕ ಶ್ರೀ ದೇವೆರೆನ ಉಚ್ಚಯ ಬಲಿ ನಡಪರೆ ಉಂಡು.
ಈ ಲೇಸ್ ಡ್ ಭಕ್ತಾದಿಲು ಮಾತೆರ್ಲಾ ಪಾಲ್ ಪಡೆದ್, ಶ್ರೀ ಮುಡಿ ಗಂಧ ಪ್ರಸಾದ ದೆತೊಂದು, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ವ್ಯವಸ್ಥಾಪನಾ ಸಮಿತಿದ ಗುರ್ಕಾರೆ ಬಿ.ರವೀಂದ್ರನಾಥ ರೈ, ಕಾರ್ಯನಿರ್ವಹಣಾಧಿಕಾರಿ ಶ್ವೇತಾ ಪಳ್ಳಿ ಬೊಕ್ಕ ಪದುಕೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಬೊಂಬೈದ ಮರೋಲ್ ಪೈಪ್ ಲೈನ್ ಶ್ರೀ ಅಯ್ಯಪ್ಪ ಸೇವಾ ಸಂಘದ ಮುತಾಲಿಕೆಡ್ 51ನೇ ಅಯ್ಯಪ್ಪ ವಿಳಕ್ಕು ನ.17-28 ಮುಟ್ಟ ನಡಪರೆ ಉಂಡು.
ಅಂಚೆನೆ ಪ್ರತಿ ದಿನೊಲ ಮಧ್ಯಾಹ್ನ ನುಪ್ಪು ಪ್ರಸಾದ ಸೇವೆ ನಡಪರೆ ಉಂಡು. ನ.23ಕ್ಕ್ ಬಯ್ಯಗ್ ಸತ್ಯನಾರಾಯಣ ಪೂಜೆ ಬೊಕ್ಕ ನ.25 ಕ್ಕ್ ರಾತ್ರೆ ಶನಿ ಪೂಜೆ ನಡಪರೆ ಉಂಡು.
ಕಾಸ್ರೋಡು: ಉಪ್ಪಳ ಶ್ರೀ ಭಗವತೀ ಮಹಿಳಾ ಸಂಘ (ರಿ.) ದ ಮುತಾಲಿಕೆಡ್ 20ನೇ ವರ್ಷದ ಲೆಕ್ಕೊಡು ಚಂಡಿಕಾ ಹೋಮ ಬೊಕ್ಕ ಸಾಮೂಹಿಕ ಇಸೇಸ ಪೂತ್ತ ಪೂಜೆ ನ.19 ಐತಾರ ಉಪ್ಪಳ ಶ್ರೀ ಭಗವತೀ ಕ್ಷೇತ್ರಡ್ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್, ಶ್ರೀ ಭಗವತೀ ಅಪ್ಪೆನ ಕೃಪೆಗ್ ಪಾತ್ರರಾವೊಡು ಪಂದ್ ಉಪ್ಪಳ ಶ್ರೀ ಭಗವತೀ ಮಹಿಳಾ ಸಂಘದ ಗುರ್ಕಾರೆ, ಸರ್ವಸದಸ್ಯೆರ್ ಬೊಕ್ಕ ಉಪ್ಪಳ ಶ್ರೀ ಭಗವತೀ ಕ್ಷೇತ್ರ, ಶ್ರೀ ಭಗವತೀ ಯುವಜನ ಸಂಘದ ಗುರ್ಕಾರೆ ಬೊಕ್ಕ ಪದುಕೆರ್ ಲೆಪ್ಪೋಲೆಡ್ ತೆರಿಪಾದೆರ್.
ದ. ಕ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಒಡಿಪು ತಾಲೂಕ್ ವಲಯ 1 ತ್ತ ಸಹಕಾರಿ ಸಂಘದ ಸೂಪರ್ ವೈಸರಾದ್ 16 ವರ್ಷ ಪ್ರಾಮಾಣಿಕ ಸೇವೆ ಸಂದಾದ್, ಅ.31 ಕ್ಕ್ ನಿವೃತ್ತೆರಾಯಿನ ಎರ್ಮಾಳ್ ಬಾಲಕೃಷ್ಣ ಭಟ್ರೆಗ್ ನ.13 ಕ್ಕ್ ದ. ಕ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಪಡ್ಡೆದ್ರ ಶಾಖೆಡ್ ಮೂರ್ತಿ ಶ್ರೀನಿವಾಸ್ ಭಟ್ ಮಜೂರು ಮಾನಾದಿಗೆ ಮಲ್ತ್ ದ್ ಎಡ್ಡೆಪ್ಪು ಬಯಕಿಯೆರ್.
ಈ ಪೊರ್ತುಡು ಪಡ್ಡೆದ್ರ ಗ್ರಾಮ ಪಂಚಾಯತ್ ಗುರ್ಕಾರ್ದಿ ಶಶಿಕಲಾ ಯಶೋಧರ್, ಪಡ್ಡೆದ್ರ ಪಂಚಾಯತ್ ಸದಸ್ಯೆರ್ ಸಂದೇಶ ಶೆಟ್ಟಿ, ದ.ಕ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಪಡ್ಡೆದ್ರ ಶಾಖೆದ ವ್ಯವಸ್ಥಾಪಕೆರ್ ಪ್ರಬೋದ್ ಚಂದ್ರ ಪೆಜಮಾಡಿ, ಯುವ ಮುಖಂಡೆರ್ ಅಬ್ದುಲ್ ಅಝೀಜ್ ಪೆಜಮಾಡಿ, ಸಮಾಜ ಸೇವಕೆರ್ ಹಸನಬ್ಬ ಕೋಡಿ, ಸ್ವಸಹಾಯ ಸಂಘದ ಪ್ರೇರಕಿ ಶಶಿಕಲಾ ನಾಗೇಶ್, ನಾರಾಯಣ ಸಿ ಕರ್ಕೇರ, ಕಿರಣ್ ಕುಮಾರ್ ಪೆಜಮಾಡಿ, ಶಾಖೆದ ಸಿಬ್ಬಂದಿಲು ಬೊಕ್ಕ ಬ್ಯಾಂಕ್ ದ ಗ್ರಾಹಕೆರ್ ಪಾಲ್ ಪಡೆದಿತ್ತೆರ್.
ಸುಬ್ರಹ್ಮಣ್ಯ: ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಳಡ್ ರಾಜ್ಯ ಸರಕಾರದ ಆದೇಶದ ಮಿತ್ತ್ ಗೋಪೂಜೆ ನ.14 ಅಂಗಾರೆ ದಾನಿ ನಡತ್ಂಡ್.
ದೇವಸ್ಥಾನದ ಎದುರುಡು ಬಯ್ಯ 5.30ರ್ದ್ 6.30 ತ್ತ ನಡುಟ್ಟು ಗೋಧೂಳಿ ಲಗ್ನಡ್ ಗೋಪೂಜೆ ನಡತ್ಂಡ್. ಈ ಲೇಸ್ ಡ್ ಎಚ್ಚಿನ ಸಂಖ್ಯೆಡ್ ಭಕ್ತೆರ್ ಪಾಲ್ ಪಡೆದಿತ್ತೆರ್.
ಕಲ್ಪಾರ್ಥಿಲು ಶಿಕ್ಷಣದ ಒಟ್ಟಿಗೆ ಆಧ್ಯಾತ್ಮಿಕ ಶಿಕ್ಷಣನ್ ಪಡೆಯೊನ್ನ ಅಗತ್ಯ. ನೆತ್ತ ಒಟ್ಟಿಗೆ ಸಂಸ್ಕಾರ, ಆಚಾರ-ವಿಚಾರಲೆನ್ ದೇವಾಲಯಗ್ ಸಂಬಂಧಪಟ್ಟಿನ ವಿಭಾಗ ನಡಪಾಂಡ ಕಲ್ಪಾರ್ಥಿಲೆನ ಜೀವನಗ್ ಅನುಕೂಲ ಆಪುಂಡು. ಇಂಚಿನ ಕಾರ್ಯಕ್ರಮನ್ ಸಿಎಸ್ಐ ಜಿಲ್ಲಾ ಸಮಿತಿ ಹಳೆಯಂಗಡಿ ಸಿಎಸ್ಐ ಅಮ್ಮನ್ ಮೆಮೋರಿಯಲ್ ಚರ್ಚ್ದ ಮುತಾಲಿಕೆಡ್ ನಡಪಾಯಿನವು ಎಡ್ಡೆ ಬೇಲೆ ಪಂದ್ ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಸಮಿತಿದ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ ಪಂಡೆರ್.
ಮೇರ್ ಸಿಎಸ್ಐ ಕೆಎಸ್ಡಿ ದಕ್ಷಿಣ ಕನ್ನಡ ಪ್ರದೇಶ ಪರಿಷತ್ತು ಬೊಕ್ಕ ಸಿಎಸ್ ಐ ಅಮ್ಮನ್ ಮೆಮೋರಿಯಲ್ ಚರ್ಚ್ ಹಳೆಯಂಗಡಿ ನೆತ್ತ ಆಶ್ರಯಡ್ ನಡತ್ತಿನ ಜಾಗತಿಕ ಭಾನುವಾರ ಶಾಲಾ ದಿನಾಚರಣೆ ಜೋಕ್ಲೆನ ಪರ್ಬದ ಮುಗಿತಲದ ಲೇಸ್ ಡ್ ಕಲ್ಪಾರ್ಥಿಲೆಗ್ ಇನಾಮು ಪಟ್ ದ್ ಪಾತೆರಿಯೆರ್. ಗುರ್ಕಾರ್ಮೆನ್ ದಕ್ಷಿಣ ಕನ್ನಡ ಪ್ರಾದೇಶಿಕ ಪರಿಷತ್ದ ಗುರ್ಕಾರ್ಲು ರೆವೆ.ವಿಲಿಯಂ ಬಿ. ಕುಂದರ್ ವಹಿಸ್ದ್ ಇತ್ತೆರ್.
ಸಿಎಸ್ಐ ಕೆಎಸ್ಡಿ ನೆತ್ತ ಖಜಾಂಚಿ ವಿನ್ಸೆಂಟ್ ಪಾಲನ್ನ ಪಾತೆರ್ದ್ ಈ ವರ್ಷದ ಜಾಗತಿಕ ಭಾನುವಾರ ಶಾಲಾ ದಿನಾಚರಣೆನ್ ಹಳೆಯಂಗಡಿ ಅತಿ ಮೌಲ್ಯಯುತವಾದ್ ನಡಪಾದ್ ಡಯಾಸಿಸ್ನ ಪರವಾದ್ ಸೊಲ್ಮೆ ಸಂದಾವೆ ಪಂಡೆರ್.
ಜಾರ್ಜ್ ಎ. ಬೆರ್ನಾರ್ಡ್ ಮೆಮೋರಿಯಲ್ ಚಾರಿಟೇಬಲ್ ಟ್ರಸ್ಟ್ ನೆತ್ತ ಟ್ರಸ್ಟಿ ಜಾಯ್ಸ್ ವಿನಯ ಬಂಗೇರ, ದ.ಕ ಪ್ರದೇಶ ಪರಿಷತ್ದ ಉಪಾಧ್ಯಕ್ಷೆರ್ ಗ್ಯಾಬ್ರಿಯಲ್ ರೋನಿತ್, ಕಾರ್ಯದರ್ಶಿ ಜಯವಂತಿ ಪೌಲ್, ಖಜಾಂಚಿ ಕೌಶಿಕ್ ಅಮ್ಮನ್ನ, ಹಳೆಯಂಗಡಿ ಸಭಾ ಪಾಲಕೆರ್ ಅಮೃತ್ ರಾಜ್ ಖೋಡೆ, ಪಣಂಬೂರು ಸಭಾ ಪಾಲಕೆರ್ ಸಂಧ್ಯಾ ಖೋಡೆ, ಸಭಾ ಪರಿಪಾಲನೆ ಸಮಿತಿದ ಆಸ್ಟಿನ್ ಕರ್ಕಡ, ವಸಂತ್ ಬೆರ್ನಾರ್ಡ್, ಲಾವಣ್ಯ ಕೋಟ್ಯಾನ್, ಶರ್ಲಿ ಬಂಗೇರ, ಜೇಮ್ಸ್ ಕರ್ಕಡ, ಸಿಡ್ನಿ ಕರ್ಕಡ ಇತ್ತೆರ್.
ಈ ಪೊರ್ತುಡು ಪ್ರದೇಶ ಪರಿಷತ್ದ ಕಾರ್ಯದರ್ಶಿ ಜಯವಂತಿ ಪೌಲ್ ಮೇರೆಗ್ ಮಾನಾದಿಗೆ ನಡತ್ಂಡ್. ಶರ್ಲಿ ಬೆರ್ನಾರ್ಡ್ ಲೇಸ್ದ ಸುದಾರಿಕೆ ಮಲ್ತೆರ್.
ಬಂಟ್ವಾಳ: ಮೈರಾ ಉಳಿ ಗ್ರಾಮದ ಕಕ್ಯಪದವು ಶ್ರೀ ರಾಮಾಂಜನೇಯ ಗೆಳೆಯರ ಬಳಗ (ರಿ.) ದ ಮುತಾಲಿಕೆಡ್ 11 ವರ್ಷದ ಸತ್ಯ ಧರ್ಮ ಜೋಡುಕರೆ ಬಯಲು ಕಂಬುಲ ನ.18 ಸನಿಯಾರ ಕಕ್ಯಪದವು ಬರ್ಕೆಜಾಲ್ ಮೈರಡ್ ನಡಪರೆ ಉಂಡು.
ಈ ಲೇಸ್ ರಾಘವೇಂದ್ರ ಭಟ್ ಕೊಡಂಬೆಟ್ಟು ಕಾರಿಂಜ ಮೆರೆನ ಆಶೀರ್ವಾದದೊಟ್ಟಿಗೆ, ಉಳಿಪ್ಪಾಡಿಗುತ್ತು ರಾಜೇಶ್ ನಾಯಕ್ ಮೆರೆನ ಒತ್ತು ಗುರ್ಕಾರ್ಮೆಡ್, ಕುಸುಮಾಧರ ಉರ್ಕಿ ಮೆರೆನ ಗುರ್ಕಾರ್ಮೆಡ್ ನಡಪರೆ ಉಂಡು.
ಕಂಬುಲಾಭಿಮಾನಿಲು ಬೊಕ್ಕ ಗಿಡಪುನ ಎರ್ಲೆನ ಯಜಮಾನೆರ್ ಮಾತೆರ್ಲಾ ಬತ್ತ್ ದ್ ಈ ಜಾನಪದ ಕ್ರೀಡೆಡ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಸತ್ಯ ಧರ್ಮ ಜೋಡುಕರೆ ಕಂಬುಲ ಸಮಿತಿ ಮೈರಾ, ಬರ್ಕೆಜಾಲ್ ಕಕ್ಯಪದವುದ ಒತ್ತುಗುರ್ಕಾರೆ, ಗುರ್ಕಾರೆ, ಸರ್ವಸದಸ್ಯೆರ್ ಬೊಕ್ಕ ಶ್ರೀ ರಾಮಾಂಜನೇಯ ಗೆಳೆಯರ ಬಳಗ (ರಿ.) ಮೈರಾ ಕಕ್ಯಪದವುದ ಗುರ್ಕಾರೆ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಒಡಿಪು : ಮೂಡುಬೆಳ್ಳೆ ಕುಂತಳ ನಗರ ಕೆಳಪಡುಮನೆ ಸಾಯಿ ಕೃಷ್ಣ ನಿವಾಸಿ, ಕನ್ನಡ ಸೇವಾ ಸಂಘ ಪೊವಾಯಿ ನೆತ್ತ ಗುರ್ಕಾರೆ ಸಂದೇಶ್ ಆರ್ ಶೆಟ್ಟಿ ಮೂಡು ಬೆಳ್ಳೆ ಮೆರೆನ ಮುತಾಲಿಕೆಡ್ ಕುಂತಳ ನಗರ ಬಿ ಫೋರ್ ಕೂಟದ ಜವನೆರ್ ಧಾರ್ಮಿಕ ಕ್ಷೇತ್ರದ ಯಾತ್ರೆ ಮಲ್ದೆರ್.
ನ.12 ಕ್ಕ್ ಶ್ರೀ ಕಾರಿಂಜೇಶ್ವರ ದೇವಸ್ಥಾನಗ್ ಪೋದು ದೇವೆರ್ನ ದರ್ಶನ ಪಡೆಯೆರ್.
ಅವೆರ್ದ್ ಬೊಕ್ಕ ಪುತ್ತೂರು ಮಹಾಲಿಂಗೇಶ್ವರ ದೇವಸ್ಥಾನಗ್ ಪೋದು ಅಲ್ಪ ಮದ್ಯಾನ ದೇವೆರ್ನ ದರ್ಶನ ಪಡೆದ್ ಅನ್ನ ಪ್ರಸಾದ ಸ್ವೀಕಾರ ಮಲ್ತೆರ್.
ಕಡೆಕ್ಕ್ ಗೆಜ್ಜೆಗಿರಿ ನಂದನ ಬಿತ್ತಿಲ್ಗ್ ಪೋದು ಅಲ್ಪ ಕೋಟಿ ಚೆನ್ನಯೆರೆನ ಅಪ್ಪೆ ದೇಯಿ ಬೈದೆದಿನ ಸನ್ನಿಧಾನೊಗು ಪೋದು ದೇಯಿ ಬೈದೆದಿ ಸಮಾಧಿ, ಸಾಯನ ಬೈದೆರೆ ಧರ್ಮಚಾವಡಿಗ್ ಭೇಟಿ ಕೊರಿಯೆರ್. ಬೊಕ್ಕ ಜಾಗೆದ ಬಗ್ಗೆ ಹೆಚ್ಚಿನ ಪೊಲಬುನ್ ಕ್ಷೇತ್ರದ ಗುರ್ಕಾರ್ಲು ಮಲ್ತ್ ಕೊರಿಯೆರ್. ಪ್ರತಿವರ್ಷ ನಡಪುನ ಯಾತ್ರೆಡ್ 7 ಕುಟುಂಬದಕುಲು ಪಾಲ್ ಪಡೆದಿತ್ತೆರ್ . ಕನ್ನಡ ಸೇವಾ ಸಂಘ ಪೊವಾಯಿ ನೆತ್ತ ಒತ್ತು ಗುರ್ಕಾರೆ ನಾಗರಾಜ್ ಗುರುಪುರ, ಉಮೇಶ್ ಆಚಾರ್ಯ, ಪ್ರಸಾದ್ ಶೆಟ್ಟಿ ಮೊಕುಲುಲ ಯಾತ್ರೆಡ್ ಪಾಲ್ ಪಡೆಯೆರ್.
ಬಂಟ್ವಾಳ: ಪಣೋಲಿಬೈಲ್ ಶ್ರೀ ಕಲ್ಲುರ್ಟಿ ದೈವಸ್ಥಾನಡ್ ನ.24 ದಾನಿ ರಾತ್ರೆ 10 ಗಂಟೆರ್ದ್ ವರ್ಷಾಧಿದ ಕೋಲ ನಡಪೆರೆ ಉಂಡು.
ನ.23 ದಾನಿ ಕೊಪ್ಪರಿಗೆ ಮೂರ್ತ, ಕುಣಿತ ಭಜನೆ, ಬೇತೆ ಬೇತೆ ಸಾಂಸ್ಕೃತಿಕ ಕಾರ್ಯಕ್ರಮ, ರಾತ್ರೆ 8 ಗಂಟೆಗ್ ಯಕ್ಷಗಾನ ವೈಭವ ಸ್ವರಾಭಿಷೇಕ, ನಡಪರೆ ಉಂಡು.
ನ.24 ದಾನಿ ಕಾಂಡೆ ನವಕ ಕಳಶ ಪ್ರದಾನ, 12 ತಾರಾಯಿದ ಗಣಹೋಮ, ನಾಗತಂಬಿಲ, ಅನ್ನಸಂತರ್ಪಣೆ, ಅಂಚನೆ ಬೇತೆ ಬೇತೆ ಭಜನಾ ಮಂಡಳಿರ್ದ್ ಭಜನಾ ಕಾರ್ಯಕ್ರಮ ನಡಪೆರೆ ಉಂಡು. ರಾತ್ರೆ ಭರತನಾಟ್ಯ ನೃತ್ಯ ವೈಭವ, 8.30 ರ್ದ್ “ಅವು ದಾಲಾಪುಜಿ” ನಾಟಕ ನಡಪೆರೆ ಉಂಡು.
ಈ ಮಾತ ಕಾರ್ಯಡ್ ಭಕ್ತೆರ್ ಪಾಲ್ ಪಡೆದ್ ಶ್ರೀ ಕಲ್ಲುರ್ಟಿ ಕಲ್ಕುಡ ದೈವದ ಸಿರಿಮುಡಿ ಗಂಧ ಪ್ರಸಾದ ಸ್ವೀಕಾರ ಮಲ್ಪೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.
