ಬೆಂಗಳೂರು: ತುಳುವೆರೆಂಕುಲು ಬೆಂಗಳೂರು ಮೊಕ್ಲೆನ ನಿರೆಲ್ಡ್ ಬಲಿಯೇಂದ್ರ ಪರ್ಬ ಬೊಕ್ಕ ಬಲಿಯೇಂದ್ರ ಪ್ರಶಸ್ತಿ ಪುರಸ್ಕಾರ ಪ್ರದಾನ ಲೇಸ್ ನ.19 ಐತಾರ ಮದ್ಯಾಹ್ನ 2 ಗಂಟೆರ್ದ್ ರಾತ್ರೆ 10 ಗಂಟೆ ಮುಟ್ಟ ಬೆಂಗಳೂರುದ ರವೀಂದ್ರ ಕಲಾಕ್ಷೇತ್ರಡ್ ನಡಪೆರೆ ಉಂಡು.
ಸಾರಿಗೆ ಬೊಕ್ಕ ಮುಜರಾಯಿ ಇಲಾಖೆದ ಸಚಿವೆರ್ ರಾಮಲಿಂಗಾ ರೆಡ್ಡಿ ಲೇಸ್ ದ ಉದಿಪನ ಮಲ್ಪೆರೆ ಉಲ್ಲೆರ್. ಬೆಂಗಳೂರು ತುಳುವೆರೆಂಕುಲು ಗುರ್ಕಾರ್ಲು ಜಲಜ ಶೇಖರ್ ಗುರ್ಕಾರ್ಮೆನ್ ವಹಿಸೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಪುತ್ತೂರು ಶಾಸಕೆರ್ ಅಶೋಕ್ ಕುಮಾರ್ ರೈ, ಖ್ಯಾತ ಸಂಗೀತ ನಿರ್ದೇಶಕೆರ್, ಗಾಯಕೆರ್ ಗುರುಕಿರಣ್, ಬೆಂಗಳೂರು ಬಿಲ್ಲವ ಅಸೋಸಿಯೇಷನ್ ದ ಗುರ್ಕಾರ್ಲು ವೇದ ಕುಮಾರ್, ಬೆಂಗಳೂರು ತುಳುಕೂಟದ ಗುರ್ಕಾರ್ಲು ಸುಂದರ ರಾಜ್ ರೈ, ಬೆಂಗಳೂರು ದ.ಕ ಸಂಘದ ಗುರ್ಕಾರ್ಲು ಬಾ.ರಾಮಚಂದ್ರ ಉಪಾಧ್ಯ, ಉದ್ಯಮಿ ಗಣೇಶ್ ರಾವ್ ಪಾಲ್ ಪಡೆಯೆರೆ ಉಲ್ಲೆರ್. ಬೆಂಗಳೂರು ಅಸಿಸ್ಟೆಂಟ್ ಕಮಿಷನರ್ ಆಫ್ ಪೊಲೀಸ್ ರೀನಾ ಸುವರ್ಣ, ರಿಪಬ್ಲಿಕ್ ಕನ್ನಡದ ಸಂಪಾದಕೆರ್ ಜಯಪ್ರಕಾಶ್ ಶೆಟ್ಟಿ, ಬೆಂಗಳೂರು ತುಳುವೆರೆಂಕುಲು ಮಾಜಿ ಗುರ್ಕಾರ್ಲು ವಿಜಯ ಕುಮಾರ್ ಕುಲಶೇಖರ್ ಬಲಿಯೇಂದ್ರ ಪುರಸ್ಕಾರನ್ ಪಡೆಯೆರೆ ಉಲ್ಲೆರ್.
ಅಂಚನೆ ಶ್ರೀ ಆದಿ ಧೂಮಾವತಿ ಶ್ರೀ ದೇಯಿಬೈದೆತಿ ಕೃಪಾಪೋಷಿತ ಯಕ್ಷಗಾನ ಮಂಡಳಿ ಮೂಲಸ್ಥಾನ ಗೆಜ್ಜೆಗಿರಿ ಮೊಕ್ಲೆರ್ದ್ ಶ್ರೀ ಗೆಜ್ಜೆಗಿರಿ ಕ್ಷೇತ್ರ ಮಹಾತ್ಮೆ ಕನ್ನಡ ಯಕ್ಷಗಾನ ನಡಪರೆ ಉಂಡು
pallavi shetty