ಕೊಕ್ಕಡ: ವಿಶ್ವ ಹಿಂದೂ ಪರಿಷದ್‌ ಕೊಕ್ಕಡ, ಶ್ರೀ ರಾಮ ಸೇವಾ ಟ್ರಸ್ಟ್‌ ಕೊಕ್ಕಡ ನೆತ್ತ ಒಟ್ಟು ಸೇರಿಗೆಡ್‌ 67ನೇ ವರ್ಷದ ಸಾರ್ವಜನಿಕ ನಗರ ಭಜನಾ ಸಪ್ತಾಹ ಕಾರ್ಯಕ್ರಮ ನಡಪೆರೆ ಉಂಡು.
ನ. 18 ದಾನಿ ಬಯ್ಯ 7 ಗಂಟೆಗ್‌ ಸೌತಡ್ಕ ಮಹಾಗಣಪತಿ ದೇವೆರ್ನ ಸನ್ನಿದಿಡ್‌ ರಂಗಪೂಜೆಡ್‌ ಪಾಲ್‌ ಪಡೆದ್‌, ನ.19 ರ್ದ್‌ 23 ಮುಟ್ಟ ಕೊಕ್ಕಡ ಶ್ರೀ ರಾಮ ಭಜನಾ ಮಂದಿರರ್ದ್‌ ಸುರು ಆದ್‌ ನಗರ ಸಂಚಾರ ಆದ್‌ ಮುಕ್ತಾಯ ಆವೆರೆ ಉಂಡು. ನ.23 ದಾನಿ ಬಯ್ಯ 6 ಗಂಟೆಗ್‌ ಸುರು ಆದ್‌ ಮರು ದಿನ ಕಾಂಡೆ 6 ಗಂಟೆಗ್‌ ಮುಕ್ತಾಯ ಆವೆರೆ ಉಂಡು. ಈ ಕಾರ್ಯಕ್ರಮಡ್‌ ಮಾತೆರ್ಲ ಪಾಲ್‌ ಪಡೆದ್‌ ತನು-ಮನ-ಧನದೊಟ್ಟಿಗೆ ಸಹಕಾರ ಮಲ್ಪೊಡು ಪಂದ್‌ ಲೆಪ್ಪೋಲೆಡ್‌ ತೆರಿಪಾದೆರ್‌.
Editorial