ಪೊಸತಾದ್ 188 ಇಂದಿರಾ ಕ್ಯಾಂಟೀನ್‌ ಸ್ಥಾಪನೆ -ಸಿಎಂ

ಬೆಂಗಳೂರು: ಜನೊಕ್ಲೆನ ಅನುಕೂಲೊಗು ಬೋಡಾದ್ ಈ ವರ್ಷ ಎಚ್ಚಿಗೆ 188 ಇಂದಿರಾ ಕ್ಯಾಂಟೀನ್‌ಲೆನ್ ಕಟ್ಟಾವ ಪಂದ್ ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್ ತೆರಿಪಾಯೆರ್.

ಆರ್ ಇನಿ ಶಾಸಕೆರೆ ಭವನೊದ ಮುದ್‌ಲ್‌ಡ್ ಸಂತೆ ಕನಕದಾಸರೆನ ಒರುಕು ಪೂಮಾಲೆ ಪಾಡಿ ಬೊಕ್ಕ ಮಾಧ್ಯಮೊದಕ್ಲೆಡ ಪಾತೆರ್ದ್, ಇಂದಿರಾ ಕ್ಯಾಂಟೀನ್ ಸಮರ್ಪಕವಾದ್ ನಡತೊಂದಿಜ್ಜಿ ಪನ್ಪಿ ಕೇನ್ಪುಗು ಸದು ಕೊರ್ದು, ಬೆಂಗ್ಳೂರ್‌ದ 225 ವಾರ್ಡ್‌ಲೆಡ್ಲಾ ಇಂದಿರಾ ಕ್ಯಾಂಟೀನ್ ಸುರು ಮನ್ಪರೆಗುಂಡು. ಈತ್ ಮಾತ್ರ ಆತ್ತಂದೆ ಓಲು ಮಾತ ಬೋಡಾಪುಂಡ ಅಲ್ಪ ಮಾತ ಕ್ಯಾಂಟೀನ್ ಸುರು ಮನ್ಪರೆಗುಂಡು. ಇಂದಿರಾ ಕ್ಯಾಂಟೀನ್‌ಗ್ ಜಾಗೆದ ಕುಂದೆಲ್ ಇಪ್ಪುನಲ್ಪ ಮೊಬೈಲ್ ಕ್ಯಾಂಟೀನ್‌ಲೆನ್ ಸುರು ಮನ್ಪ ಪಂದ್ ಪಂಡೆರ್.