ಸುಬ್ರಹ್ಮಣ್ಯ: ಬೆಂಗಳೂರುದ ಪೊಂಜೊವ್ ಕುಕ್ಕೆ ಸುಬ್ರಹ್ಮಣ್ಯ ಕ್ಷೇತ್ರಗ್ ಬತ್ತಿನ ಪೊರ್ತುಡು ಹಾರ್ಟ್‌ ಆಟ್ಯಾಕ್‌ಡ್‌ ತೀರ್‌ಪೋಯಿನ ಘಟನೆ ವರದಿ ಆತ್‌ಂಡ್. ಬೆಂಗಳೂರುದ ಎಂ.ವಿ ಗಾರ್ಡನ್ ನಿವಾಸಿ ಶಿವಕುಮಾರ್ ಅರೆನ ಬುಡೆದಿ ಲಕ್ಷ್ಮೀ (32) ತೀರ್‌ಪೋಯಿನಾರ್. ಶಿವಕುಮಾರ್ ಅರೆನ ಬುಡೆದಿ, ಜೋಕ್ಲೆನ ಒಟ್ಟಿಗೆ ಸಕಲೇಶಪುರಡ್ ನಡತ್ತಿನ ಮದಿಮೆದ ಕಾರ್ಯಕ್ರಮಕ್ಕ್‌ ಬತ್ತ್‌ ಇತ್ತೆರ್.
ಈ ಪೊರ್ತುಡು ಲಕ್ಷ್ಮೀ ಬೊಕ್ಕ ಜೋಕುಲು ಸಂಬಂಧಕ್ಲೆನ ಒಟ್ಟಿಗೆ ಧರ್ಮಸ್ಥಳಗ್‌ ಪೋದು, ಸುಬ್ರಹ್ಮಣ್ಯಗ್‌ ಬತ್ತಿತೆರ್. ರಾತ್ರೆ ಲಕ್ಷ್ಮೀಗ್‌ ತಿಗಲೆ ಬೇನೆ ಸುರು ಆದ್‌, ಅಪಗನೆ ಕಡಬ ಸರಕಾರಿ ಆಸ್ಪತ್ರೆಗ್ ಲೆತೊಂದು ಬತ್ತ್‌ದ್‌, ಬೊಕ್ಕ ಪುತ್ತೂರು ಸರಕಾರಿ ಆಸ್ಪತ್ರೆಗ್ ಲೆತೊಂದು ಪೋದಿತ್ತೆರ್. ಅಲ್ಪ ಡಾಕ್ಟರ್‌ ಚೆಕ್‌ ಮಲ್ತ್‌ದ್‌ ಪೊಂಜೊವ್ ತೀರ್‌ಪೋತೆರ್‌ ಪಂದ್‌ ತೆರಿಪಾದೆರ್.
Editorial