ಬೋಲ್ತೆರ್ : ಬೈಕ್ ಕೈ ತತ್ತ್‌ದ್ ಡಿವೈಡರ್‌ಗ್ ಗುದ್ದುದು ಕಲ್ಪಾರ್ಥಿ ಒರಿ ಮಸ್ತ್ ಪೆಟ್ಟಾದ್ ತೀರ್‌ಪೋಯಿನ ಘಟನೆ ಬೋಲ್ತೆರ್‌ದ ಉಜಿರೆ ಖಾಸಗಿ ಕಾಲೇಜ್‌ ರೋಡ್‌ಡ್‌ ನಡತ್‌ಂಡ್. ಉಜಿರೆದ ಖಾಸಗಿ ಕಾಲೇಜ್‌ದ ಡಿಪ್ಲೊಮಾ ಕಲ್ಪಾರ್ಥಿ, ಕಲ್ಮಂಜ ಗ್ರಾಮದ ಬಟ್ಟಾಜೆ ನಿವಾಸಿ ದೀಕ್ಷಿತ್ (20) ತೀರ್‌ಪೋಯಿನ ಕಲ್ಪಾರ್ಥಿ.
ಕಾಲೇಜ್‌ಡ್‌ ಕಾರ್ಯಕ್ರಮ ಇತ್ತಿನ ಕಾರಣ ಮದ್ಯಾಹ್ನ ವನಸ್‌ ಆದ್‌ ಪೋನಗ ಈ ಘಟನೆ ನಡತ್‌ಂಡ್. ಅಪಗನೆ ಕೈತಲ್‌ದ ಆಸ್ಪತ್ರೆಗ್‌ ದಾಖಲ್‌ ಮಲ್ತೆರ್. ಆಂಡ ಎಚ್ಚದ ಮರ್ದ್‌ಗಾದ್‌ ಕುಡ್ಲದ ಆಸ್ಪತ್ರೆಗ್‌ ದಾಖಲ್‌ ಮಲ್ತ್‌ ಇತ್ತೆರ್. ತೆರಕ್ಕ್‌ ಜಾಸ್ತಿ ಪೆಟ್ಟ್‌ ಆಯಿನ ಕಾರಣ ಚಿಕಿತ್ಸೆ ಫಲಕಾರಿ ಆವಂದೆ ತೀರ್‌ಪೋತೆರ್. ನೆತ್ತ ಬಗೆಟ್‌ ಬೋಲ್ತೆರ್ ಪೊಲೀಸ್‌ ಸ್ಟೇಷನ್‌ಡ್‌ ಕೇಸ್‌ ದಾಖಲಾತ್‌ಂಡ್.
Editorial