ವಿಜಯನಗರ : ಕರಿನ ಪತ್ತ್ ವರ್ಷರ್ದ್ ಮೋಕೆ ಮಲ್ತೊಂದು ಇತ್ತಿನ ಐಶ್ವರ್ಯ ಬೊಕ್ಕ ಅಶೋಕ್ ಮದಿಮೆ ಫಿಕ್ಸ್ ಆದಿತ್ತ್ಂಡ್.ಮದಿಮೆಗ್ ನನ ರಡ್ಡ್ ದಿನ ಬಾಕಿ ಇತ್ತ್ಂಡ್. ಮದಿಮೆದ ಮಾತ ಸಿದ್ದತೆಲ ಆವೊಂದು ಇತ್ತ್ಂಡ್. ಆಂಡ ಧಾರೆದ ಮಣೆಟ್ ಕುಲ್ಲೊಡಾಯಿನ ಪೊಣ್ಣು ಸಂಸಯ ಬರ್ಪಿನ ರೀತಿಡ್ ತೀರ್ಪೋತೆರ್. ವಿಜಯನಗರದ ಟಿಬಿ ಕಾಲೋನಿದ ಐಶ್ವರ್ಯ ಪನ್ಪಿನ ಪೊಣ್ಣು ಮದಿಮೆಗ್ ರಡ್ಡ್ ದಿನ ಇಪ್ಪುನಗನೆ ತೀರ್ಪೋತೆರ್. ಮದಿಮೆದ ಶಾಸ್ತ್ರಗಾದ್ ಮದಿಮಾಯನ ಇಲ್ಲಗ್ ಇಲ್ಲದಕುಲ್ ಲೆತೊಂದು ಪೋದಿತ್ತೆರ್.
ಆಂಡ ಐಶ್ವರ್ಯ ಆಣನ ಇಲ್ಲಲೆ ತನ್ನ ಪ್ರಾಣನ್ ಬುಡ್ತಿನ ಮಸ್ತ್ ಅನುಮಾನಗ್ ಸಾದಿ ಮಲ್ತಿಲಕ ಆತ್ಂಡ್. 10 ದಿನರ್ದ್ ದುಂಬೆ ಪೊಣ್ಣು ಆಣನ ಇಲ್ಲಗ್ ಶಾಸ್ತ್ರಗ್ ಪೋದಿತ್ತಲ್. ಆಂಡ ಪೊಣ್ಣನ ಇಲ್ಲದಕ್ಲೆನ್ ಶಾಸ್ತ್ರಗ್ ಮಾತ ಬರೊರ್ಚಿ ಎಂಕುಲೆ ಮದಿಮೆ ಮಲ್ಪುವ ಪಂದ್ ಇತ್ತೆರ್ಗೆ. ಮೊಕುಲು ಒಂತೆ ತಿರ್ತ ಜಾತಿದಕುಲ್ ಆಯಿನೆಕ್ಕ್ ಪೊಣ್ಣಗ್ ಕೆಲವ್ ಷರತ್ತ್ಲೆನ್ ಪಾರ್ದ್ ಮದಿಮೆಗ್ ಒಪ್ಪಿದಿತ್ತೆರ್ಗೆ. ಅಂಚಾದ್ ಉಂದು ಕೊಲೆ ಆದಿಪ್ಪು ಪಂದ್ ಇಲ್ಲದಕುಲ್ ಆರೋಪ ಮಲ್ತ್ದೆರ್. ಅಂತರ್ಜಾತಿ ಮದಿಮೆ ಆಯಿನ ಕಾರಣ ಪೊಣ್ಣನ ಪೊಪ್ಪ ನಮಕ್ ಬೊಕ್ಕ ಅಕ್ಲೆಗ್ ಹೊಂದಾಣಿಕೆ ಆಪುಜಿ ಪಂದ್ ಇತ್ತೆರ್. ಆಂಡ ಮಗಲ್ ಗಟ್ಟಿ ಮನಸ್ ಮಲ್ತ್ದ್ ಮದಿಮೆ ಮಲ್ತೊನ್ವೆ ಪಂದ್ ಶಾಸ್ತ್ರಗ್ ಪೋದಿತ್ತೆರ್. ಪೊಣ್ಣನ ಇಲ್ಲದಕುಲ್ ಶಾಸ್ತ್ರಗ್ ಪೋವೆರೆ ಬಲ್ಲಿ ಪಂದ್ ಕಂಡಿಷನ್ ಪಾರ್ದ್ ಇತ್ತೆರ್. ಅಂಚಾದ್ ಮಗಲ್ನ ಮೋಕೆ ಮುಖ್ಯ ಪಂದ್ ಒತ್ತೊಂದು ಇತ್ತ. ಬೊಕ್ಕ ಫೋನ್ ಮಲ್ತ್ ದ್ ಇಂಚ ಆತ್ಂಡ್ ಪಂದ್ ತೆರಿಪಾದೆರ್, ಮೂಜಿ ನಾಲ್ ಆಸ್ಪತ್ರೆಗ್ ಲೆತೊಂದು ಪೋತ, ಆಂಡ ಜೀವ ಒರಿಪಾಯೆರೆ ಆಯಿಜಿ ಪಂದ್ ತೆರಿಪಾದೆರ್. ಎನ್ನ ಮಗಲ್ ಆತ್ಮಹತ್ಯೆ ಮಲ್ತೊನ್ನಾಲ್ ಅತ್ತ್, ನೆತ್ತ ಬಗ್ಗೆ ಸರಿಯಾದ್ ತನಿಖೆ ಆವೊಡು ಪಂದ್ ಪೊಣ್ಣನ ಪೊಪ್ಪ ಆಗ್ರಹ ಮಲ್ತ್ದೆರ್.
pallavi shetty