ಮಿತ್ತಬಾಗಿಲು: ಮಾಮುಗು ಸ್ಕೂಟರ್‌ ಡ್ ಡಿಕ್ಕಿ ಹಾಕಾದ್‌ ಮರ್ಮಯೆ ಕೆರಿಯೆರೆ ಪ್ರಯತ್ನ ಮಲ್ತ್‌ದೆ ಪನ್ಪುನ ಘಟನೆ ಮಿತ್ತಬಾಗಿಲು ಗ್ರಾಮದ ಕಂಬಳದಡ್ಡದಲ್ಪ ನಡತ್‌ಂಡ್. ಕಂಬಳದಡ್ಡ ನಿವಾಸಿ ಕೆ.ಎಚ್.ಇಬ್ರಾಹಿಂ (60ವ) ಗಾಯ ಆಯಿನಾರ್. ಇಬ್ರಾಹಿಂ ಅರೆನ ಮಗಲ್ ಬೊಕ್ಕ ಮರ್ಮಯನ ನಡುಟು ಕೌಟುಂಬಿಕ ಸಮಸ್ಯೆ ಇತ್ತ್‌ಂಡ್.
ಮರ್ಮಯೆ ಖರ್ಚಿಗ್‌ ಕಾಸ್‌ಲ ಕೊರೊಂದು ಇಜ್ಜಾಂಡ್‌ ಪಂದ್‌ ಆರೋಪ ಬೈದ್‌ಂಡ್. ಈ ಬಗೆಟ್ಟ್ ಅಕ್ಲೆನ ನಡುಟು ಪರಸ್ಪರ ಸರಿ ಮಲ್ಪರೆ ಅಮ್ಮೆರ್‌ ಪ್ರಯತ್ನ ಮಲ್ತೊಂದು ಇತ್ತೆರ್. ಈ ದ್ವೇಷಡ್ ಇಬ್ರಾಹಿಂ ನಡತೊಂದು ಪೋನಗ ಮರ್ಮಯೆ ಮಹಮ್ಮದ್‌ ಶಾಫಿ ಗಾಡಿಡ್‌ ಡಿಕ್ಕಿ ಮಲ್ತ್‌ದ್‌ ಕೆರಿಯೆರೆ ಪ್ರಯತ್ನ ಮಲ್ತ್ದೆರ್ ಪಂದ್‌ ತೆರಿದ್‌ ಬೈದ್‌ಂಡ್. ಘಟನೆರ್ದ್ ಇಬ್ರಾಹಿಂ ಗಂಭೀರ ಗಾಯ ಆದ್‌ ಅರೆನ್‌ ವೆನ್ಲಾಕ್ ಆಸ್ಪತ್ರೆಗ್‌ ದಾಖಲ್‌ ಮಲ್ತ್ದೆರ್. ಈ ಬಗ್ಗೆ ಅರೆನ ಮಗೆ ಮುಹಮ್ಮದ್ ರಫೀಕ್ ಬೋಲ್ತೆರ್ ಪೊಲೀಸೆರೆಗ್‌ ದೂರು ಕೊರ್ದು, ಆರೋಪಿ ವಿರುದ್ಧ ಕೇಸ್‌ ದಾಖಲಾತ್‌ಂಡ್.
Editorial