ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನಡ್ ಮಾಜಿ ಮುಖ್ಯಮಂತ್ರಿ, ಮಾಜಿ ಕೇಂದ್ರ ಸಚಿವೆರ್ ಡಿ.ವಿ ಸದಾನಂದ ಗೌಡೆರ್ನ ಕುಡುಂಬ ಸಮೇತ ಬತ್ತ್ ದ್ ಸರ್ಪ ಸಂಸ್ಕಾರ ಸೇವೆ ಮಲ್ತಿನ ಬಗ್ಗೆ ವರದಿ ಆತ್ಂಡ್. ನ.1 ದಾನಿ ಕುಕ್ಕೆ ಸುಬ್ರಹ್ಮಣ್ಯಗ್ ಬತ್ತ್ ದ್, ಸರ್ಪ ಸಂಸ್ಕಾರಡ್ ಪಾಲ್ ಪಡೆತೆರ್.
ಆಶ್ಲೇಷ ಬಲಿ ಪೂಜೆ, ಮಹಾಭಿಷೇಕ, ನಾಗ ಪ್ರತಿಷ್ಠೆ ಸೇವೆ ಮಲ್ತ್ ದೆರ್. ಡಿ.ವಿ ಸದಾನಂದ ಗೌಡೆರ್ನ ಬುಡೆದಿ ದಟ್ಟಿ, ಮಗೆ ಕಾರ್ತಿಕ್ ಮಗನ ಬುಡೆದಿ, ಬುಡೆದಿನ ಅಪ್ಪೆ ಅಮ್ಮೆ ಈ ಪೊರ್ತುಡು ಇತ್ತೆರ್. ನ.3 ದಾನಿ ದೇವಸ್ಥಾನದ ಲೆಕ್ಕಡ್ ಗಿಡ ನಡ್ಪುನ ಕಾರ್ಯ ಕ್ರಮಟ್ಟ್ ಭಾಗಿ ಆತೆರ್. ಈ ಪೊರ್ತುಡು ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷೆರ್ ಮೋಹನ್ ರಾಮ್ ಸುಳ್ಳಿ, ಸದಸ್ಯೆರ್ ಶೋಭಾ ಗಿರಿಧರ್, ವನಜಾ ಭಟ್ , ದೇವಸ್ಥಾನದ ಸಿಬ್ಬಂದಿ ನವೀನ್ ಇತ್ತೆರ್.
Editorial