ಡೆಲ್ಲಿ: ಜಪಾನ್ ದ ಕ್ಯೋಟೋದಲ್ಪ ಒಂಜಿ ಪಕ್ಕಾ ದಕ್ಷಿಣ ಭಾರತೀಯ ಶೈಲಿದ ಹೋಟೆಲ್ ಉಂಡು. ಮುಲ್ಪ ದಕ್ಷಿಣ ಭಾರತೀಯ ಶೈಲಿದ ತೆನಸುಲು ತಿಕ್ಕುಂಡು. ಆಂಡ, ಉಂದೆನ್ ಮತ ತಯಾರ್ ಮಲ್ಪುನೇ ರಡ್ಡ್ ಜನ ಜಪಾನ್ ಮೂಲದಕುಲು ಪನ್ಪುನವು ಇಸೇಸ ಆತ್ಂಡ್.
ಈ ರೆಸ್ಟೋರೆಂಟ್ ದ ಪುದರ್ ತಡ್ಕಾ. ಪ್ರಸನ್ನ ಕಾರ್ತಿಕ್ ಪನ್ಪುನಾರ್ ಈ ರೆಸ್ಟೋರೆಂಟ್ ದ ಸಂಪೂರ್ಣ ಕಥೆನ್ ಎಕ್ಸ್ ಅಕೌಂಟ್ ಡ್ ತೆರಿಪಾದೆರ್. ಈ ರೆಸ್ಟೋರೆಂಟ್ ದ ಮಾಲಿಕೆರ್ ಪ್ರತಿ ಆಜಿ ತಿಂಗೊಲ್ ಗೊರ ಚೆನ್ನೈಗ್ ಭೇಟಿ ಕೊರ್ಪೆರ್ ಬೊಕ್ಕ ಅಲ್ಪದ ಪೊಸ ತೆನಸ್ ನ್ ಕಲ್ತ್ ದ್ ಆಯಿನ್ ತನ್ನ ಮೆನುಟ್ಟ್ ಸೇರ್ಸಾವೆರ್.
ಇಂಚಾದ್ ತಡ್ಕಾ ಹೋಟೆಲ್ಗ್ ಮಸ್ತ್ ಜನ ಭಾರತೀಯೆರ್ ಭೇಟಿ ಕೊರ್ಪೆರ್. ನಿಜವಾಯಿನ ದಕ್ಷಿಣ ಭಾರತ ಶೈಲಿದ ತೆನಸ್ ಲು ಮುಲ್ಪ ತಿಕ್ಕುಂಡು. ಸದ್ಯ ಈ ಪೋಸ್ಟ್ ಇತ್ತೆ ಸಖತ್ ವೈರಲ್ ಆವೊಂದು ಉಂಡು. ಬೊಕ್ಕ ಈ ರಡ್ಡ್ ಜನ ಜಪಾನ್ ದಕ್ಲೆನ ಪ್ರಯತ್ನ, ಭಾರತದ ಮಿತ್ತ್ ಇಪ್ಪುನ ಪ್ರೀತಿನ್ ಮಾತೆರ್ಲಾ ಪುಗರೊಂದು ಉಲ್ಲೆರ್.
pallavi shetty