ಒಡಿಪು: ಕುಂಜಿಬೆಟ್ಟು ಲಾಲಾ ಲಜಪತ್ ರಾಯ್ ಮಾರ್ಗದ ಇಲ್ಲಡ್‌ ಕೆಲವು ದಿನತ ಪಿರಾವ್ ನಡತ್ತಿನ ಕಂಡಿನ ಕೇಸ್‌ಡ್ ಒಡಿಪು ಪೊಲೀಸೆರ್ ಒರಿ ಆರೋಪಿನ್‌ ಅರೆಸ್ಟ್ ಮಲ್ತ್‌ದ್‌, ಲಕ್ಷಾಂತರ ರೂ. ಬಿಲೆತ್ತ ಸೊತ್ತುಲೆನ್‌ ವಶಕ್ಕ್‌ ಪಡೆಯೊಂದೆರ್.
ಈ ಬಗೆಟ್ಟ್ ಒಡಿಪು ಠಾಣೆಡ್ ಬುಧವಾರ ನಡತ್ತಿನ ಪತ್ರಿಕಾಗೋಷ್ಠಿಡ್ ಜಿಲ್ಲಾ ಹೆಚ್ಚುವರಿ ಎಸ್ಪಿ ಎಸ್.ಟಿ.ಸಿದ್ಧಲಿಂಗಪ್ಪ ಮಾಹಿತಿ ಕೊರಿಯೆರ್. ಬೆಂಗಳೂರು ಉತ್ತರಹಳ್ಳಿದ ಭುವನೇಶ್ವರಿ ನಗರದ ನಿವಾಸಿ ಮಂಜುನಾಥ ಯಾನೆ ಕಲ್ಕೆರೆ ಮಂಜ(43) ಅರೆಸ್ಟ್ ಆಯಿನ ಆರೋಪಿ.
ಆರೋಪಿನ ಮಿತ್ತ್‌ ಬೆಂಗಳೂರು, ಕೋಲಾರ, ತುಮಕೂರು, ದಾವಣಗೆರೆ ಬೊಕ್ಕ ಚಿಕ್ಕಬಳ್ಳಾಪುರ ಜಿಲ್ಲೆದ ಬೇತೆ ಬೇತೆ ಪೊಲೀಸ್ ಠಾಣೆಡ್ 60ರ್ದ್ ಎಚ್ಚ ಕೇಸ್ ದಾಖಲಾತ್‌ಂಡ್‌ ಪಂದ್ ಹೆಚ್ಟುವರಿ ಎಸ್ಪಿ ತೆರಿಪಾಯೆರ್. ಸುದ್ದಿಗೋಷ್ಠಿಡ್‌ ಡಿವೈಎಸ್ಪಿ ದಿನಕರ ಪಿ.ಕೆ., ಒಡಿಪು ನಗರ ಠಾಣಾ ಪೊಲೀಸ್ ನಿರೀಕ್ಷಕೆರ್ ಮಂಜಪ್ಪ ಡಿ. ಆರ್. ಇತ್ತೆರ್.
Editorial