ಎಲ್ಲೆ ಪುತ್ತೂರ್ ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ಪತ್ತನಾಜೆ ಉಚ್ಚಯ

ಪುತ್ತೂರ್: ಪುಗರ್ತೆದ ಪುತ್ತೂರ್ ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ (ಮೇ25) ಎಲ್ಲೆ ರಾತ್ರೆ ಪತ್ತನಾಜೆ ಉಚ್ಚಯ ನಡಪರೆ ಉಂಡು.

‌ಉಚ್ಚಯದ ಬೊಕ್ಕ ಭಕ್ತೆರೆಗ್ ಪ್ರಸಾದ ರೂಪಡ್ ಫಲವಸ್ತುನ್ ಕೊರ್ಪೆರ್. ಪತ್ತನಾಜೆದ ದಿನ ಬೊಲ್ಪುಗು, ಮಧ್ಯಾಹ್ನ ಇಸೇಸ ಪೂಜೆ, ಬಯ್ಯಗ್ ಶ್ರೀ ದೇವೆರೆನ ನಿತ್ಯ ಬಲಿ ಉಚ್ಚಯಡ್ ಉಡಿಕೆ, ಚೆಂಡೆ, ವಾದ್ಯ ಸುತ್ತು, ಪಲ್ಲಕಿ ಉಚ್ಚಯ ಬೊಕ್ಕ ಸೇವೆದ ಬಳಕ ವಸಂತ ಪೂಜೆ ಸೇವೆ ಮಲ್ತಿನ ಭಕ್ತೆರೆಗ್ ಪ್ರಸಾದ ಕೊರಿಯೆರೆ ಉಂಡು.

ದೇವೆರ್ ಗರ್ಭಗುಡಿ ಪ್ರವೇಶ ಮಲ್ತಿನ ಪತ್ತನಾಜೆ ಉಚ್ಚಯದ ಪ್ರಸಾದ ರೂಪವಾದ್ ಫಲವಸ್ತುನ್ ದೇವಲ್ಯದ ಪಿದಯಿ ಭಕ್ತಾದಿಲೆಗ್ ಕೊರ್ಪೆರ್.

ಪೊರ್ತಾದ್ ಗರ್ಭಗುಡಿ ಪ್ರವೇಶ ಮಲ್ಪುನ ದೇವೆರ್:

ಪತ್ತನಾಜೆದಾನಿ ದೇವೆರೆನ ಉಚ್ಚಯ ಮೂರ್ತಿನ್ ಗರ್ಭ ಗುಡಿತ್ತ ಉಲಯಿ ಕೊನೊಪಿನ ದುಂಬು ಬ್ರಹ್ಮ ವಾಹಕೆರ್ ಉಚ್ಚಯ ಮೂರ್ತಿನ್ ಆನೆ ಮುಟ್ಟುದ ಮುಖೇನ ಉಲಯಿ ಕೊನೊದು ಕುಡ ಪಿರ ಕೊನಪೆರ್. ಇಂಚ ಮೂಜಿ ಸರ್ತಿ ಪೋದು ಬರ್ಪಿನ ಕ್ರಮತ್ತ ಬೊಕ್ಕ ಅಕೇರಿಗ್ ಉಚ್ಚಯ ಮೂರ್ತಿನ್ ಉಲಯಿ ಸೇರ್ಸಾನವೇ ಇಸೇಸ ಆತ್ಂಡ್.

Related Post

We want to hear from you, do share a few words. :)

error: Content is protected !!