ಬೆಂಗ್ಲೂರ್: ಕುಡ್ಲ ದಕ್ಷಿಣದ ಶಾಸಕೆರ್ ವೇದವ್ಯಾಸ ಕಾಮತ್ ಮೇರ್ ಅಂಗಾರೆ ವಿಧಾನಸಭೆತ್ತ ಸುರುತ್ತ ಅಧಿವೇಶನದಾನಿ ತುಳುನಾಡ್ ಬೊಕ್ಕ ದೇವೆರ್ನ ಮಿತ್ತ್ ಪ್ರಮಾಣ ವಚನ ಸ್ವೀಕಾರ ಮಲ್ತ್ ದ್ ತುಳುವೆರ್ನ ಮೆಚ್ಚಿಗೆ ಪಡೆತೆರ್.
ಮೇರ್ ತುಳುನಾಡ್ ದ ಪುದರ್ ಡ್ ಬೊಕ್ಕ ದೇವೆರೆನ ಪುದರ್ ಡ್ ಪ್ರಮಾಣವಚನ ಮಲ್ತಿನಿ ಅತ್ತಾಂದೆ ತುಳು ಕೊಡಿತ್ತ ಶಾಲ್ ಪಾಡ್ದ್ ಮಾತೆರೆನಲ ಆಕರ್ಷಣೆಗ್ ಕಾರಣ ಆಯೆರ್.
ತನ್ನನೇ ಬಿಜೆಪಿ ಪಕ್ಷದ ಆಡಳಿತ ಉಪ್ಪುನಗ ಮೆರೆಗ್ ತುಳುವೆರ್ನ ಬೇಡಿಕೆ ನಡಪಾದ್ ಕೊರಿಯರೆ ಆಯಿಜಿಡಲ ತುಳು ಬಾಸೆ ಒರಿಪುನ ಬಗೆಟ್ಟ್ ಕೆಲವು ಪ್ರಯತ್ನ ಮಲ್ದೆರ್.
ತುಳು ಬಾಸೆನ್ ರಾಜ್ಯದ ರಡ್ಡನೇ ಅಧಿಕೃತ ಬಾಷೆ ಮಲ್ಪಾವುನ ನಿಲೆಟ್ಟ್ ವೇದವ್ಯಾಸ ಕಾಮತ್, ಉಮಾನಾಥ ಕೋಟ್ಯಾನ್, ಯು.ಟಿ.ಖಾದರ್ ಅಂಚೆನೆ ತುಳುನಾಡ್ ದ ಮಾತ ಶಾಸಕೆರ್ ನಕುಲು ಈ ಸರ್ತಿ ಆಂಡಲ ತುಳುವೆರ್ನ ಬೇಡಿಕೆ ನಡಪಾದ್ ಕೊರ್ಪೆರಾ ಪನ್ಪಿನ ಅಂಗಲಾಪು ತುಳುವೆರ್ನ.
pallavi shetty