ಕುಡ್ಲ: ಅಶೋಕನಗರ, ಶೇಡಿಗುರಿದ ಈರಿ ಆದಿ ಶ್ರೀ ಕೋರ್ದಬ್ಬು ದೈವೊಲ್ಯಡ್ ವರ್ಷಾಧಿದ ನೇಮ ಮೇ20-23 ಮುಟ್ಟ ನಡಪರೆ ಉಂಡು.
ಸುಬ್ರಹ್ಮಣ್ಯ ಭಟ್, ಶ್ರೀ ದೇವಧಾಮ ವಾಮಂಜೂರ್ ಮೆರೆನ ಪೌರೋಹಿತ್ಯಡ್ ಈ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನಲು ನಡಪರೆ ಉಂಡು.
ಮೇ14 ಐತಾರ ಬೊಲ್ಪುಗು ಶ್ರೀ ಬಂಟ ದೈವೊಲ್ಯ, ಕೊರಗಜ್ಜ ಸಾನಿಧ್ಯಡ್ ಪಿಲಿಚಾಮುಂಡಿ ದೈವೊಲೆನ ಪುನರ್ ಪ್ರತಿಷ್ಠಾಪನಾ ಕುಂಭಾಭಿಷೇಕ, ಪೊಸ ಕೊಡಿಯಡಿ ಚಪ್ಪರ ಸಮರ್ಪಣೆ ನಡಪರೆ ಉಂಡು.
ಮೇ20 ಸನಿಯಾರ ಬೊಲ್ಪುಗು ಭಂಡಾರ ಏರಿಯೆರೆ, ಮಧ್ಯಾಹ್ನ ಜಾಗೆದ ಗುಳಿಗ ದೈವೊದ ನೇಮ, ರಾತ್ರೆ ಶ್ರೀ ಬಬ್ಬು ಸ್ವಾಮಿ ಬೊಕ್ಕ ತನ್ನಿಮಾನಿಗ ದೈವೊದ ನೇಮ ನಡಪರೆ ಉಂಡು.
ಮೇ21 ಐತಾರ ಬಯ್ಯಗ್ ಶ್ರೀ ರಾಹುಗುಳಿಗ ದೈವೊದ ನೇಮ, ರಾತ್ರೆ ಶ್ರೀ ವರಾಹ ಮೂರ್ತಿ ಪಂಜುರ್ಲಿ ಬೊಕ್ಕ ಬಂಟ ದೈವೊದ ನೇಮ, ಅವೆರ್ದ್ ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು.
ಮೇ22 ಸೋಮಾರ ಬಯ್ಯಗ್ ಪಿಲಿಚಾಮುಂಡಿ ಬೊಕ್ಕ ಪರಿವಾರ ದೈವೊಲೆನ ನೇಮ, ರಾತ್ರೆ ಶ್ರೀ ಕೊರಗಜ್ಜ ದೈವೊದ ನೇಮ ನಡಪರೆ ಉಂಡು.
ಮೇ23 ಅಂಗಾರೆ ಬೊಲ್ಪುಗು ಭಂಡಾರ ಪಿದಾಡರೆ ಉಂಡು.
ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ಸಿರಿಮುಡಿ ಗಂಧ ಪ್ರಸಾದ ದೆತೊಂದು, ಶ್ರೀ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಅಧ್ಯಕ್ಷೆರ್ ರಾಧಕೃಷ್ಣ, ಗೌರವಾಧ್ಯಕ್ಷೆರ್ ಬಿ. ಅನಂತ ಕೃಷ್ಣರಾವ್, ಪಿ ಆರ್ ಬೋಳೂರ್, ವಾಮನ ಶೆಟ್ಟಿ, ಉಪಾಧ್ಯಕ್ಷೆರ್ ನರೇಂದ್ರ ಕಿರೋಡಿಯನ್, ಶೇಖರ ಶೆಟ್ಟಿ ಗುರುಂಪೆ, ಪ್ರಭಾಕರ್ ರಾವ್, ಗುರಿಕಾರೆ, ಕೋಶಾಧಿಕಾರಿ ನಾಗೇಶ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty