ಕುಡ್ಲಡ್ ಬಸ್ ಕ್ಕ್ ಬಸ್ ಗುದ್ದುದು ರಡ್ಡ್ ಜನಕ್ಕ್ ಪೆಟ್ಟ್

ಕುಡ್ಲ: ಮೂಜಿ ಸಿಟಿ ಬಸ್ಸ್ ಲು ಗುದ್ದೊಂದು ರಡ್ಡ್ ಜನಕ್ಕ್ ಪೆಟ್ಟಾಯಿನ ಘಟನೆ ಕುಡ್ಲದ ಹಂಪನಕಟ್ಟೆಡ್ ಸೋಮಾರ ಮಧ್ಯಾಹ್ನ ನಡತ್ಂಡ್.

ಸ್ಟೇಟ್‌ಬ್ಯಾಂಕ್‌ ರ್ದ್ ಕುಂಜತ್ತಬೈಲ್ ದಂಚಿ ಪೋವೊಂದು ಇತ್ತಿನ 13 ನಂಬರ್ ದ ಬಸ್ಸೊಂಜಿ ತಲಪಾಡಿದಂಚಿ ಪೋವೊಂದು ಇತ್ತಿನ 42 ನಂಬರ್ ದ ಬಸ್ಸ್ ತ್ತ ಪಿರವುಗ್ ಗುದ್ದುಂಡು.

ಈ ಬಸ್ ಗುದ್ದಿನ ಬಿರ್ಸ್ ಗ್ ತಲಪಾಡಿಗ್ ಪೋವೊಂದು ಇತ್ತಿನ ಬಸ್, ಆಯಿತ್ತ ಎದುರುಡಿತ್ತಿನ‌ ನೀರ್ ಮಾರ್ಗಗ್ ಪೋವೊಂದಿತ್ತಿನ 21 ನಂಬರ್ ದ ಬಸ್ಸ್ ತ್ತ ಪಿರವುಗ್ ಗುದ್ದುದುಂಡು.

ಈ ಘಟನೆಡ್ ಮೂಜಿ ಬಸ್ಸ್ ಲ ನಕ್ಕೆ ಆತ್ಂಡ್. ಅತ್ತಂದೆ ಕುಂಜತ್ತಬೈಲ್ ಬಸ್ಸ್ ತ್ತ ಡ್ರೈವರ್ ಬೊಕ್ಕ ಈ ಬಸ್ಸ್ ಟ್ ಪ್ರಯಾಣ ಮಲ್ತೊಂದು ಇತ್ತಿನ ಪೊಂಜೋವ್ ಗ್ ಪೆಟ್ಟಾತ್ಂಡ್.