ಕುಡ್ಲ: ಕಲಾಭಿ ಥಿಯೇಟರ್ ಕುಡ್ಲಡ್ ಸುರುತ ಸರ್ತಿ ಬುನ್ರಾಕು ಗೊಂಬೆಯಾಟ ಕಾರ್ಯಾಗಾರದ ಕಲಿಕಾ ಪ್ರಸುತ್ತಿ ಪುರ್ಸನ ಪುಗ್ಗೆ ಪ್ರದರ್ಶನ ಶ್ರವಣ್ ಹೆಗ್ಗೋಡು ಮೆರೆನ ನಿರ್ದೇಶನಡ್ ಮಾ.28 ಬಯ್ಯಗ್ 6.30 ಕ್ಕ್ ಕುಡ್ಲದ ಮಾಲೆಮಾರ್ ಕಲಾಭಿ ಥಿಯೇಟರ್ ಡ್ ನಡಪರೆ ಉಂಡು.
ಕರ್ನಾಟಕದ ಪುಗರ್ತೆದ ಆಧುನಿಕ ಬೊಂಬೆಯಾಟಗಾರೆ ಶ್ರವಣ್ ಹೆಗ್ಗೋಡು ಮೆರೆನ ಮಾರ್ಗದರ್ಶನಡ್ ಮಾ.10 ರ್ದ್ ಸುರು ಆದ್ 20 ದಿನ ಮುಟ್ಟ ನಡತಿನ ಬೊಂಬೆಯಾಟ ಕಾರ್ಯಾಗಾರಡ್ ಅವಿನಾಶ್ ರೈ, ಚೇತನ್ ಕೊಪ್ಪ, ಅಕ್ಷತಾ ಕುಡ್ಲ, ಉಜ್ವಲ್ ಯು.ವಿ, ಭುವನ್ ಮಣಿಪಾಲ್, ಗಣೇಶ್ ಕೆ.ವಿ, ಕಾರ್ತಿಕ್ ಸನಿಲ್, ಉದಿತ್ ಯು.ವಿ, ಅಭಿಷೇಕ್ ಬಿ.ಎಚ್, ಪಾಲ್ ಪಡೆತೆರ್. ಮುಲ್ಪ ಬನ್ರಾಕು ಗೊಂಬೆಯಾಟದ ಸಾಧ್ಯತೆಲೆನ್ ಅನ್ವೇಷಣೆ ಮಲ್ಪುನ ಪ್ರಯತ್ನಯೊಂಜಿ ನಡತ್ಂಡ್. ನನ ಮಾ.28 ಕ್ಕ್ ಕಲಾಭಿ ಥಿಯೇಟರ್ ಡ್ ಸಾರ್ವಜನಿಕೆರಾದ್ ನೆತ್ತ ಡೆಮೊ ಪ್ರದರ್ಶನದೊಟ್ಟಿಗೆ ಕಾರ್ಯಾಗಾರ ಮುಗಿವುಂಡು. ಮುಲ್ಪ ಗೊಂಬೆಲು ನಿಕಲೆಗ್ ವಾಸ್ತವಿಕ ರೀತಿಡ್ ಕಥೆನ್ ಪನ್ಪುಂಡು. ಈ ಲೇಸ್ ನಿಕುಲು ಮಾತ ಬತ್ತ್ ದ್, ತೂದು ಈ ಅನುಭವನ್ ಆನಂದಿಸಾದ್ ಬೇತೆ ಅಕ್ಲೆಗ್ಲಾ ತೆರಿಪಾವೊಡು ಪಂದ್ ಕಲಾಭಿದ ಕಾರ್ಯದರ್ಶಿ ಉಜ್ವಲ್ ಯುವಿ ಪ್ರತಿಕಾ ಪ್ರಕಟಣೆಡ್ ತೆರಿಪಾದೆರ್.
pallavi shetty