ಕೇಂದ್ರ ಮಾಲಿನ್ಯ ನಿಯಂತ್ರಣ ಮಂಡಳಿಡ್ ಖಾಲಿ ಇಪ್ಪುನ 163 ಬೇಲೆಗ್ ಅರ್ಜಿ ಸಂದಾಯೆರೆ ಎಲ್ಲೆನೇ ಅಕೇರಿದ ದಿನ ಆತ್ಂಡ್.
ಆಸಕ್ತ ಬೊಕ್ಕ ಅರ್ಹ ಅಭ್ಯರ್ಥಿಲು ಈ ಬೇಲೆಗ್ ಅರ್ಜಿ ಸಂದಾವೊಲಿ.
SSLC, ಪಿಯುಸಿ, ಡಿಪ್ಲೊಮಾ, ಡಿಗ್ರಿ, ಪಿಜಿ ಪಾಸ್ ಆಯಿನಕುಲು ಅರ್ಹತೆಗ್ ಅನುಗುಣವಾದ್ ಅರ್ಜಿ ಪಾಡೊಲಿ.
ಲಿಲಿತ ಪರೀಕ್ಷೆ, ಕೌಶಲ್ಯ ಪರೀಕ್ಷೆ, ಸಂದರ್ಶನದ ಮುಖೇನ ಆಯ್ಕೆ ಮಲ್ಪುವೆರ್.
ಥಾಣೆ ಪಶ್ಚಿಮದ ವೀರ್ ಸಾವರ್ಕರ್ ನಗರ, ಡಿ-11, ಮ್ಹಾಡಾ ಫ್ಲ್ಯಾಟ್ ನಂಬ್ರ. 44, ಸುಗಮ್ ಕೋ-ಆಪರೇಟಿವ್ ಸೊಸೈಟಿಡ್ ಶ್ರೀ ಚಾಮುಂಡೇಶ್ವರಿ ಕ್ಷೇತ್ರದ ವತಿರ್ದ್ ಶ್ರೀ ಶನಿಗ್ರಂಥ ಪಾರಾಯಣ ಎ.2 ಐತಾರ ಮಂದಿರದ ಮುಖ್ಯಸ್ಥೆರ್ ಶಿವಪ್ರಸಾದ್ ಪೂಜಾರಿ ಪುತ್ತೂರ್ ಮೆರೆನ ದುಂಬಾತ್ತಿಗೆಡ್ ಬೊಕ್ಕ ಜಗದೀಶ್ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು.
ಮಧ್ಯಾಹ್ನ 2 ಗಂಟೆರ್ದ್ ರಾತ್ರೆ 8 ಗಂಟೆ ಮುಟ್ಟ ಶ್ರೀ ಶನೀಶ್ವರ ಮಂದಿರ, ಭಟ್ಟಿಪಾಡ, ಭಾಂಡುಪ್ ಮೆರೆನ ಕೂಟದಕ್ಲೆರದ್ ಶ್ರೀ ಶನಿಗ್ರಂಥ ಪಾರಾಯಣ ಯಕ್ಷಗಾನ ತಾಳಮದ್ದಳೆದ ರೂಪಡ್ ನಡಪರೆ ಉಂಡು. ಬೊಕ್ಕ ಮಹಾ ಆರತಿ, ತೀರ್ಥ ಪ್ರಸಾದ ಕೊರಿಯೆರೆ ಉಂಡು. ಈ ಲೇಸ್ ಗ್ ಭಕ್ತಾಭಿಮಾನಿಲು ಮಾತ ಬತ್ತ್ ದ್ ಶ್ರೀ ಶನಿದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ಚಾಮುಂಡೇಶ್ವರಿ ಕ್ಷೇತ್ರದ ಪರವಾದ್ ಶಿವಪ್ರಸಾದ್ ಪೂಜಾರಿ ಪುತ್ತೂರ್ (ಮುಖ್ಯಸ್ಥೆರ್), ಭಜನಾ ಮಂಡಳಿದ ಸರ್ವಸದಸ್ಯೆರ್, ಬೊಕ್ಕ ಮಹಿಳಾ ಮಂಡಳಿದ ಸದಸ್ಯೆರ್ ಬಿನ್ನಾಪು ಮಲ್ದೆರ್.
ಎಚ್ಚದ ಪೊಲಬುಗಾದ್
9004318009 ಈ ನಂಬರ್ ಗ್ ಸಂಪರ್ಕ ಮಲ್ಪೊಲಿ.
ಉಳ್ಳಾಲ: ಕುಂಡೋಲ್ ತುಚ್ಚಿದ್ ಮೂಜಿ ಜನಕ್ಕ್ ಪೆಟ್ಟಾತ್ಂಡ್. ನೆಟ್ಟ್ ಮಸ್ತ್ ಪೆಟ್ಟಾಯಿನ ರಡ್ಡ್ ಜನನ್ ಪೇಂಟೆದ ಫಾ. ಮುಲ್ಲರ್ ಆಸ್ಪತ್ರೆಗ್ ದಾಖಲ್ ಮಲ್ತಿನ ಘಟನೆ ನರಿಂಗಾನ ಗ್ರಾಮದ ಬೋಳಡ್ ಗುರುವಾರ ಬೊಲ್ಪುಗು ನಡತ್ಂಡ್.
ಉಳ್ಳಾಲ ತಾಲೂಕ್ ದ ನರಿಂಗಾನ ಗ್ರಾಮದ ಬೋಳ ನಿವಾಸಿ ರಾಬರ್ಟ್ ಕುಟಿನ್ಹ(79), ಮೆರೆನ ಮಗೆ ರಾಯಲ್ ಕುಟಿನ್ಹ(39) ಕುಂಡೋಲು ತುಚ್ಚಿದ್ ಮಸ್ತ್ ಪೆಟ್ಟಾದ್ ಆಸ್ಪತ್ರೆಗ್ ಸೇರಿಯೆರ್.
ಈ ಪೊರ್ತುಡು ಅಣ್ಣನ ಸ್ವರ ಕೇಂದ್ ಪಾರ್ ಬತ್ತಿನ ರಾಬರ್ಟ್ ಕುಟಿನ್ಹ ಮೆರೆನ ಸಹೋದರೆ ಜೋಸೆಫ್ ಕುಟಿನ್ಹ ಮೆರೆಗ್ಲಾ ಮಸ್ತ್ ಪೆಟ್ಟಾತ್ಂಡ್. ಅತ್ತಂದೆ ಜೋಸೆಫ್ ಕುಟಿನ್ಹ ಮೆರೆನ ಮಗೆ ಅಖಿಲ್ ಮೆರೆಗ್ಲಾ ಕುಂಡೋಲು ತುಚ್ಚಿದ್ಂಡ್. ಇತ್ತೆ ಮೊಕುಲು ಹುಷಾರ್ ಆತೆರ್ ಪಂದ್ ತೆರಿದ್ ಬೈದ್ಂಡ್.
ಕುಡ್ಲ ಪೇಂಟೆದ ಕೆಪಿಟಿ ಕೈತಲ್ ದ ಅಪಾರ್ಟ್ಮೆಂಟ್ ಒಂಜೆತ್ತ 14ನೇ ಮಾಳಿಗೆರ್ದ್ ಜವನೆಯೊರಿ ಅಕಲ್ ತಪ್ಪುಡು ತಿರ್ತ್ ಬೂರ್ದು ತೀರ್ ಪೋಯಿನ ಘಟನೆ ಗುರುವಾರ ಬೊಲ್ಪುಗು ನಡತ್ಂಡ್.
ಈ ಘಟನೆಡ್ ತೀರ್ ಪೋಯಿನಾರ್ ಕುಡ್ಲ ಪೇಂಟೆದ ಮೊಬೈಲ್ ಕೇರ್ ಮಳಿಗೆದ ಜಿ.ಅಬ್ದುಲ್ ಸಲೀಂ ಪನ್ಪುನಾರೆನ ಮಗೆ ಮಹಮ್ಮದ್ ಶಮಾಲ್ (21) ಪಂದ್ ತೆರಿದ್ ಬೈದ್ಂಡ್. ಈ ಬಗೆಟ್ ಕದ್ರಿ ಠಾಣೆಡ್ ಕೇಸ್ ದಾಖಲ್ ಆತ್ಂಡ್. ಪೊಲೀಸೆರ್ ತನಿಖೆ ಮಲ್ತೊಂದು ಉಲ್ಲೆರ್.
ಪಣಪಿಲ ಜಯ-ವಿಜಯ ಜೋಡುಕರೆ ಕಂಬುಲ ಸಮಿತಿದ ಮುತಾಲಿಕೆಡ್ 13ನೇ ವರ್ಷೊದ ಫ್ಲಡ್ ಲೈಟ್ ಜಯ-ವಿಜಯ ಜೋಡುಕರೆ ಕಂಬುಲ ಎ.8ಗ್ ಸನಿಯಾರ ಬಯ್ಯಗ್ ನಡಪರೆ ಉಂಡು.
ಈ ಕಂಬುಲಡ್ ಗೆಂದಿನಕಲೆಗ್ ಬಲ್ಲ್ ಎಲ್ಯ ವಿಭಾಗ, ನಾಯೆರ್ ಎಲ್ಯ ವಿಭಾಗ, ಬೊಕ್ಕ ನಾಯೆರ್ ಮಸ್ತ್ ಎಲ್ಯ ವಿಭಾಗಡ್ ಇನಾಮುಲು ಉಂಡು. ಅಂಚೆನೆ ಈ ಕಂಬುಲಡ್ ಪಾಲ್ ಪಡೆಪುನ ಮಾತ ಎರುಕುಲು ಬಯ್ಯಗ್ 4 ಗಂಟೆಗ್ ಕಂಬುಲದ ಕರೆಕ್ಕ್ ಜಪ್ಪುಂಡು. ಈ ಲೇಸ್ ಗ್ ಕಂಬುಲಾಭಿಮಾನಿಲು ಮಾತೆರ್ಲಾ ತನ್ನ ಎರ್ಲೆನೊಟ್ಟಿಗೆ ಬತ್ತ್ ದ್, ಲೇಸ್ ನ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಗೌರವಾಧ್ಯಕ್ಷೆರ್ ಶಾಸಕೆರ್ ಉಮಾನಾಥ್ ಎ ಕೋಟ್ಯಾನ್, ಅಧ್ಯಕ್ಷೆರ್ ಪಣಪಿಲ ಯುವರಾಜ್ ಜೈನ್ ನಂದೊಟ್ಟು ಲೆಪ್ಪೋಲೆಡ್ ಬಿನ್ನಾಪು ಮಲ್ದೆರ್.
ಬಳ್ಳಾರಿ ಮಹಾನಗರ ಪಾಲಿಕೆದ ಮೇಯರ್ ಪಟ್ಟಗ್ 21 ವರ್ಷೊದ ಪೊಣ್ಣು ಆಯ್ಕೆ ಆತೆರ್.
ಕಾಂಗ್ರೆಸ್ ಪಕ್ಷರ್ದ್ ಮೇಯರ್ ಆಪುನ ಮುಖೇನ ರಾಜ್ಯದ ಮಸ್ತ್ ಎಲ್ಯ ಪ್ರಾಯದ ಮೇಯರ್ ಪನ್ಪುನ ಪುಗರ್ತೆಗ್ ಪಾತ್ರರಾತೆರ್.
ಕಾಂಗ್ರೆಸ್ ಪಕ್ಷರ್ದ್ ಮೂಜಿ ಜನ ಅಭ್ಯರ್ಥಿಲು ಮೇಯರ್ ತಾನಗ್ ನಾಮಪತ್ರ ಸಂದಾದಿತ್ತೆರ್. ಆಯಿಟ್ ಕ್ರಮವಾದ್ ನಾಲ್ ನೇ ವಾರ್ಡ್ ದ ತ್ರಿವೇಣಿ, ಏಳ್ ನೇ ವಾರ್ಡ್ ದ ಉಮಾದೇವಿ ಬೊಕ್ಕ 38 ನೇ ವಾರ್ಡ್ ದ ಕುಬೇರ ಮೊಕುಲು ನಾಮಪತ್ರ ಸಂದಾಯಿನಕುಲು. ಇತ್ತೆ ನಾಲ್ ನೇ ವಾರ್ಡ್ ದ ತ್ರಿವೇಣಿ ಮೇಯರ್ ಆದ್ ಆಯ್ಕೆ ಆತೆರ್. ಉಪಮೇಯರ್ ಆದ್ 33 ನೇ ವಾರ್ಡ್ ದ ಜಾನಕಮ್ಮ ಅಧಿಕಾರ ಸ್ವೀಕಾರ ಮಲ್ಪೆರೆ ಉಲ್ಲೆರ್.
A 21 years old girl is the Mayor of Bellary municipal Corporation !!
Triveni a 21 year old representing the Congress from the 4 th ward has been elected as mayor and Janakamma from ward 33 is the deputy mayor.
ಕೇಂದ್ರ ಸರ್ಕಾರದ ಸುಮಾರ್ ಕಡೆಟ್ ಸರ್ಕಾರಿ ಕಚೇರಿಡ್ ಬೊಕ್ಕ ಇಲಾಖೆಲೆಡ್ 9,79,327 ಬೇಲೆಲು ಖಾಲಿ ಉಂಡು ಪಂದ್ ಕೇಂದ್ರ ಸಚಿವೆರ್ ಜಿತೇಂದ್ರ ಸಿಂಗ್ ತೆರಿಪಾದೆರ್.
ಬಿಆರ್ ಎಸ್ ಸಂಸದೆರ್ ನಾಮ ನಾಗೇಶ್ವರ ರಾವ್ ಕೇಂಡಿನ ಪ್ರಶ್ನೆಗ್ ಜಿತೇಂದ್ರ ಸಿಂಗ್ ಲಿಲಿತ ಉತ್ತರ ಕೊರ್ತೆರ್. ರೈಲ್ವೆಡ್ 2,93,943, ರಕ್ಷಣಾ ಇಲಾಖೆಡ್ 2,64,706, ಕೇಂದ್ರ ಗೃಹ ಇಲಾಖೆಡ್ 1,43,536 ಬೇಲೆ ಖಾಲಿ ಉಂಡು ಪಂದ್ ತೆರಿಪಾದೆರ್.
9,79,327 job vacancies in various offices of the central government – central minister Jeetendra Singh
Central minister Jeetendra Singh said that there were 9,79,327 vacancies in central government offices.
This was in answer to a question raised by MP Nama Nageshwar Rao.
ದಕ್ಷಿಣ ಕನ್ನಡ ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ದ ಮುಲ್ಕಿ ತಾಲೂಕ್ ಘಟಕ, ಕಿನ್ನಿಗೋಳಿದ ಯುಗಪುರುಷ ಬೊಕ್ಕ ತೋಕೂರು ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್ದ ಒಟ್ಟುಸೇರಿಗೆಡ್ ಕಡೀರ್ ದ ಮುಲ್ಕಿ ತಾಲೂಕ್ ದ ಕಡೀರ್ದ ಸಾಹಿತ್ಯ ಉಚ್ಚಯ 2023, ಪ್ರಶಸ್ತಿ-ಪುರಸ್ಕಾರ ಲೇಸ್, ಕಬಿ ಕೂಟ ಕಿನ್ನಿಗೋಳಿ ಯುಗಪುರುಷ ಚಾವಡಿಡ್ ಕರಿನ ಐತಾರ ಯಶಸ್ವಿಯಾದ್ ನಡತ್ಂಡ್.
ಈ ಲೇಸ್ ನ್ ದ.ಕ.ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ದ ಗೌರವಾಧ್ಯಕ್ಷೆರ್ ಇರಾ ನೇಮು ಪೂಜಾರಿ ಉದಿಪನ ಮಲ್ತ್ ದ್ ಪಾತೆರ್ದ್, ಸಮಾಜದ ಅಂಕು ಡೊಂಕುಲೆನ್ ಸರಿ ಮಲ್ಪುನ ಉತ್ತಮ ಸಾಹಿತ್ಯ ಪುಟ್ಟೊಡು, ಈ ದಿಟ್ಟಿಡ್ ಚುಟುಕು ಸಾಹಿತ್ಯಗ್ ಜನಕುಲೆನ ಮನಸ್ಸ್ ನ್ ಮುಟ್ಟುನ ಶಕ್ತಿ ಉಂಡು ಪಂದ್ ಪಂಡೆರ್.
ಬೊಕ್ಕ ಕಲಾಶ್ರೀ ಪ್ರಶಸ್ತಿನ್ ಕಟೀಲ್ ಫ್ರೌಢಶಾಲಾ ಶಿಕ್ಷಕೆರ್ ಸಾಯಿನಾಥ ಶೆಟ್ಟಿ, ಸೇವಾಶ್ರೀ ಪುರಸ್ಕಾರನ್ ಪಡುಪಣಂಬೂರು ಗ್ರಾ.ಪಂ.ನ ಅಧ್ಯಕ್ಷೆರ್ ಮಂಜುಳಾ ಹೊಯಿಗೆಗುಡ್ಡೆ, ಸೇವಾಶ್ರೀ ಪುರಸ್ಕಾರನ್ ಸಮಾಜ ಸೇವಕೆರ್ ಜೈಕೃಷ್ಣ ಕೋಟ್ಯಾನ್ ಹಳೆಯಂಗಡಿ, ಕಲಾಶ್ರೀ ಪ್ರಶಸ್ತಿ ಯುವ ರಂಗಕರ್ಮಿ ರಜತ್ಕುಮಾರ್ ಸಸಿಹಿತ್ಲು, ಕಲಾಶ್ರೀ ಪುರಸ್ಕಾರನ್ ತೋಕೂರು ತಪೋವನ ನಿಟ್ಟೆ ಡಾ.ರಾಮಣ್ಣ ಶೆಟ್ಟಿ, ಆಂಗ್ಲ ಮಾಧ್ಯಮ ಶಾಲೆದ ಕಲ್ಪಾರ್ಥಿ ಸಿಂಚನ ಕಿನ್ನಿಗೋಳಿ ಬೊಕ್ಕ ಪಡುಪಣಂಬೂರು ಗ್ರಾ.ಪಂ.ನ ನಿಕಟ ಪೂರ್ವ ಕಾರ್ಯದರ್ಶಿ ಲೋಕನಾಥ ಭಂಡಾರಿ, ನಿವೃತ್ತ ಅಂಚೆ ಪಾಲಕೆರ್ ಶಂಕರ ಬಂಗೇರ ಕಾಪಿಕಾಡ್ ಮೊಕುಲೆಗ್ ಇಸೇಸ ಗೌರವ ಪುರಸ್ಕಾರದಡಿಟ್ಟ್ ಗೌರವಿಸಾಯೆರ್.
ಪ್ರತಿಭಾ ಪುರಸ್ಕಾರನ್ ಪ್ರತಿಭಾವಂತ ವಿದ್ಯಾರ್ಥಿಲಾಯಿನ ದೀಕ್ಷಾ ಆರ್, ಅಶ್ವಿತ್ ಜೆ. ಆಚಾರ್ಯ, ನಿಧಿ ಯು. ಕುಲಾಲ್, ದಿಶಾ ಬೊಕ್ಕ ಪೂಜಾ ಮೊಕಲೆಗ್ ಮಾನಾದಿಗೆ ಮಲ್ತೆರ್.
ದ. ಕ. ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ದ ಅಧ್ಯಕ್ಷೆರ್ ಹರೀಶ್ ಸುಲಾಯ ಒಡ್ಡಂಬೆಟ್ಟು ಗುರ್ಕಾರ್ಮೆನ್ ಒಯಿಸ್ ದಿತ್ತೆರ್.
ಈ ಪೊರ್ತುಡು ಸಮಾಜ ಸೇವಕಿ ಶಾಂಭವಿ ಶೆಟ್ಟಿ ನಿಡ್ಡೋಡಿ, ಮುಲ್ಕಿ ಬಂಟರ ಸಂಘದ ಅಧ್ಯಕ್ಷೆರ್ ಪುರುಷೋತ್ತಮ ಶೆಟ್ಟಿ ಕಿನ್ನಿಗೋಳಿ, ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಹರಿದಾಸ್ ಭಟ್, ಮುಲ್ಕಿ ಅರಮನೆತ್ತ ಗೌತಮ್ ಜೈನ್, ಮುಲ್ಕಿ ರೋಟರಿ ಕ್ಲಬ್ದ ಮಾಜಿ ಅಧ್ಯಕ್ಷೆರ್ ಶಿವರಾಮ್ ಜಿ. ಅಮೀನ್, ತೋಕೂರು ಸುಬ್ರಹ್ಮಣ್ಯ ಸೋಟ್ಸ್ ಕ್ಲಬ್ದ ಗೌರವಾಧ್ಯಕ್ಷೆರ್ ಮೋಹನ್ದಾಸ್, ಸ್ಪೋರ್ಟ್ಸ್ ಕ್ಲಬ್ದ ಮಹಿಳಾ ಕಾರ್ಯಕಾರಿ ಸಮಿತಿ ಅಧ್ಯಕ್ಷೆರ್ ಶೋಭಾ ವಿ. ಅಂಚನ್ ಇತ್ತೆರ್.
ಮುಲ್ಕಿ ತಾಲೂಕ್ ಚುಟುಕು ಸಾಹಿತ್ಯ ಪರಿಷತ್ದ ಪೊಸ ಅಧ್ಯಕ್ಷೆರ್ ನರೇಂದ್ರ ಕೆರೆಕಾಡು ಮೆರೆನ ಆಯ್ಕೆನ್ ಜಿಲ್ಲಾಧ್ಯೆಕ್ಷೆರ್ ಹರೀಶ್ ಸುಲಾಯ ಒಡ್ಡಂಬೆಟ್ಟು ಮೇರ್ ಘೋಷಣೆ ಮಲ್ತೆರ್.
ಬೊಕ್ಕ ಪೆರಿಯ ಕಬಿ ಉದಯಕುಮಾರ ಹಬ್ಬು ಮೆರೆನ ಗುರ್ಕಾರ್ಮೆಡ್ ಬಹುಭಾಷ ಕವಿಗೋಷ್ಟಿ ನಡತ್ಂಡ್. ಈ ಲೇಸ್ ಡ್ ಯಶೋಧರ ಕೋಟ್ಯಾನ್, ಜೊಸ್ಸಿ ಪಿಂಟೋ, ರೆನಿಶಾ ಡಿಸೋಜಾ ಕಟೀಲ್, ದಯಾಮಣಿ ಎಕ್ಕಾರ್, ಕೃಷ್ಣಾನಂದ ಶೆಟ್ಟಿ, ಪ್ರೇಮಾ ಆರ್. ಶೆಟ್ಟಿ, ರೇಖಾ ನಾರಾಯಣ್ ಸುರತ್ಕಲ್, ದಿಯಾ ಉದಯ್ ಡಿ.ಯು. ಕಬಿತೆ ಓದಿಯೆರ್.
ಗೀತಾ ಶೆಟ್ಟಿಗಾರ್ ಲೇಸ್ ಸುಧಾರಿಕೆ ಮಲ್ತೆರ್. ಯುಗಪುರುಷದ ಪ್ರಧಾನ ಸಂಪಾದಕೆರ್ ಕೆ.ಭುವನಾಭಿರಾಮ ಉಡುಪ ಪ್ರಸ್ತಾವನೆ ಮಲ್ತೆರ್. ಮುಲ್ಕಿ ತಾಲೂಕ್ ಚುಟುಕು ಸಾಹಿತ್ಯ ಪರಿಷತ್ದ ಅಧ್ಯಕ್ಷೆರ್ ನರೇಂದ್ರ ಕೆರೆಕಾಡ್ ಎದ್ಕೊನಿಯೆರ್. ತಮ್ಮನದ ಓಲೆನ್ ನೀಮಾ ಹಳೆಯಂಗಡಿ, ಸಂಪತ್ ದೇವಾಡಿಗ, ಸಂತೋಷ್ಕುಮಾರ್, ದೀಪಕ್ ಸುವರ್ಣ, ಜಗದೀಶ್ ಕುಲಾಲ್, ಸುರೇಖಾ, ಸುನಿಲ್ ದೇವಾಡಿಗ, ಗಣೇಶ್ ಆಚಾರ್ಯ, ಗಣೇಶ್ ದೇವಾಡಿಗ, ವಾಣಿ ಮಹೇಶ್, ಸುಜಾತಾ ಜಿ.ಕೆ. ಚಂದ್ರಹಾಸ ಸುವರ್ಣ, ತೋಕೂರು ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್ದ ಅಧ್ಯಕ್ಷೆರ್ ಸಂತೋಷ್ ದೇವಾಡಿಗ ಸೊಲ್ಮೆ ಸಂದಾಯೆರ್. ಕ್ಲಬ್ದ ಸಾಂಸ್ಕೃತಿಕ ಕಾರ್ಯದರ್ಶಿ ಪ್ರಶಾಂತ್ಕುಮಾರ್ ಬೇಕಲ್ ಬೊಕ್ಕ ಕ್ಲಬ್ದ ಕಾರ್ಯಾಧ್ಯಕ್ಷೆರ್ ಸುರೇಶ್ ಶೆಟ್ಟಿ ಲೇಸ್ ಸುಧಾರಿಕೆ ಮಲ್ತೆರ್.
*ಹಾಡೋಣ ಬನ್ನಿ ಪಂತೊಡು ಗೆಂದಿನಕುಲು:*
ಪ್ರಕಾಶ್ ಆಚಾರ್ಯ ಕಿನ್ನಿಗೋಳಿ ಮೆರೆಗ್ ಸುರುತ ಇನಾಮು. ಹರಿಪ್ರಸಾದ್ ಚೆಳ್ಯಾರು ಮೆರೆಗ್ ರಡ್ಡನೇ ಇನಾಮು, ತೇಜಶ್ರೀ ಪಿ. ಕುಡ್ಲ ಮೆರೆಗ್ ಮೂಜಿನೇ ಇನಾಮು, ಅಂಚೆನೆ ಸಮಾಧಾನಕರ ಇನಾಮು ಪ್ರಿಯಾ ಕೈಕಂಬ-ಪೆರಾರ, ಸುನಿಲ್ಕುಮಾರ್ ಅಂಬಲಪಾಡಿ, ತುಳಸಿ ಕಾಟಿಪಳ್ಳ, ಶ್ರೀಯಾ ಆದಿ ಒಡಿಪು, ಪ್ರಭಾವತಿ ನಾಯಕ್ ಹಿರಿಯಡ್ಕ ಬೊಕ್ಕ ಕಿಶನ್ಕುಮಾರ್ ಮಣ್ಣಗುಡ್ಡೆ(ಹಾಡಿನ ರಾಜ), ಅನನ್ಯ ನಾರಾಯಣ್ ಕುಡ್ಲ (ಹಾಡಿನ ರಾಣಿ) ಮೊಕುಲು ಪಡೆತೆರ್.
*ಕುಣಿಯೋಣ ಬನ್ನಿ ಪಂತೊಡು ಗೆಂದಿನಕುಲು:*
ಚಾರ್ವಿ ಎಸ್. ದೇವಾಡಿಗ ಮುಕ್ಕ ಮೆರೆಗ್ ಸುರುತ ಇನಾಮು, ವೈಭವಿ ವಿ.ಎಸ್. ಬೆಂಜನಪದವು, ಬಂಟ್ವಾಳ ಮೆರೆಗ್ ರಡ್ಡನೇ ಇನಾಮು, ಅಪೂರ್ವ ನಾಯ್ಕ್ ಕಾರ್ಲ ಮೆರೆಗ್ ಮೂಜಿನೇ ಇನಾಮು, ಬೊಕ್ಕ ಸಮಾಧಾನಕರ ಇನಾಮುನ್ ಚಾರ್ವಿ ವಿದ್ಯಾಧರ ಸುವರ್ಣ ನಿಡ್ಡೋಡಿ, ದೀಪ್ತಿ ಸಾಲ್ಯಾನ್ ಹೆಜ್ಮಾಡಿ, ಆರಾಧ್ಯ ರಾಜೇಶ್ ಪೂಜಾರಿ ಬೆದ್ರ, ಆಶಿಕಾ ಎಕ್ಕಾರ್, ಸೌಮ್ಯಶ್ರೀ ಕುಕ್ಕಟ್ಟೆ, ಕೊಲ್ಲೂರು ಬೊಕ್ಕ ಧನುಷ್ ಕಾಟಿಪಳ್ಳ (ನೃತ್ಯ ರಾಜ), ತನ್ವಿ ಇ. ಕೋಟ್ಯಾನ್ ಬೈಕಂಪಾಡಿ (ನೃತ್ಯ ರಾಣಿ) ಮೊಕುಲು ಪಡೆತೆರ್.
ಉತ್ತರಪ್ರದೇಶ: ಬಂಗಾರ್ ದ ಅಂಗಡಿರ್ದ್ 15 ಲಕ್ಷ ರೂ. ಬಿಲೆತ್ತ ಸೊತ್ತುಲೆನ್ ಕಂಡರೆ 10 ಅಡಿ ಉದ್ದದ ಮಾಟೆ (ಸುರಂಗ) ಕಲ್ವೆರ್ ತೋಡುದೆರ್.
ಈ ಘಟನೆ ಉತ್ತರ ಪ್ರದೇಶದ ಮೀರತ್ದ ಅಂಗಡಿಡ್ ನಡತ್ಂಡ್. ಕಲ್ವೆರ್ ಬಂಗಾರ್ ನ್ ಕಂಡ್ ದ್ ಬಲಿತ್ ದೆರ್. ಈ ಬಗೆಟ್ ಮಾಲೀಕೆರ್ ಪೊಲೀಸೆರೆಡ ತೆರಿಪಾದ್ ಈ ದೂರು ದಾಖಲ್ ಮಲ್ದೆರ್.
A ten feet long hole dug to rob gold!!
Uttar Pradesh: Burglars in Meerut dug a hole that was ten feet long and ran away with gold worth 15 lakh rupees from a shop !!
A complaint was registered with the police who found this hole while investigating into the matter.
ಡೆಲ್ಲಿ: ದಕ್ಷಿಣ ಮಧ್ಯ ರೈಲ್ವೆ ವಂದೇ ಭಾರತ್ ರೈಲ್ ದ ಮಿತ್ತ್ ಕಲ್ಲ್ ದಕ್ಕುನಂಚಿನ ಸಮಾಜ ವಿರೋಧಿ ಚಟುವಟಿಕೆಲು ನಡತೊಂದು ಉಂಡು. ಇಂಚಿನ ಘಟನೆ ನನ ನಡಪಂದಿಲೆಕ್ಕ ಸಾರ್ವಜನಿಕೆರೆಡ ಬಿನ್ನಾಪು ಮಲ್ದ್ಂಡ್.
ಜನಕುಲು ಇಂಚಿನ ಘಟನೆಡ್ ನನಲ ಮಲ್ತ್ಂಡ ಅಪರಾಧಿಲೆಗ್ 5 ವರ್ಷೊ ಮುಟ್ಟ ಜೈಲ್ ಶಿಕ್ಷೆನ್ ಕೊರ್ಪುನ ಸಾಧ್ಯತೆ ಉಂಡು ಪಂದ್ ಎಚ್ಚರಿಕೆ ಕೊರ್ತುಂಡು.
ಇಂಚಿಪ್ಪ ತೆಲಂಗಾಣದ ಮಸ್ತ್ ಕಡೆಟ್ಟ್ ವಂದೇ ಭಾರತ್ ರೈಲ್ ದ ಮಿತ್ತ್ ಕಲ್ಲ್ ದಕ್ಕುನ ಸುಮಾರ್ ನಿದರ್ಶನಲು ವರದಿ ಆಯಿನ ಬೊಕ್ಕ ಈ ಎಚ್ಚರಿಕೆನ್ ಕೊರ್ತುಂಡು. ಜನವರಿರ್ದ್ ಇಡೆ ಮುಟ್ಟ 9 ಘಟನೆ ಆತ್ಂಡ್.
Five years jail term for throwing stones at Vande Bharat trains!!
Delhi: Throwing stones on moving trains is increasing and people involved in these type of anti social activities will be severely punished.
Persons caught throwing stones at Vande Bharat trains will have to serve a jail term of five years.
Lately incidents like these have been reported from many places in Telengana.A warning to this effect has been issued.9 such incidents have been reported from January.
