March 1, 2023

ಎಪ್ರಿಲ್ 2: ತಲಪಾಡಿ ಕೇಸರಿ ಫ್ರೆಂಡ್ಸ್ ಮುತಾಲಿಕೆಡ್ ಕ್ರಿಕೆಟ್ ಪಂತೊ K.F.T ಟ್ರೋಫಿ-2023

ತಲಪಾಡಿ ಕೇಸರಿ ಫ್ರೆಂಡ್ಸ್ ಮುತಾಲಿಕೆಡ್ 7ತ ಅಂಡರ್ ಆರ್ಮ್ ಸೂಪರ್ ಸಿಕ್ಸ್ ಕ್ರಿಕೆಟ್ ಪಂತೊ K.F.T ಟ್ರೋಫಿ-2023 ಎಪ್ರಿಲ್ 2 ಕ್ಕ್ ಬೊಲ್ಪುಗು 8 ಗಂಟೆರ್ದ್ ತಲಪಾಡಿ ಈಡನ್ ಗಾರ್ಡನ್ ಮೈದಾನಡ್ ನಡಪರೆ ಉಂಡು.

ಈ ಪಂತೊಡು ಪಾಲ್ ಪಡೆಪುನಕ್ಲು 1 ಸಾರ ರೂ. ಶುಲ್ಕ ಕಟ್ಟೊಡು. ನೆಟ್ಟ್ ಗೆಂದಿನಕ್ಲೆಗ್ ಸುರುತ ಇನಾಮು 12,222 ಬೊಕ್ಕ KFT ಟ್ರೋಫಿ, ರಡ್ಡನೇ ಇನಾಮು 7777 ಬೊಕ್ಕ KFT ಟ್ರೋಫಿ ತಿಕ್ಕುಂಡು. ಅತ್ತಂದೆ ಎಡ್ಡೆ ಬ್ಯಾಟ್ಸ್‌ಮನ್, ಎಡ್ಡೆ ಬೌಲರ್, ಸರಣಿ ಶ್ರೇಷ್ಠ ಪಂದ್ ವೈಯಕ್ತಿಕ ಇನಾಮುಲ ಉಂಡು.

ಈ ಪಂತೊದ ನಿಯಮಲು: 1.ಕೂಟಲೆನ ನಡುಟ್ ಟೈ ಇತ್ತ್ಂಡ, ಬೊಕ್ಕ ಕಾಯಿನ್ ದಕ್ಕುನ ಮುಖೇನ ಗೆಂದಿನಿ ಏರ್ ಪಂದ್ ನಿರ್ಧಾರ ಮಲ್ಪರೆ ಆಪುಂಡು.
2. ಪ್ರತಿಯೊಂಜಿ ಪಂತೊ 2 ಓವರ್‌ ದ.
3.ಸಂಘಟಕೆರ್ ಬೊಕ್ಕ ಅಂಪೈರ್‌ಲೆನ ತೀರ್ಮಾನನೇ ಅಕೇರಿ.
4.ಕೂಟರ್ದ್ ಒವ್ವೇ ರೀತಿದ ಬೊರ್ಚಂದಿನ ವರ್ತನೆ ಅತ್ತಂದೆ ಬೊರ್ಚಂದಿನ ಅಭ್ಯಾಸ ತೂಜಿಂಡ ಸಂಘಟಕೆರ್ದ್ ಅನರ್ಹತೆಗ್ ಕಾರಣ ಆಪುಂಡು.

ಎಚ್ಚದ ಪೊಲಬುಗಾದ್ ಈ ನಂಬರ್ ನ್
7019022707, 9071880381, 9164887473, ಸಂಪರ್ಕ ಮಲ್ಪೊಲಿ ಪಂದ್ ತಲಪಾಡಿ ಕೇಸರಿ ಫ್ರೆಂಡ್ಸ್ ಸಂಘಟಕೆರ್ ತೆರಿಪಾದೆರ್.

21 ವರ್ಷದ ಬೊಕ್ಕ 5 ಕೋಟಿ ರೂ.ಕರ್ಚಿಡ್ ಕೊಲ್ಲೂರು ಮೂಕಾಂಬಿಕೆಗ್ ಬ್ರಹ್ಮಕಲಶ

ಒಡಿಪು : ಕೊಲ್ಲೂರ್ ಶ್ರೀ ಮೂಕಾಂಬಿಕಾ ದೇವಿಗ್ 21 ವರ್ಷದ ಬೊಕ್ಕ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ನಡಪರೆ ಉಂಡು.

ಇತ್ತೆ ನೆಕ್ಕ್ ಅಗತ್ಯ ಇಪ್ಪುನ ಸಿದ್ದತೆ ಸುರು ಆತ್ಂಡ್. ಶಾಸ್ತ್ರ ಪ್ರಕಾರ ಪ್ರತಿ 12 ವರ್ಷಗೊರ ಅಷ್ಟಬಂಧ ನಡಪಾವೊಡು ಪಂದ್ ಉಂಡು.‌ ಆಂಡ ಅನಿವಾರ್ಯ ಕಾರಣರ್ದ್ ಕರಿನ 21 ವರ್ಷೊರ್ದಿಂಚ ದೇವಲ್ಯಡ್ ಬ್ರಹ್ಮಕಲಶ ನಡತ್ ದ್ ಇತ್ತಿಜಿ. ಆಂಡ ಅಯಿಕ್ಕ್ ಇತ್ತೆ ಕಾಲ ಕೂಡ್ ದ್ ಬೈದ್ಂಡ್. ಮುಲ್ಪ ಎಪ್ರಿಲ್ 30 ರ್ದ್ ಮೇ11 ಮುಟ್ಟ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಗೌಜಿಡ್ ನಡಪರೆ ಉಂಡು‌. ನೆಕ್ಕ್ ಸುಮಾರ್ 5 ಕೋಟಿ ರೂ. ಆಪುಂಡು ಪಂದ್ ಅಂದಾಜ್ ಮಲ್ಪೆರೆ ಆತ್ಂಡ್. ದೇವಲ್ಯರ್ದ್ 2 ಕೋಟಿ ಗಲಸೊಂದು, ಬೊಕ್ಕದ 3 ಕೋಟಿನ್ ಭಕ್ತೆರೆರ್ದ್ ಸಂಗ್ರಹ ಮಲ್ತ್ ದ್ ಖರ್ಚಿ ಮಲ್ಪರೆ ಸರ್ಕಾರ ಅನುಮತಿ ಕೊರ್ತುಡು ಪಂದ್ ತೆರಿದ್ ಬೈದ್ಂಡ್.

ಮಲೆ ಮಹದೇಶ್ವರ ಬೆಟ್ಟರ್ದ್ ‘BJP ವಿಜಯ ಸಂಕಲ್ಪ ಯಾತ್ರೆ’ದ ಉದಿಪನ

ಚಾಮರಾಜನಗರ: ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷೆರ್ ಜೆ.ಪಿ. ನಡ್ಡಾ ರಾಜ್ಯಗ್ ಭೇಟಿ ಕೊರ್ದು, ಪಕ್ಷದ ಚುನಾವಣಾ ಪ್ರಚಾರ ಅಭಿಯಾನ ವಿಜಯ ಸಂಕಲ್ಪ ಯಾತ್ರೆದ ಗಾಡಿನ್ ಜಿಲ್ಲೆದ ಮಲೆ ಮಹದೇಶ್ವರ ಬೆಟ್ಟರ್ದ್ ಉದಿಪನ ಮಲ್ತೆರ್.

ಹನೂರು ತಾಲೂಕ್ ದ ಮಲೆಮಹದೇಶ್ವರ ದೇವಲ್ಯಡ್ ಇಸೇಸ ಪೂಜೆ ಸಂದಾಯಿನ ಮೇರ್, ಬೊಕ್ಕ ವಿಜಯ ಸಂಕಲ್ಪ ರಥ ಯಾತ್ರೆಗ್ ಚಾಲನೆ ಕೊರಿಯೆರ್.

ಈ ಪೊರ್ತುಡು ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಮಾಜಿ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ, ಕೇಂದ್ರ ಕೃಷಿ ಸಚಿವೆ ಶೋಭಾ ಕರಂದ್ಲಾಜೆ, ಮಾಜಿ ಸಚಿವೆರ್ ಕೆ.ಎಸ್. ಈಶ್ವರಪ್ಪ, ರಾಜ್ಯಸಭಾ ಸದಸ್ಯೆರ್ ಜಗ್ಗೇಶ್ ಇತ್ತೆರ್.

A delegation of Federation of Hotels and Restaurants Association, Maharashtra requested to reduce the 15% Excise duty ಮಹಾರಾಷ್ಟ್ರಡ್ ಅಬಕಾರಿ ಸುಂಕ ಕಮ್ಮಿ ಮಲ್ಪರೆ ಫೆಡರೇಶನ್ ಆಫ್ ಹೋಟೆಲ್ಸ್ , ರೆಸ್ಟೊರೆಂಟ್ ಅಸೋಸಿಯೇಶನ್ಸ್ ರ್ದ್ ಮುಖ್ಯಮಂತ್ರಿಲೆಗ್ ಬಿನ್ನಾಪು

ಬೊಂಬೈ: ಮಹಾರಾಷ್ಟ್ರಡ್ ಹೋಟೆಲ್ ಬೊಕ್ಕ ಬಾರ್ ಆ್ಯಂಡ್ ರೆಸ್ಟೋರೆಂಟ್ ದ ಮಿತ್ತ್ ಸರ್ಕಾರ ಪಾಡ್ದಿನ ಶೇ.15ದಾತ್ ಅಬಕಾರಿ ಸುಂಕ ಕಮ್ಮಿ ಮಲ್ಪರೆ ಫೆಡರೇಶನ್ ಆಫ್ ಹೊಟೇಲ್ಸ್ ಬೊಕ್ಕ ರೆಸ್ಟೋರೆಂಟ್ ಅಸೋಸಿಯೇಶನ್ ನಿಯೋಗ ವಿರಾರ್ ಶಂಕರ್ ಶೆಟ್ಟಿ ಮೆರೆನ ಮುತಾಲಿಕೆಡ್, ಮೀರಾ ಭಯಂಧರ್ ಶಾಸಕಿ ಗೀತಾ ಜೈನ್ ಆರೆನ ದುಂಬಾತ್ತಿಗೆಡ್ ಫೆ.28 ಕ್ ಮಹಾರಾಷ್ಟ್ರ ಮುಖ್ಯಮಂತ್ರಿ ಏಕನಾಥ್ ಶಿಂಧೆ ಮೆರೆನ್ ಭೇಟಿ ಮಲ್ತ್ ದ್ ಬಿನ್ನಾಪುನ್ ಸಂದಾಯೆರ್.

ಕೊರೊನಾರ್ದ್ ಮುರ್ಕುದು ಪೋಯಿನ ಹೊಟೇಲ್ ಉದ್ಯಮ ಒಂತೆ ಸರಿ ಆವೊಂದು ಬರ್ಪಿನ ಪೊರ್ತುಡೇ ಸುಂಕ ಎಚ್ಚ ಆಯಿನವು ಉದ್ಯಮಗ್ ಮಲ್ಲ ಪೆಟ್ಟ್ ಬೂರುಲೆಕ್ಕ ಆತ್ಂಡ್. ಅತ್ತಂದೆ ಸರ್ಕಾರಿ ನಿಯಮದಂಚೆನೆ ಕ್ರಮಬದ್ದವಾದ್ ಉದ್ಯಮ ದುಂಬರಿತೊಂದುಂಡು. ಮಸ್ತ್ ಸಂಕಷ್ಟಡ್ ಉಪ್ಪುನ ಉದ್ಯಮಗ್ ಅಬಕಾರಿ ಸುಂಕ ಎಚ್ಚ ಆಯಿನೆರ್ದಾವರ ಭಾರಿ ನಷ್ಟ ಆವೊಂದುಂಡು ಪಂದ್ ನಿಯೋಗ ಮುಖ್ಯಮಂತ್ರಿಗ್ ಮನವರಿಕೆ ಮಲ್ತೆರ್. ನಿಯೋಗದ ಬಿನ್ನಾಪುನು ಸ್ವೀಕಾರ ಮಲ್ತಿನ ಮುಖ್ಯಮಂತ್ರಿ ಲು ನಿಯೋಗದೊಟ್ಟಿಗೆ ಚರ್ಚೆ ಮಲ್ತೆರ್. ಹೋಟೆಲ್ ಉದ್ಯಮದ ಸಂಕಷ್ಟಲೆನ್ ತೆರಿದ್ ಮುಖ್ಯಮಂತ್ರಿ ಸರಕಾರದ ಅಬಕಾರಿ ಮಂತ್ರಿ ಶಂಭುರಾಜ್ ದೇಸಾಯಿ ಆರೆಡ ಪಾತೆರ್ದ್ ಎಚ್ಚ ಮಲ್ದಿನ ಸುಂಕ ಕಮ್ಮಿ ಮಲ್ಪರೆ ಕೂಡ್ಲೆ ಕ್ರಮ ದೆತೊನೊಡು ಪಂದ್ ಪಂಡೆರ್. ಬೊಕ್ಕ ಅಬಕಾರಿ ಸುಂಕದ ಎಚ್ಚನ್ ಶೇ.5 ರ್ದ್ 10 ದಾತ್ ಕಮ್ಮಿ ಮಲ್ಪುನ ಭರವಸೆನ್ ನಿಯೋಗಗ್ ಕೊರ್ತೆರ್. ಉಂದುವೇ ಪೊರ್ತುಡು‌ ಅಲ್ಪಲ್ಪ ಸುರುವಾಪಿನ ಡಾಬಾಲೆರ್ದ್ ಆಪಿನ ತೊಂದರೆದ ಬಗೆಟ್ಟ್ ನಿಯೋಗ ಮುಖ್ಯಮಂತ್ರಿ ಆರೆನ ಗಮನಗ್ ಕನಯೆರೆ ಆಂಡ್. ಈ ಬಗೆಟ್ ಸರಿಯಾಯಿನ ಕ್ರಮ ದೆತೊನೊಡು ಪಂದ್ ತೆರಿಪಾದೆರ್. ಈ ಪೊರ್ತುಡು ನಿಯೋಗಡ್ ಫೆಡರೇಶನ್ ಪ್ರಧಾನ ಕಾರ್ಯದರ್ಶಿ ದುರ್ಗಾಪ್ರಸಾದ್ ಸಾಲ್ಯಾನ್, ಉಪಾಧ್ಯಕ್ಷೆರ್ ಶ್ಯಾಮ್ ಯನ್ ಶೆಟ್ಟಿ, ದಯಾನಂದ ಎಸ್ ಶೆಟ್ಟಿ, ಸುರೇಂದ್ರ ರೈ, ಜತೆ ಕಾರ್ಯದರ್ಶಿ ಭಾಸ್ಕರ್ ಶೆಟ್ಟಿ, ಕಲ್ಯಾಣ ಹೊಟೇಲ್ ಎಸೋಸಿಯೇಶನ್ ದ ಅಧ್ಯಕ್ಷೆರ್ ಪ್ರವೀಣ್ ಕುಮಾರ್ ಶೆಟ್ಟಿ, ಕಾರ್ಯದರ್ಶಿ ರಾಕೇಶ್ ಶೆಟ್ಟಿ, ಜತೆ ಕಾರ್ಯದರ್ಶಿ ಬಾಬು ಶೆಟ್ಟಿ, ಫೆಡರೇಶನ್ ದ ಸಲಹೆಗಾರೆರ್ ಕಳತ್ತೂರು ವಿಶ್ವನಾಥ ಶೆಟ್ಟಿ, ಮೀರಾಭಯಂದರ್ ಹೊಟೇಲ್ ಎಸೋಸಿಯೇಶನ್ ಅಧ್ಯಕ್ಷೆರ್ ಮಧುಕರ್ ಶೆಟ್ಟಿ ಇತ್ತೆರ್.

A delegation of Federation of Hotels and Restaurants Association, Maharashtra requested to reduce the 15% Excise duty

An increase in 15% in excise duty for the year 2023-24 has been levied by the Maharashtra government.
An appeal to reduce the same was rendered to the Maharashtra CM Eknath Shinde by the Federation of Hotels and Restaurants Association under the leadership of Virar Shankar Shetty and Mira Bhayandyar MLA Geeta Jain in February 28 th.

” Tulu Paterga, Tulu Oripaga” – 10 th annual fest at Dubai Invite release of Tulunadu festival “ತುಳು ಪಾತೆರ್ ಗ ತುಳು ಒರಿಪಾಗ” ದುಬೈ ನೆತ್ತ 10ನೇ ವರ್ಷದ ಗೌಜಿ ಗಮ್ಮತ್ತ್ ತುಳುನಾಡ ಗೊಬ್ಬುದ ಲೇಸ್ ದ ಲೆಪ್ಪೋಲೆ ಬುಡುಗಡೆ

ದುಬೈ: “ತುಳು ಪಾತೆರ್ ಗ ತುಳು ಒರಿಪಾಗ” ದುಬೈ ನೆತ್ತ 10ನೇ ವರ್ಷದ ಗೌಜಿ ಗಮ್ಮತ್ತ್ ತುಳುನಾಡ ಗೊಬ್ಬುದ ಲೇಸ್ ದ ಲೆಪ್ಪೋಲೆ ಬುಡುಗಡೆ ಲೇಸ್ ದುಬೈ ಕರಮದ ಝಾಬೀಲ್ ಪಾರ್ಕ್ ಡ್ ಗೌಜಿಡ್ ನಡತ್ಂಡ್.

ಕೂಟದ ಪೆರಿಯ ಸದಸ್ಯೆರಾಯಿನ ಪ್ರಭಾಕರ ಶೆಟ್ಟಿ, ನೋವನ್ ಡಿ ಅಲ್ಮೇಡ, ಅಜ್ಮಲ್ ದುಬೈ, ಸತೀಶ್ ಉಳ್ಳಾಲ್, ಸಂದೀಪ್ ಕೋಟ್ಯಾನ್, ಅದ್ಯಶಾರದ ಪ್ರೇಮ್ ಜಿತ್ ಮೊಕುಲು ಲೆಪ್ಪೋಲೆ ಬುಡುಗಡೆ ಮಲ್ತ್ ದ್ ಲೇಸ್ ಗ್ ಎಡ್ಡೆಪ್ಪು ಬಯಕಿಯೆರ್. ಮಾರ್ಚ್ 12ಕ್ ದುಬೈ ಕರಮದ ಝಾಬೀಲ್ ಪಾರ್ಕ್ ಡ್ ಬೊಲ್ಪುಗು 9:30 ರ್ದ್ ಬಯ್ಯ 6 ಗಂಟೆ ಮುಟ್ಟ ನಡಪರೆ ಇಪ್ಪುನ ತುಳುನಾಡ್ ದ ಗೊಬ್ಬುಲಾಯಿನ ಬಲ್ಲ್ ಒಯಿಪರೆ, ಲಗೋರಿ, ಕಬಡಿ, ಸೈಕಲ್ ಚಕ್ರ ಗಿಡಪರೆ ಇಂಚ ಬೇತೆ ಬೇತೆ ಗೊಬ್ಬುಲು ಬೊಕ್ಕ 10 ಜನ ಸಾಧಕೆರೆಗ್ ತಮ್ಮನ ಲೇಸ್ ನಡಪರೆ ಉಂಡು. ದುಬೈದ ತುಳುವೆರ್ ಈ ಲೇಸ್ ಡ್ ಪಾಲ್ ಪಡೆದ್ ಪೊರ್ಲು ಮಲ್ತ್ ದ್ ಕೊರೊಡು ಕೂಟದ ಪ್ರಧಾನ ಕಾರ್ಯದರ್ಶಿ ರಿತೇಶ್ ಅಂಚನ್ ಬಿನ್ನಾಪು ಮಲ್ತ್ ದ್, ಲೇಸ್ ದ ಸುಧಾರಿಕೆ ಮಲ್ತ್ ದ್, ಸೊಲ್ಮೆ ಸಂದಾಯೆರ್. ಈ ಪೊರ್ತುಡು ಕೂಟದ ಸದಸ್ಯೆರಾಯಿನ ಸತೀಶ್ ಪೂಜಾರಿ, ಕವಿರಾಜ್, ದೀಪಕ್ ಸನಿಲ್, ಮನೋಜ್ ಕುಲಾಲ್, ಶೋಭಿತ ಪ್ರೇಮ್ ಜಿತ್, ಚೇತನ್ ಕುಲಾಲ್, ಅಕ್ಷಯ್ ಕುಲಾಲ್, ಪ್ರೇಮಶ್ರೀ, ವಿಜೇಶ್, ಸುಧೀರ್ ನೀರ್ ಮಾರ್ಗ, ಪ್ರಕಾಶ್ ಭಟ್, ಆದರ್ಶ್ ಪೂಜಾರಿ ಇತ್ತೆರ್.

” Tulu Paterga, Tulu Oripaga” – 10 th annual fest at Dubai Invite release of Tulunadu festival

Dubai: A Tulunadu festival has been arranged in Dubai on the 12 th of March ; aptly named ” Tulu Paterga Tulu Oripaga” will be a day of traditional sports of Tulunadu with cultural programme and honouring of 10 achievers in various fields at the end of the program. An invite for the same was released.

An elderly man dies after a charging mobile nearby bursts ಚಾರ್ಜ್ ಗ್ ದೀತಿನ ಮೊಬೈಲ್ ಪುಡಾದ್ ತೀರ್ ಪೋಯೆರ್ ಅಜ್ಜೆರ್!

ಮಧ್ಯಪ್ರದೇಶ: ಮೊಬೈಲ್ ಚಾರ್ಜ್ ಗ್ ಪಾಡ್ದ್ ಪಾತೆರೊಂದು ಇಪ್ಪುನಗ ಮೊಬೈಲ್ ಪುಡಾದ್ ಅಪಗನೆ ಅಜ್ಜೆರ್ ಒರಿ ತೀರ್ ಪೋಯಿನ ಘಟನೆ ಉಜ್ಜಯಿನಿರ್ದ್ 40 ಕಿಮೀ ದೂರಡ್ ಇಪ್ಪುನ ಬದ್ ನಗರಡ್ ನಡತ್ಂಡ್.

ದಯಾರಾಮ್ ಬಾರೋಡ (68) ತೀರ್ ಪೋಯಿನಾರ್. ಮೇರ್ ಇಲ್ಲಲ್ ಮೊಬೈಲ್ ಚಾರ್ಜ್ ಆವೊಂದು ಇತ್ತಿನ ಫೋನ್ ಡ್ ಪಾತೆರ್ನಗ ಮೊಬೈಲ್ ಪುಡಾದ್ಂಡ್. ನೆರ್ದಾವರ ಮೆರೆನ ತರೆರ್ದ್ ತಿಗಲೆ ಮುಟ್ಟ ಜೂವ ಚಿಪ್ಪುಡ್ ಚೀರ್ ಆತ್ಂಡ್. ಸ್ವಿಚ್ ಬೋರ್ಡ್ ಲ ಪೊತ್ ದ್ಂಡ್.

Youth dies of heart attack while playing badminton ಬ್ಯಾಡ್ಮಿಂಟನ್ ಗೊಬ್ಬೊಂದು ಇಪ್ಪುನಗ ತಿಗಲೆ ಬೇನೆಡ್ ತೀರ್ ಪೋಯಿನ ಜವನೆ

ಹೈದರಾಬಾದ್: ಜವನೆಯೊರಿ ಬ್ಯಾಡ್ಮಿಂಟನ್ ಗೊಬ್ಬೊಂದು ಇಪ್ಪುನ ಪೊರ್ತುಡು ತಿಗಲೆ ಬೇನೆ ಬತ್ತ್ ದ್ ತೀರ್ ಪೋಯಿನ ಘಟನೆ ಹೈದರಾಬಾದ್‌ಡ್ ನಡತ್ಂಡ್.

ಶ್ಯಾಮ್ ಯಾದವ್ ತೀರ್ ಪೋಯಿನಾರ್. ಮೇರ್ ಹೈದರಾಬಾದ್‌ದ ಲಾಲಾಪೇಟ್‌ ಡ್ ಇಪ್ಪುನ ಪ್ರೊ. ಜಯಶಂಕರ್ ಇನ್ ಡೋರ್ ಕ್ರೀಡಾಂಗಣಡ್ ಅಂಗಾರೆ ದೋಸ್ತಿಲೆನೊಟ್ಟಿಗೆ ಬ್ಯಾಡ್ಮಿಂಟನ್ ಗೊಬ್ಬೊಂದು ಇಪ್ಪುನಗ ದಮ್ ಕಟ್ಟ್ ದ್ ಬೂರ್ದೆರ್. ಮೆರೆನ್ ಕೂಡ್ಲೆ ಆಸ್ಪತ್ರೆಗ್ ಲೆತೊಂದು ಪೋಯೆರ್. ಆಂಡ ಆ ಪೊರ್ತುಡು ಆರ್ ತೀರ್ ಪೋದಿತ್ತೆರ್ ಪಂದ್ ತೆರಿದ್ ಬೈದ್ಂಡ್.

Chittaranjan Shetty appointed as president of DK district INTUC ದ.ಕ. ಜಿಲ್ಲಾ ಇಂಟಕ್ ಅಧ್ಯಕ್ಷೆರಾದ್ ಚಿತ್ತರಂಜನ್ ಶೆಟ್ಟಿ ನೇಮಕ

ಅಖಿಲ ಭಾರತ ಕಾಂಗ್ರೆಸ್ ಸಮಿತಿದ ಇಂಟಕ್ ವಿಭಾಗದ ಅಧ್ಯಕ್ಷೆರ್ ಡಾ.ಜಿ. ಸಂಜೀವ್ ರೆಡ್ಡಿ ಮೆರೆನ ಆದೇಶದಂಚನೆ, ರಾಷ್ಟ್ರೀಯ ಇಂಟಕ್ ವರಿಷ್ಠೆರಾಯಿನ ಎನ್.ಎಂ. ಅಡ್ಯಂತಾಯ ಮೆರೆನ ಶಿಫಾರಸ್ಸ್ ಡ್, ಕೆಪಿಸಿಸಿ ಅಧ್ಯಕ್ಷೆರ್ ಡಿ.ಕೆ. ಶಿವಕುಮಾರ್ ಬೊಕ್ಕ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷೆರ್ ಕೆ.ಹರೀಶ್ ಕುಮಾರ್ ಮೊಕ್ಲೆನ ಅನುಮತಿಡ್ ದ.ಕ. ಜಿಲ್ಲಾ ಇಂಟಕ್ ವಿಭಾಗದ ಅಧ್ಯಕ್ಷೆರಾದ್ ಚಿತ್ತರಂಜನ್ ಶೆಟ್ಟಿ ಮೆರೆನ್ ನೇಮಕ ಮಲ್ದೆರ್.

ಮೇರ್ ನೇರ್ದ್ ದುಂಬು ಬಂಟ್ವಾಳ ವಿಧಾನಸಭಾ ಕ್ಷೇತ್ರದ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ, ಜಿಲ್ಲಾ ಸೇವಾದಳದ ಕಾರ್ಯದರ್ಶಿ, ಬಂಟ್ವಾಳ ಇಂಟಕ್ ಕಾರ್ಯದರ್ಶಿ, ಜಿಲ್ಲಾ ಇಂಟಕ್ ಪ್ರಧಾನ ಕಾರ್ಯದರ್ಶಿ, ಕೆಪಿಸಿಸಿ ಸಂಯೋಜಕೆರಾದ್ ಸೇವೆ ಸಂದಾದೆರ್.

Chittaranjan Shetty appointed as president of DK district INTUC

On the order of Dr C Sanjeev Reddy president of All India Congress Samithi INTUC unit and proposed by SM Adyantaya; Chittaranjan Shetty has been appointed as president of DK district Indian National Trade Union Congress.

Kasargod: Alleged house burglar arrested ಕಾಸ್ರೋಡು: ಇಲ್ಲ್ ಲೆಗ್ ಪೊಗ್ಗುದು ಬಂಗಾರ್ ಕಂಡೊಂದು ಇತ್ತಿನ ಆರೋಪಿ ಅರೆಸ್ಟ್

ಕಾಸ್ರೋಡು: ಚಿಮೇನಿ ಪೊಲೀಸ್ ಠಾಣಾ ವ್ಯಾಪ್ತಿದ ಕಯ್ಯೂರು ಆಲಂತಟ್ಟಡ್ ಪಗೆಲ್ ಡೇ ಇಲ್ಲ್ ಲೆಗ್ ಬೀಗ ಪುಡಾತ್ ದ್ ಬಂಗಾರ್ ಬೊಕ್ಕ ಕಾಸ್ ಕಂಡೊಂದು ಇತ್ತಿನ ಕೇಸ್ ಡ್ ಆರೋಪಿನ್ ಅರೆಸ್ಟ್ ಮಲ್ದೆರ್.

ಕಾಞ೦ಗಾಡ್ ರೈಲ್ವೇ ಪರಿಸರದ ಪಿ. ಎಚ್. ಆಶಿಫ್(21) ಅರೆಸ್ಟ್ ಆಯಿನ ಆರೋಪಿ. ಈ ಬಗೆಟ್ ಚಿಮೇನಿ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆದಿತ್ತ್ಂಡ್.

Enterpreneur from Bailhongal Ramesh Raju Shetty honoured in Dubai ಬೈಲಹೊಂಗಲದ ಉದ್ಯಮಿ ರಮೇಶ್ ರಾಜು ಶೆಟ್ರೆಗ್ ದುಬೈಡ್ ತಮ್ಮನ

ಯುಎಇ: ಸಾಮಾನ್ಯವಾದ್ ಜೋಕುಲು ಬೇಲೆ ತಿಕ್ ದ್ ಎಡ್ಡೆ ಮಟ್ಟಡ್ ಇಪ್ಪೊಡು ಪನ್ಪುನವು ಮಾತ ಪೊಪ್ಪ ಅಮ್ಮನ ಬಯಕೆ.

ಅನಿವಾಸಿ ಭಾರತೀಯೆರೆಗ್ ಪೊಪ್ಪ ಅಮ್ಮ ಕುಟುಂಬ ಬಂಧು ಮಿತ್ರೆರ್ನೊಟ್ಟಿಗೆ ಇಪ್ಪರೆ ಸಮಯ ತಿಕ್ಕುನೆನೇ ಕಮ್ಮಿ. ಅಂಚ ಪಂದ್ ಜೋಕುಲೆನ್ ತೂವರೆ-ಕುಲ್ಲೆರೆ ಸ್ವತಃ ಪೊಪ್ಪ ಅಮ್ಮನೇ ಪಿದತಿ ದೇಶೊಗ್ ಪೋದು ಬರ್ಪುನ ಉಂಡು. ಅಂಚಿನ ಒಂಜಿ ಪೊರ್ತುಡು ಅವಿಸ್ಮರಣೀಯ ಆಯಿನ ವಿಶಿಷ್ಟ ಲೇಸ್ ಇಂಚೊಗು ಬರ್ ದುಬೈಡ್ ನಡತ್ಂಡ್.

ಮಗಲೆನ್ ತೂವರೆ ಊರುರ್ದು ಬತ್ತಿನ ಪೊಪ್ಪ ಈ ಸಂಸಾರದ ಬೊಕ್ಕ ನಾಡ್ ದ ಪೊರ್ಲು ತೂದು ಮೈ ಮದಪುನೆತೊಟ್ಟಿಗೆ ತನ್ನ ಪೊಪ್ಪಗ್ ಗೊತ್ತಿಜ್ಜಂದಿಲೆಕ್ಕ ಬಂಧು ಮಿತ್ರೆರೆನ್ ಒಂಜಿ ಕಡೆ ಸೇರ್ಸಾದ್ ತಮ್ಮನದ ಅಟ್ಟಣೆ ಮಲ್ತಿನ ಇಸೇಸ ಲೇಸ್ ಒಂಜಿ ಇಂಚಿಪ್ಪ ನಡತ್ಂಡ್.

ಪೇಂಟೆದ ಬರ್ ದುಬೈಡ್ ಇಪ್ಪುನ ಅಶ್ವಿನಿ ಪುರಂದರ ಶೆಟ್ಟಿ ಮೇರ್ ತನ್ನ ಏಳಿಗೆಗ್ ಕಾರಣ ಆಯಿನ ಪೊಪ್ಪಗ್ ಗೊತ್ತಿಜ್ಜಂದಿಲೆಕ್ಕ ಒಂಜಿ ಗೌರವಾರ್ಪಣೆ ಮಲ್ಪುನ ಲೇಸ್ ಡ್ ಸುಮಾರ್ ಜನ ಬಂಧುಲು ಸೇರ್ದ್ ಸಾಕ್ಷಿ ಆಯೆರ್.

ಕರಿನ 34 ವರ್ಷೊರ್ದಿಂಚ ಬೆಳಗಾವಿ ಜಿಲ್ಲೆದ ಬೈಲಹೊಂಗಲ ತಾಲೂಕ್ ಡ್ ಅಶ್ವಿನಿ ಟಿ. ಬಾರ್ ಪನ್ಪುನ ಹೋಟೆಲ್ ಉದ್ಯಮನ್ ಮಲ್ತೊಂದು ಬರೊಂದು ಇಪ್ಪುನ ರಮೇಶ್ ರಾಜು ಶೆಟ್ಟಿ ಬೊಕ್ಕ ಶಕುಂತಲಾ ರಮೇಶ್ ಶೆಟ್ಟಿ ಮೇರ್ ಇಂಚಿಪ್ಪ ಪೇಂಟೆದ ಬರ್ ದುಬೈಡ್ ಇಪ್ಪುನ ಮಗಲ್ ಅಶ್ವಿನಿ ಪುರಂದರ ಶೆಟ್ಟಿ ಬೊಕ್ಕ ಮರ್ಮಾಯೆ ಪುರಂದರ ಶೆಟ್ರ್ ಮೆರೆನ ಇಲ್ಲಡ್ ಕುಲ್ಲಿಯೆರ್.

ಈ ಪೊರ್ತುಡು ಪೊಯ್ಯೆದ ರಾಸಿದ ಪ್ರೇಕ್ಷಣೀಯ ಜಾಗೆಡ್ ತೂಯಿನ ಬೊಕ್ಕ ಸ್ವತಃ ಮಗಲ್ ಅಶ್ವಿನಿ ಮೇರ್ ದುಬೈಡ್ ಇಪ್ಪುನ ಸುಮಾರ್ ಸಹೃದಯೆರೆನ್ ಇಲ್ಲಗ್ ಲೆತ್ ದ್, ಪೊಪ್ಪಗ್ ಗೌರವ ತಮ್ಮನ ಮಲ್ತೆರ್. ಈ ಪೊರ್ತುಡು ಯುಎಇ ಬಂಟ್ಸ್ ಸಂಘದ ಅಧ್ಯಕ್ಷೆರ್, ಸಾಮಾಜಿಕ, ಧಾರ್ಮಿಕ, ಸಾಂಸ್ಕೃತಿಕ, ಸಂಘಟಕ ಸರ್ವೋತ್ತಮ ಶೆಟ್ಟಿ, ಯಕ್ಷಗಾನ ಅಭ್ಯಾಸ ಕೇಂದ್ರ ಯುಎಇದ ಅಧ್ಯಕ್ಷೆರ್ ದಿನೇಶ್ ಶೆಟ್ಟಿ ಕೊಟ್ಟಿಂಜ, ಯಕ್ಷಗಾನ ಗುರು ಶೇಖರ ಶೆಟ್ಟಿಗಾರ್, ಯಕ್ಷಗಾನ ಅಭ್ಯಾಸ ಕೇಂದ್ರ ಯುಎಇದ ಸದಸ್ಯೆರ್ ರವೀಂದ್ರ ಶೆಟ್ಟಿ (Toyota Al- Futtaim motors Corporate Sales Manager), ಅಕ್ಷತ ರವೀಂದ್ರ ಶೆಟ್ಟಿ, ಸಾಯಿನಾಥ್ ಶೆಟ್ಟಿ, ಪ್ರತಿಮಾ ಸಾಯಿನಾಥ್ ಶೆಟ್ಟಿ ಇತ್ತೆರ್.

ಕಾರ್ಪೋರೇಟ್ ಸೆಲ್ಸ್ ಮೇನೇಜರ್ ರವೀಂದ್ರ ಶೆಟ್ಟಿ ಪರಿಚಯ ಮಲ್ತೆರ್. ಅನ್ವಿ ರವಿ ಶೆಟ್ಟಿ ಸುರುಕು ನೃತ್ಯ ಮಲ್ಪುನ ಮುಖೇನ ಲೇಸ್ ದ ಉದಿಪನ ಮಲ್ತೆರ್. ನವೊಮಿ ಸಾಯಿನಾಥ್ ಶೆಟ್ಟಿ ಬೊಕ್ಕ ಆಶ್ವಿನಿ ಶೆಟ್ಟಿ ಮೊಕ್ಲೆರ್ದ್ ಜಾನಪದ ನೃತ್ಯ ನಡತ್ಂಡ್. ಹೋಟೆಲ್ ಉದ್ಯಮಿ ರಮೇಶ್ ರಾಜು ಶೆಟ್ಟಿ ಬೊಕ್ಕ ಶಕುಂತಲಾ ರಮೇಶ್ ಶೆಟ್ಟಿ ಮೊಕ್ಲೆನ ಪೆರಿಯ ಮಗೆ ಡಾ.ಅಕ್ಷಯ್ ಶೆಟ್ಟಿ, ಮರ್ಮಾಲ್ ಸ್ವಾತಿ ಅಕ್ಷಯ್ ಶೆಟ್ಟಿ, ಮಗಲ್ ಆಶ್ವಿನಿ ಪುರಂದರ ಶೆಟ್ಟಿ, ಮಾರ್ಮಾಯೆ ಪುರಂದರ ಶೆಟ್ಟಿ, ಪುಲ್ಲಿ ಜಯ್ ಪುರಂದರ ಶೆಟ್ಟಿ, ಎಲ್ಯ ಮಗೆ ಅಮೃತ್ ಶೆಟ್ಟಿ ನೊಟ್ಟಿಗೆ ಸಂತೃಪ್ತ ಸಂಸಾರಡ್ ಉಲ್ಲೆರ್.

ವರದಿ: ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)