March 25, 2023

Heavy rains likely in the state in the next three days!! ಇನಿರ್ದ್ ಮೂಜಿ ದಿನ ರಾಜ್ಯಡ್ ಭಾರೀ ಬರ್ಸ ಬರ್ಪುನ ಅಂದಾಜಿ

ಭಾರೀ ದೊಂಬುದ ನಡುಟ್ಲಾ ರಾಜ್ಯಡ್ ಇನಿರ್ದ್ ಮೂಜಿ ದಿನ (ಮಾ.27) ಮುಟ್ಟ ತೆಡಿಲ್ ಬರ್ಸ ಬರ್ಪುನ ಅಂದಾಜಿ ಉಂಡು ಪಂದ್ ರಾಜ್ಯ ಹವಾಮಾನ ಇಲಾಖೆ ಮುನ್ಸೂಚನೆ ಕೊರ್ತುಂಡು.

ಬೆಂಗ್ಲೂರ್, ಬೆಂ.ಗ್ರಾಮಾಂತರ, ಚಾಮರಾಜನಗರ ಚಿಕ್ಕಬಳ್ಳಾಪುರ, ಕೋಲಾರ, ಮೈಸೂರ್, ರಾಮನಗರ, ಕೊಡಗು, ಕುಡ್ಲ, ಬೀದರ್, ಕಲಬುರಗಿಡ್ ಬರ್ಸ ಬರ್ಪುಂಡು ಪಂದ್ ಪಂತ್ಂಡ್.

1.3 crore rupees worth gold being smuggled has been confiscated ಕಲ್ವ ತಾದಿಡ್ ಕೊನೊಂದು ಇತ್ತಿನ 1.3 ಕೋಟಿ ರೂ. ದ ಬಂಗಾರ್ ಪತ್ತೆ

ಕುಂಬಳೆ: ಕಲ್ಲಿಕೋಟೆದ ಕರಿಪ್ಪೂರ್‌ ಇಮಾನ ನಿಲ್ದಾಣಡ್ 1.3 ಕೋಟಿ ರೂ. ದ ಬಂಗಾರ್ ನ್ ಕಲ್ವ ತಾದಿಡ್ ಕೊನೊಂದು ಇತ್ತಿನ, ಗಲ್ಫ್ ರ್ದ್ ಬತ್ತಿನ ಮೂಜಿ ಜನನ್ ಕಸ್ಟಮ್‌ ಅಧಿಕಾರಿಲು ಅರೆಸ್ಟ್ ಮಲ್ತಿನ ಘಟನೆ ನಡತ್ಂಡ್.

ಅರೆಸ್ಟ್ ಆಯಿನ ಆರೋಪಿಲು ಕಾಸ್ರೋಡುದ ಅಬ್ದುಲ್‌ ಸಲಾಂ (43), ಮಲಪ್ಪುರಂ ಮೋನವುದ್‌ ನೂರುದ್ದಿನ್‌ (24) ಬೊಕ್ಕ ಕಲ್ಲಿಕೋಟೆದ ಹುಸೈನ್‌ (35) ಪಂದ್ ತೆರಿದ್ ಬೈದ್ಂಡ್. ಮೊಕ್ಲೆನ್ ಅಧಿಕಾರಿಲು ವಿಚಾರಣೆ ನಡಪಾವೊಂದು ಉಲ್ಲೆರ್.

1.3 crore rupees worth gold being smuggled has been confiscated

Kumble: About 1.3 crore worth gold being smuggled at Calicut airport by three persons arriving from the gulf countries was confiscated by the customs authorities and the persons have been arrested.

Rampa character of the film Kantara gets Chitrasante film Award-2023 ಕಾಂತಾರದ ರಾಂಪ ಪಾತ್ರಧಾರಿಗ್ ಚಿತ್ರಸಂತೆ ಫಿಲಂ ಅವಾರ್ಡ್-2023

ಬೆಂಗ್ಲೂರ್ ಡ್ ನಡತಿನ ಅವಾರ್ಡ್ ಫಂಕ್ಷನ್‌ ಡ್ ಕಾಂತಾರ ಪಿಕ್ಚರ್ ದ ರಾಂಪ ಪಾತ್ರಧಾರಿ ಖ್ಯಾತಿದ, ಪ್ರಕಾಶ್ ತೂಮಿನಾಡ್ ಮೆರೆಗ್ ಚಿತ್ರಸಂತೆ ಫಿಲ್ಮ್ ಅವಾರ್ಡ್-2023 ತಿಕ್ ದ್ಂಡ್.

ಮೇರ್ ತುಳು ಬೊಕ್ಕ ಕನ್ನಡ ಪಿಕ್ಚರ್ ಡ್ ಸಕ್ರಿಯವಾದ್ ಪೋಷಕೆ ನಟೆ ಬೊಕ್ಕ ಹಾಸ್ಯ ನಟೆಯಾದ್ ಅಭಿನಯ ಮಲ್ದೆರ್. ಅತ್ತಂದೆ ಜಗತ್ತ್ ಡೇ ಪುಗರ್ತೆ ಪಡೆಯಿನ ಕಾಂತಾರ ಪಿಕ್ಚರ್ ಡ್ ರಾಂಪ ಪಾತ್ರಧಾರಿ ಆದ್ ಮಾತೆರ್ನಲ ಮನಸ್ ಗೆಂದ್ ದೆರ್.

Rampa character of the film Kantara gets Chitrasante film Award-2023

At the awards function in Bangalore Prakash Thuminad who played the part of the much loved character of Rampa bagged the Chitrasante Film Awards 2023.

He is active in Tulu and Kannada films playing humerous and sidekick roles.

Radio Manipal to air Kathe Kelona series ರೇಡಿಯೊ ಮಣಿಪಾಲ್ ಡ್ ಕಥೆ ಕೇಳೋಣ ಕೂಪೆ

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಕನ್ನಡ ಸಾಹಿತ್ಯ ಪರಿಷತ್ ಒಡಿಪು ಜಿಲ್ಲೆ ಬೊಕ್ಕ ತಾಲೂಕ್ ಘಟಕದ ಒಟ್ಟುಸೇರಿಗೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 47ನೇ ಸಂಚಿಕೆ ಮಾ.25 ಸನಿಯಾರ ಬಯ್ಯಗ್ 4.30ಕ್ಕ್ ಪ್ರಸಾರ ಆಂಡ್.

ಈ ಲೇಸ್ ಡ್ ಸಾಹಿತ್ಯಾಸಕ್ತೆರ್ ಯಶೋದ ಗಾಣಿಗ ಮೊಗೆಬೆಟ್ಟು ಪಾಲ್ ಪಡೆಯೆರೆ ಉಲ್ಲೆರ್. ಮಾ.26 ಮಧ್ಯಾಹ್ನ 12.30ಕ್ಕ್ ಮರುಪ್ರಸಾರ ಆಪುಂಡು.

Firefighters resuce a person fallen into a 80 feet crevasse 80 ಅಡಿತ್ತ ಗುವೆಲ್ ಗ್ ಬೂರ್ನ ಜನನ್ ಬಚಾವ್ ಮಲ್ತಿನ ಅಗ್ನಿ ಶಾಮಕ ದಳ

80 ಅಡಿತ್ತ ಗುವೆಲ್ ಗ್ ಬೂರ್ನ ಜನನ್ ಸಿಂದಗಿ ಅಗ್ನಿ ಶಾಮಕದಳತ್ತ ಸಿಬ್ಬಂದಿಲು ಬಚಾವ್ ಮಲ್ತಿನ ಘಟನೆ ವಿಜಯ ಸಿಂದಗಿ ಪಟ್ಟಣಡ್ ಸನಿಯಾರ ನಡತ್ಂಡ್.

ಅಸ್ಲಂ ಮೌಲಾಸಾಹೇಬ್ ನದಾಫ್ ಬಚಾವ್ ಆಯಿನ ಜನ. ಮೇರ್ ಕಾರ್ ಜಾರ್ದ್ ಗುವೆಲ್ ಗ್ ಬೂರ್ದಿತ್ತೆರ್.

Firefighters resuce a person fallen into a 80 feet crevasse

Aslam Maulasaheb had accidentally fallen into a crevassse that was 80 feet deep at Sindagi town. Firefighters were successful in rescuing him.

NIA issues notice to confiscate the office of PFI at Sullia ಪಿಎಫ್‌ಐ ಸುಳ್ಯದ ಕಚೇರಿನ್ ಜಪ್ತಿ ಮಲ್ಪೆರೆ ಎನ್‌ಐಎ ನೋಟೀಸ್

ಪುತ್ತೂರ್: ಸುಳ್ಯದ ಗಾಂಧಿನಗರ ಕೈತಲ್ ದ ಪಿಎಫ್‌ಐ ಕಚೇರಿನ್ ಜಪ್ತಿ ಮಲ್ಪರೆ ರಾಷ್ಟ್ರೀಯ ತನಿಖಾದಳ (ಎನ್‌ಐಎ) ನೋಟೀಸ್ ಜಾರಿ ಮಲ್ದ್ಂಡ್.

ಪ್ರವೀಣ್ ನೆಟ್ಟಾರ್ ನ್ ಕೆರಿನ ಕೇಸ್ ಸೇರಿನಂಚನೆ ಭಾರತದ ಏಕತೆ, ಸಮಗ್ರತೆ, ಭದ್ರತೆ ಗ್ ಧಕ್ಕೆ ಕನಯೆರೆ ಪ್ರಯತ್ನ ಮಲ್ತೊಂದು ಇಪ್ಪುನ ಆರೋಪದಡಿಟ್ಟ್ ಈ ಕಚೇರಿಗ್ ನೋಟೀಸ್ ಜಾರಿ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್.

NIA issues notice to confiscate the office of PFI at Sullia

Puttur: The NIA has issued notice to confiscate the office of the PFI at Sullia on accusations of it trying to cause unrest and causing harm to the internal security of the country.

Whirlwind in Punjab -10 persons injured ಪಂಜಾಬ್ ಡ್ ಸುಂಟರಗಾಳಿ: 10 ಜನಕ್ಕ್ ಪೆಟ್ಟ್

ಭಾರೀ ಸುಂಟರಗಾಳಿಗ್ 10 ಜನಕ್ಕ್ ಪೆಟ್ಟಾಯಿನ ಘಟನೆ ಪಂಜಾಬ್‌ದ ಫಜಿಲ್ಕಾ ಜಿಲ್ಲೆದ ಬುಕೈನ್‌ವಾಲಾ ಗ್ರಾಮಡ್ ಸುಕ್ರಾರ ಬಯ್ಯಗ್ 4 ಗಂಟೆಗ್ ನಡತ್ಂಡ್.

ಅತ್ತಂದೆ ಸುಮಾರ್ 50 ಇಲ್ಲ್ ಗ್ ಹಾನಿ ಆತ್ಂಡ್ ಪಂದ್ ಫಾಜಿಲ್ಕಾ ಉಪ ಆಯುಕ್ತೆರ್ ಸೇನು ದುಗ್ಗಲ್ ತೆರಿಪಾದೆರ್. ನೆಟ್ಟ್ ಪೆಟ್ಟಾಯಿನ ರಡ್ಡ್ ಜನನ್ ಫರೀದ್‌ಕೋಟ್ ವೈದ್ಯಕೀಯ ಕಾಲೇಜ್ ಗ್ ದಾಖಲ್ ಮಲ್ದೆರ್. ಒರಿನಕುಲೆನ್ ಅಬೋಹರ್ ಸಿವಿಲ್ ಆಸ್ಪತ್ರೆಗ್ ಸೇರ್ಸಾದೆರ್ ಪಂದ್ ತೆರಿದ್ ಬೈದ್ಂಡ್. ಈ ಘಟನೆದ ವೀಡಿಯೊ ಸಾಮಾಜಿಕ ಜಾಲತಾಣಡ್ ವೈರಲ್ ಆತ್ಂಡ್.

Whirlwind in Punjab -10 persons injured

Whirlwind in Fazilka district region of Punjab injured more than 10 persons .More than 50 houses were damaged in the winds. The video of the whirlwind has gone viral on social media.

Radio Manipal to air “Puranamrutha- Pauranika Patra Jeevana Sutra” program ರೇಡಿಯೊ ಮಣಿಪಾಲ್ ಡ್ ಪುರಾಣಾಮೃತ- ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಪುರಾಣಾಮೃತ- ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್ ದ 88ನೇ ಸಂಚಿಕೆ ಮಾ.25 ಸನಿಯಾರ ಬಯ್ಯಗ್ 4.15ಕ್ಕ್ ಪ್ರಸಾರ ಆಂಡ್.

ಈ ಲೇಸ್ ಡ್ ಉಪನ್ಯಾಸಕೆರ್ ಮುಂಡಾಜೆ ಕುಮಾರೇಶ್ವರ ಭಟ್ ಪಾಲ್ ಪಡೆಯೆರೆ ಉಲ್ಲೆರ್. ನನ ಮಾ.26 ಮಧ್ಯಾಹ್ನ 12.15ಕ್ಕ್ ಮರುಪ್ರಸಾರ ಆಪುಂಡು.

Puttur Bus stand to be named after Koti Chennaya tomorrow ಎಲ್ಲೆ ಪುತ್ತೂರ್ ಬಸ್ ಸ್ಯಾಂಡ್ ಗ್ ಕೋಟಿ-ಚೆನ್ನಯ ಪುದರ್ ದೀಪುನ ಲೇಸ್

ಕುಡ್ಲ: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ಪುತ್ತೂರ್ ಬಸ್ ಸ್ಯಾಂಡ್ ಗ್ ‘ಕೋಟಿ-ಚೆನ್ನಯ’ ಪುದರ್ ದೀಪುನ ಲೇಸ್ (ಮಾ.26) ಎಲ್ಲೆ ಬೊಲ್ಪುಗು 10 ಗಂಟೆಗ್ ಬಸ್ ಸ್ಯಾಂಡ್ ಡ್ ನಡಪರೆ ಉಂಡು.

ಸಾರಿಗೆ ಬೊಕ್ಕ ಪರಿಶಿಷ್ಟ ಪಂಗಡಲೆನ ಕಲ್ಯಾಣ ಸಚಿವೆರ್ ಬಿ ಶ್ರೀರಾಮುಲು ಪುದರ್ ಪಲವೆನ್ ಉದಿಪನ ಮಲ್ಪುವೆರ್. ಜಿಲ್ಲಾ ಉಸ್ತುವಾರಿ ಸಚಿವೆರ್ ವಿ. ಸುನಿಲ್ ಕುಮಾರ್ ತುಡರ್ ಅರ್ಲಾವೆರ್. ಮೀನುಗಾರಿಕೆ, ಬಂದರು ಬೊಕ್ಕ ಒಳನಾಡು ಜಲ ಸಾರಿಗೆ ಇಲಾಖೆ ಸಚಿವೆರ್ ಎಸ್. ಅಂಗಾರ, ಸಮಾಜ ಕಲ್ಯಾಣ ಬೊಕ್ಕ ಹಿಂದುಳಿದ ವರ್ಗಲೆನ ಕಲ್ಯಾಣ ಇಲಾಖೆ ಸಚಿವೆರ್ ಕೋಟ ಶ್ರೀನಿವಾಸ್ ಪೂಜಾರಿ, ಬೊಕ್ಕ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ ನಿಗಮದ ಅಧ್ಯಕ್ಷೆರ್ ಎಂ. ಚಂದ್ರಪ್ಪ ಗೌರವ ಉಪಸ್ಥಿತಿಡ್ ಉಲ್ಲೆರ್. ಈ ಲೇಸ್ ದ ಗುರ್ಕಾರ್ಮೆನ್ ಪುತ್ತೂರ್ ಶಾಸಕೆರ್ ಸಂಜೀವ ಮಠಂದೂರು ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಸಂಸದೆರ್ ನಳಿನ್ ಕುಮಾರ್ ಕಟೀಲ್, ರಾಜ್ಯಸಭೆ ಸದಸ್ಯೆರ್ ಡಾ| ಡಿ. ವೀರೇಂದ್ರ ಹೆಗ್ಗಡೆ, ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷೆರ್ ತಿಮ್ಮಪ್ಪ ಶೆಟ್ಟಿ, ಶಾಸಕೆರ್ ಯು.ಟಿ. ಖಾದರ್, ಡಾ.ಭರತ್ ಶೆಟ್ಟಿ ವೈ, ಹರೀಶ್ ಪೂಂಜ, ರಾಜೇಶ್ ನಾಯ್ಕ್ ಯು, ಡಿ. ವೇದವ್ಯಾಸ ಕಾಮತ್, ಉಮಾನಾಥ ಎ. ಕೋಟ್ಯಾನ್, ಪರಿಷತ್ ಶಾಸಕೆರ್ ಬಿ.ಎಂ. ಫಾರೂಕ್, ಕೆ. ಹರೀಶ್ ಕುಮಾರ್, ಆಯನೂರು ಮಂಜುನಾಥ, ಎಸ್.ಎಲ್. ಭೋಜೇಗೌಡ, ಕೆ. ಪ್ರತಾಪ್ ಸಿಂಹ ನಾಯಕ್, ಮಂಜುನಾಥ ಭಂಡಾರಿ, ರಾಜ್ಯ ವಿದ್ಯುನ್ಮಾನ ಅಭಿವೃದ್ಧಿ ನಿಗಮದ ಅಧ್ಯಕ್ಷೆರ್ ಹರಿಕೃಷ್ಣ ಬಂಟ್ವಾಳ, ಮೀನುಗಾರಿಕೆ ಅಭಿವೃದ್ಧಿ ನಿಗಮದ ಅಧ್ಯಕ್ಷೆರ್ ಎ.ವಿ. ತೀರ್ಥರಾಮ, ಪುತ್ತೂರ್ ನಗರಸಭೆ ಅಧ್ಯಕ್ಷೆರ್ ಜೀವಂಧರ್ ಜೈನ್, ಪುತ್ತೂರ್ ನಗರಾಭಿವೃದ್ಧಿ ಯೋಜನಾ ಪ್ರಾಧಿಕಾರದ ಅಧ್ಯಕ್ಷೆರ್ ಭಾಮಿ ಅಶೋಕ್ ಶೆಣೈ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಪ್ರಕಟಣೆಡ್ ತೆರಿಪಾದೆರ್.

Puttur Bus stand to be named after Koti Chennaya tomorrow

Mangalore: The KSRTC bus stand will be named after Koti Chennaya on March 26 th. B Ramlu minister for transport and backward classes will inaugurate the name plate.