March 27, 2023

May 3 rd-6 th: Punar pratistan, Kalashabisheka and Nema rituals at Arantabettu guttu for Shri Ullaya, Kanteri Jumadi, Parivara Daiva ಮೇ 3-6: ಅರಂತಬೆಟ್ಟುಗುತ್ತು ಶ್ರೀ ಉಳ್ಳಾಯ, ಕಾಂತೇರಿ ಜುಮಾದಿ, ಪರಿವಾರ ದೈವೊಲೆನ ಪುನರ್ ಪ್ರತಿಷ್ಠೆ, ಕಲಶಾಭಿಷೇಕ, ಧರ್ಮ ದೈವೊಲೆನ ನೇಮ

ಸುರತ್ಕಲ್: ಅರಂತಬೆಟ್ಟು ಶ್ರೀ ಉಳ್ಳಾಯ, ಕಾಂತೇರಿ ಜುಮಾದಿ, ಪರಿವಾರ ದೈವೊಲೆನ ಪುನರ್ ಪ್ರತಿಷ್ಠೆ, ಕಲಶಾಭಿಷೇಕ ಬೊಕ್ಕ ಧರ್ಮದೈವೊಲೆನ ನೇಮ ಬೊಕ್ಕ ಅರಂತಬೆಟ್ಟುಗುತ್ತು ಧರ್ಮ ಚಾವಡಿದ ಇಲ್ಲ್ ಒಕ್ಕೆಲ್ ಲೇಸ್ ಮೇ 3-6 ಮುಟ್ಟ ನಡಪರೆ ಉಂಡು.

ಸುರತ್ಕಲ್ ಮಧುಸೂಧನ ಮಯ್ಯ ಮೆರೆನ ಉಪಸ್ಥಿತಿಡ್, ಧಾರ್ಮಿಕ ವಿಧಿ ವಿಧಾನದೊಟ್ಟಿಗೆ ಲೇಸ್ ನಡಪರೆ ಉಂಡು. ಈ ಲೇಸ್ ದ ಬಗೆಟ್ ಅಟ್ಟಣೆದ ಸಭೆ ಮುರಾನಿ ಅರಂತಬೆಟ್ಟು ಗುತ್ತುಡ್ ನಡತ್ಂಡ್. ಈ ಸಭೆಟ್ಟ್ ಲೆಪ್ಪೋಲೆನ್ ಬುಡುಗಡೆ ಮಲ್ತೆರ್. ಬೊಕ್ಕ ಸಮಿತಿದ ಅಧ್ಯಕ್ಷೆರ್ ಬಾಲಕೃಷ್ಣ ಶೆಟ್ಟಿ ಪಾತೆರ್ದ್, ಕರಿನ 80 ವರ್ಷೊರಗದಿಂಚಿ ಅಜೀರ್ಣಾವಸ್ಥೆಡ್ ಉಪ್ಪುನ ಅರಂತಬೆಟ್ಟು ಉಳ್ಳಾಯ ಬೊಕ್ಕ ಪರಿವಾರ ದೈವೊಲೆನ ದೇವಲ್ಯ ಕುಟುಂಬದಕ್ಲೆನ ಬೊಕ್ಕ ಊರುದಕಲೆನ ಸಹಕಾರದೊಟ್ಟಿಗೆ ಜೀರ್ಣೋದ್ಧಾರ ಆದ್, ಪುನರ್ ಪ್ರತಿಷ್ಠೆ, ಕಲಶಾಭಿಷೇಕ ಬೊಕ್ಕ ಇಲ್ಲ್ ಒಕ್ಕೆಲ್ ಗ್ ದಿನ ನಿಗಂಟ್ ಆಂಡ್. ನೆಕ್ಕ್ ಮಾತೆರೆನ್ಲಾ ಸಹಕಾರ ಬೊಡು ಪಂದ್ ಪಂಡೆರ್. ಈ ಪೊರ್ತುಡು ಕುಟುಂಬಿಕೆರಾಯಿನ ದಿಲ್ ರಾಜ್ ಆಳ್ವ, ಮುದ್ದಣ್ಣ ಶೆಟ್ಟಿ, ಕೋಶಾಧಿಕಾರಿ ನವೀನ್ ಶೆಟ್ಟಿ, ಕಾರ್ಯದರ್ಶಿ ಚಿತ್ರಾ ಶೆಟ್ಟಿ, ರಾಜೇಶ್ ಶೆಟ್ಟಿ ಇತ್ತೆರ್.

ಸಭೆಟ್ಟ್ ಬಾಲಕೃಷ್ಣ ಶೆಟ್ಟಿ ಅಂಗಡಿಗುತ್ತು, ರಮಾನಾಥ ರೈ, ಡಾ. ಎಸ್.ರಾಮಕೃಷ್ಣ ಶರ್ಮಾ, ಸತ್ಯಜಿತ್ ಸುರತ್ಕಲ್, ಭುಜಂಗ ಶೆಟ್ಟಿ, ಪ್ರಶಾಂತ್ ಶೆಟ್ಟಿ, ಕಾರ್ಪೋರೇಟರ್ ಶ್ವೇತಾ ಪೂಜಾರಿ, ಲೋಕಯ್ಯ ಶೆಟ್ಟಿ ಮುಂಚೂರ್, ಸತೀಶ್ ಮುಂಚೂರ್, ಪುಷ್ಪರಾಜ್ ಶೆಟ್ಟಿ ಕುಡುಂಬೂರ್, ಜಗನ್ನಾಥ ಶೆಟ್ಟಿ ಬಾಳ ಸಲಹೆ ಸೂಚನೆ ಕೊರಿಯೆರ್.

ಲೇಸ್ ದ ಪೊಲಬು
ಮೇ 3 ಬುಧಾರ ಬೊಲ್ಪುಗು ನಾಗದೇವೆರೆಗ್ ಪವಮಾನ ಹೋಮ, 25 ಕಲಶ, ತಂಬಿಲ, ಆಶ್ಲೇಷಾ ಪೂಜೆ, ಮಹಾಪೂಜೆ, ಮಧ್ಯಾಹ್ನ ಅನ್ನಸಂತರ್ಪಣೆ, ಬಯ್ಯಗ್ ಶಿಲ್ಪಿಲೆರ್ದ್ ಆಲಯ ಪರಿಗ್ರಹ, ಸ್ವಸ್ತಿ ಪುಣ್ಯಾಹ, ಪ್ರಸಾದ ಶುದ್ಧಿ, ರಾಕ್ಷೋಘ್ನ ಹೋಮ, ವಾಸ್ತುಹೋಮ, ವಾಸ್ತು ಪೂಜೆ, ದಿಕ್ಪಾಲಕ ಬಲಿ ನಡಪರೆ ಉಂಡು.

ಮೇ 4 ಬೊಲ್ಪುಗು ಗಣಹೋಮ, ವೆಂಕಟರಮಣ ದೇವೆರೆಗ್ ಮುಡಿಪು ಕಟ್ಟಿಯೆರೆ, ಗೃಹಪ್ರವೇಶ, ದೈವೊಲೆನ ಪ್ರತಿಷ್ಠೆ, ದರ್ಶನ, ನವಗ್ರಹ ಶಾಂತಿ ಹೋಮ, ಶ್ರೀ ಸತ್ಯನಾರಾಯಣ ಪೂಜೆ, ಮಧ್ಯಾಹ್ನ ಅನ್ನ ಸಂತರ್ಪಣೆ, ಬಯ್ಯಗ್ ದೈವೊಲೆನ ಕಲಶ ಪ್ರತಿಷ್ಠೆ, ಸುದರ್ಶನ ಹೋಮ, ಅಧಿವಾಸ ಹೋಮ, ರಾತ್ರೆ ಅನ್ನಸಂತರ್ಪಣೆ ನಡಪರೆ ಉಂಡು.

ಮೇ 5 ಬೊಲ್ಪುಗು ಗಣಹೋಮ, ದೈವೊಲೆಗ್ ಕಲಶಾಭಿಷೇಕ, ಪರ್ವಸೇವೆ, ಶ್ರೀ ಉಳ್ಳಾಯ ದೈವಗ್ ನೇಮ, ಒಡಿಯೂರು ಕ್ಷೇತ್ರದ ಗುರುದೇವಾನಂದ ಸ್ವಾಮೀಜಿ ಶ್ರೀ ಕ್ಷೇತ್ರಗ್ ಬತ್ತ್ ದ್ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಮಧ್ಯಾಹ್ನ ಅನ್ನಸಂತರ್ಪಣೆ, ಬಯ್ಯಗ್ ಮೈಸಂದಾಯ ದೈವೊಗ್ ನೇಮ, ರಾತ್ರೆ ಅನ್ನಸಂತರ್ಪಣೆ, ಕಾಂತೇರಿ ಜುಮಾದಿ, ಬಂಟ, ಸರಳ ಜುಮಾದಿ ಬಂಟ ಬೊಕ್ಕ ಪಿಲಿಚಾಮುಂಡಿ ದೈವೊಲೆನ ನೇಮ ನಡಪರೆ ಉಂಡು.

ಮೇ 6 ಸನಿಯಾರ ಬಯ್ಯಗ್ ಜಾಗೆದ ಪಂಜುರ್ಲಿ ಬೊಕ್ಕ ಕಲ್ಲುರ್ಟಿ ಪಂಜುರ್ಲಿ ದೈವೊಲೆನ ನೇಮ, ರಾತ್ರೆ ಅನ್ನಸಂತರ್ಪಣೆ ನಡಪರೆ ಉಂಡು.

”ತುಳು ಭಾಷೆದ ಪರ ಇತ್ತಿನಕಲೆಗ್ ಈ ಸಲ ತುಳುವೆರ್ ಓಟು ಕೊರೊಡು”- ವಸಂತ ಶೆಟ್ಟಿ ಬೆಳ್ಳಾರೆ ಲೆಪ್ಪು

”ಕರ್ನಾಟಕ ರಾಜ್ಯೋಡು ತುಳು ಬಾಸೆಗ್ ರಾಜ್ಯ ಬಾಸೆದ ಮಾನಾದಿಗೆ ಕೊರಿಯೆರೆ ಸ್ವರ ದೆರ್ಪುನಕಲೆಗ್ ಪಕ್ಷ ಬೇಧ ಜಾತಿ ತೂವಂದೆ ಈ ಸಲತ ಓಟು ಕೊರ್ದು ಬೆರಿ ಬಲ ಕೊರೊಡು, ಉಂದೆಕ್ಕಾದ್ ಮಾತಾ ತುಳುವೆರೆನ ಮನಸ್ ಗೆಂದ್ಯರೆ ಇಲ್ಲ ಇಲ್ಲಗ್ ಪೋದು ಪ್ರಚಾರ ಮಲ್ಪುನ ಅಭಿಯಾನ ಸುರು ಮಲ್ಪೊ ಡು” ಪಂಡುದ್ ದಿಲ್ಲಿದ ತುಳು ಸಿರಿ ಸಂಘದ ಗುರ್ಕಾರೆ ವಸಂತ ಶೆಟ್ಟಿ ಬೆಳ್ಳಾರೆ ಮೇರ್ ಮಾತಾ ತುಳುವೆರೆಗ್ ಲೆಪ್ಪು ಕೊರ್ದು ಪಾಕ ಕಾಲೊದಿಂಚಿ ನೆಗರೊಂದುಪ್ಪುನ ರಾಜ್ಯ ಬಾಸೆದ ತುಳುವೆರೆನ ಉಡಲ್ದ ಆಸೆಗ್ ಪೊಸ ರಾಜಕೀಯ ನಡೆತ ಮುಂದಲೆದ ನುಡಿ ಬರೆಯೆರ್ .

ತುಳು ಬಾಸೆದ ಒರಿಪುಗಾದ್ ತುಳುವೆರೆನ ಇನಿ ಮುಟ್ಟದ ಪೊರಂಬಾಟ ಒವ್ವುಲಾ ಎನ್ನಿಲಕ್ಕ ನಡಪಂದಿನೈಟ್ ತುಳುವೆರ್ ಇನಿ ತಾದಿ ತೊಜಾಂದೆ ಈ ರಾಜಕೀಯ ನಿರ್ಧಾರ ದೆತೊನುನ ಪರಿಸ್ಥಿತಿ ಉಂಡಾಂಡ್ . ಈ ನಿಲೆಟ್ ತುಳುವೆರ್ ಮಾತಾ ಇಲ್ಲ ಇಲ್ಲಗ್ ಪೋದು ತುಳುವೆರೆಗ್ ತೆರಿಪಾವೊಡು , ರಾಜಕೀಯ ಕಾರ್ಯಕ್ರಮ ನಡಪನಗ ಜನ ನಾಯಕೆರೆಡ ಒತ್ತಾಯ ಮಲ್ತು ಘೋಷಣೆ ಮುಕಾಂತ್ರ , ಪ್ರಣಾಳಿಕೆಡ್ ಬರೆಪಾವುನ ಮುಕಾಂತ್ರ ಯೇರ್ ತುಳು ಬಾಷೆಗ್ ಮಾನ್ಯತೆ ಕೊರ್ಪಾವೆ ಪಂಡುದ್ ವಾಗ್ದಾನ ಮಲ್ಪುವೆರಾ ಅಕಲ ಬೆರಿಕುಂತುದು ಅಕಲು ಗೆಂದೆರೆ ತುಳು ಸಂಘ ಸಂಸ್ಥೆಲು ಪಕ್ಷ ತೂವಂದೆ ಬೇಲೆ ಮಲ್ಪೊಡು ಪಂಡುದ್ ಆರ್ ಲೆಪ್ಪು ಕೊರಿಯೆರ್ .

”ಈ ಸಲ ಎನ್ನ ಓಟು ತುಳು ಬಾಸೆಗ್” ಪಂಡುದ್ ಮನಸ್ಸ್ ನಿಗಂಟ್ ಮಲ್ತುದು ಇಲ್ಲಗ್ ಓಟು ಕೇನೆರೆ ಬತ್ತಿನಕಲೆಡ ”ಎನ್ನ ಅಪ್ಪೆ ಬಾಸೆ ತುಳುಕ್ಕು ನಿಕಲೆನ ಯೋಜನೆ ದಾದ ?” ಪಂಡುದ್ ಕೇನೊಡು , ಅಕಲೆಡ ಚುನಾವಣೆ ಪ್ರಣಾಲಿಕೆಡ್ , ವೇದಿಕೆಡ್ ತುಳುಕು ಮಾನಾದಿಗೆ ಕೊರ್ಪಾವೆ ಪಂಡುದ್ ಸಾರ್ವಜನಿಕ ಘೋಷಣೆ ಮಲ್ಪಾವೊಡು. ತುಳು ಪರ ಇತ್ತಿನಕಲೆಗ್ ಓಟು ಪಾಡುಲಕ್ಕ ಪ್ರಚಾರ ಮಲ್ಪಾವೊಡು , ಪರ ಊರುಡು ಇತ್ತಿನಕುಲು ಇಲ್ಲದಕಲೆಗ್ ಈ ವಿಚಾರ ತೆರಿಪಾವೊಡು ಇಂಚಾಂಡ ಮಾತ್ರ ತುಳು ಬಾಸೆದ ರಾಜಕೀಯ ಒತ್ತಡ ಸಾಧ್ಯ ಆಪುಂಡು ಪಂಡುದ್ ವಸಂತ ಶೆಟ್ರು ಸಂಘ ಸಂಸ್ಥೆದ ಗುರ್ಕಾರ್ಲೆಗ್ ಅರಿಕೆ ಮಲ್ತೆರ್ .

ತುಳುತ ಹಿರಿಯೆರೆನ್ , ಸಾಹಿತೆಲೆನ್ , ಕಲಾವಿದೆರೆನ್ ಮಾತಾ ಒಟ್ಟು ಪಾಡೊಂದು ಒಂಜಿ ಸಸೂತ್ರ ನಿರ್ಣಯ ಮಲ್ತುದು ಈ ಪೊರಂಬಾಟದ ತೂ ಯಾಪೊಗುಲಾ ಮಾಜಂದಿಲಕ್ಕ , ತಾದಿ ತಪ್ಪಂದಿಲಕ್ಕ ಕ್ರಮ ಬದ್ಧವಾದ್ ನಿರಂತರ ನಡತೊಂದು ಉಪ್ಪೆರೆಗ್ ರೂಪು ರೇಷೆ , ಯೋಚನೆ ಮಲ್ತುದು ಕಡೆಮುಟ್ಟ ಕೋಡಿ ಎತ್ತಾವೊಡು. ಬೆರಿ ಸಾಯ ಉಂತುನ ಮಾತಾ ತುಳು ಕನ್ನಡದ ರಾಜಕೀಯ ನಾಯಕೆರೆನ ಪರವಾದ್ ಪ್ರಚಾರ ಮಲ್ತುದು ಅಕಲೆನ್ ಗೆಂದಾವೊಡು . ಸಾಮಾಜಿಕ ಜಾಲ ತಾಣ , ಟ್ವಿಟ್ಟರ್ ಮುಕಾಂತ್ರ ಈ ಅಭಿಯಾನದ ಸ್ವರ ಪ್ರಪಂಚದ ಮಾತಾ ಕಡೆಕ್ಕ್ ಕೇಣುಲಕ್ಕ ಮಲ್ಪಾದ್ ತುಳು ಬಾಸೆ ಒಂಜಿ ರಾಜಕೀಯ ಶಕ್ತಿ ಪನ್ಪಿನವೇನ್ ಅಕಲೆಗ್ ತೆರಿಪಾ ಕೊರೊಡು.

ಕೇಂದ್ರ ಸರಕಾರದ ವ್ಯಾಪ್ತಿಡ್ ಅಪಗನೆ ಬೋಡಾಯಿನಾತ್ ಪ್ರಯತ್ನ ನಡತ್ತಿನಾಂಡಲಾ ಅವು ಪ್ರಯೋಜನೊಗು ಬೂರ್ದಿಜಿ . ರಾಜ್ಯ ಬಾಸೆ ಆಂಡ ಎಡ್ಮನೆ ಪರಿಚ್ಚೇದೊಗು ಸೇರುನ ನಮ್ಮ ಸಾದಿ ಸುಲಭ ಆಪುಂಡು. ನಮ್ಮ ಸ್ವರ ಈ ಸರ್ತಿ ಒಂಜೇ ದಿಕ್ಕ್ ಡ್ ಒಟ್ಟಾದ್ ಕಡಲ್ ಅರೆಬಾಯಿ ಕೊರಿಲಕ್ಕ ಕೇನೊಡು. ಐಕಾದ್ ಪ್ರತಿ ತುಳುವೆಲಾ ಇನಿದಿಂಚೆ ಎಚ್ಚರಾದ್ ಉಂದು ನಮ್ಮ ಅಕೇರಿದ ಸಾದಿ ಪನ್ಪಿಲೆಕ್ಕ ಪುಣೆವೊಡು, ಯಾನ್ ಯಾಪ ಮುಟ್ಟಲಾ ಈ ವಿಚಾರೊಡು ದುಂಬು ಉಂತರೆ ತಯಾರಾದುಲ್ಲೆ ಪಂಡುದ್ ಆರ್ ತುಳು ಅಭಿಮಾನಿಲೆಗ್ ಭರವಸೆದ ಲೆಪ್ಪು ಕೊರಿಯೆರ್ .

ಡಿಜಿಟಲ್ ಮೀಡಿಯಾಡ್ ತುಳುವರ್ಲ್ಡ್ ನೆಟ್ವರ್ಕ್ ದ ಗುರ್ಕಾರ್ಲು ಡಾ. ರಾಜೇಶ್ ಆಳ್ವೆರ್ ಈ ಕಾರ್ಯಕ್ರಮ ಆಯೋಜನೆ ಮಲ್ತು ನಿರೂಪಣೆ ಮಲ್ತೆರ್ . ಊರು ಪರಊರುದ, ಪರ ದೇಶದ ಮಾತಾ ತುಳು ಅಭಿಮಾನಿ ಸಂಘಟನೆದ ಗುರ್ಕಾರ್ಲು ಪಾಲ್ ಪಡೆದ್ ತನ್ಕುಲೆನ ಸಕಾಯ , ಬೆರಿಬಲ ಕೊರ್ಪ ಪಂಡುದ್ ವಾಕ್ದಾನ ಮಲ್ತೆರ್.

Indian Olympics National games – Pranamya Agali selected for Yoga competition ಇಂಡಿಯನ್ ಒಲಂಪಿಕ್ಸ್ ನ್ಯಾಷನಲ್ ಗೇಮ್ಸ್ ಯೋಗ ಪಂತೊಗು ಪ್ರಣಮ್ಯ ಅಗಳಿ ಆಯ್ಕೆ

ಕಾಣಿಯೂರ್: ನ್ಯಾಷನಲ್ ಯೋಗ ಸ್ಪೋರ್ಟ್ಸ್ ಫೆಡರೇಷನ್ ರಾಜಸ್ಥಾನದ ಜೋಧ್ ಪುರಡ್ ಮಾ.18 ರ್ದ್ 23 ಮುಟ್ಟ ನಡತಿನ ಯೋಗ ಪಂತೊಡು ಯೋಗ ಸಾಧಕಿ ಪ್ರಣಮ್ಯ ಅಗಳಿ 2ನೇ ಸರ್ತಿ ನ್ಯಾಷನಲ್ ಗೇಮ್ಸ್ ಇಂಡಿಯನ್ ಒಲಂಪಿಕ್ಸ್ ಯೋಗ ಪಂತೊಗು ಆಯ್ಕೆ ಆತೆರ್.

ಯೋಗ ಸಾಧಕೆರಾಯಿನ ಅಗಳಿ ಚಂದ್ರಹಾಸ್ ಬೊಕ್ಕ ಹೇಮಾ ಚಂದ್ರಹಾಸ್ ಮೆರೆನ ಮಗಲ್ ಆಯಿನ ಮೇರ್ ಪುತ್ತೂರ್ ಅಕ್ಷಯ ಕಾಲೇಜ್ ದ ಕಲ್ಪಾರ್ಥಿ ಆದುಲ್ಲೆರ್.‌ ಅತ್ತಂದೆ ಮೇರ್ ಯೋಗಡ್ ಸುಮಾರ್ ಸರ್ತಿ ರಾಷ್ಟ್ರ ಬೊಕ್ಕ ಅಂತಾರಾಷ್ಟ್ರೀಯ ಪ್ರಶಸ್ತಿಲೆನ್ ಪಡೆತೆರ್.

Indian Olympics National games – Pranamya Agali selected for Yoga competition

Kaniyoor: At the Yoga meet conducted at National Yoga Sports federation, Jodhpur, Rajasthan ; from March 17 th – 23rd Pranamya Agali has been selected for the second time for the National games Indian Olympics yoga compititions.

Pranamya Agali is a yoga expert and the daughter of Chandrahas and Hema. She is the student of Akshaya college , Puttur. She has been a winner in Yoga compititions at the national and international level.

Karnataka is number one in tiger population ಪಿಲಿ ಸಂತತಿಡ್ ಕರ್ನಾಟಕಗ್ ನಂ.1 ಪಟ್ಟ!

ದೇಶಡೇ ಎಚ್ಚ ಪಿಲಿ ಇಪ್ಪುನ ರಾಜ್ಯಲೆನ ಪಟ್ಟಿಡ್ ಈ ಸರ್ತಿ ಕರ್ನಾಟಕ ಸುರುತ ತಾನಗ್ ಏರುನ ಅಂದಾಜಿ ಉಂಡು ಪಂದ್ ವರದಿ ಆತ್ಂಡ್.

ಎಪ್ರಿಲ್ ಸುರುತ ವಾರ 2022ತ್ತ ಪಿಲಿ ಗಣತಿ ವರದಿ ಬುಡುಗಡೆ ಆಪುಂಡು. ಇತ್ತೆ ನಂ.2 ತಾನಡ್ ಇಪ್ಪುನ ಕರ್ನಾಟಕ ಮಧ್ಯಪ್ರದೇಶನ್ ಪಿರವು ಪಾಡ್ದ್ ಸುರುತ ತಾನ ಪಡೆವು ಪಂದ್ ಅಂದಾಜಿ ಮಲ್ದೆರ್. ಪಿಲಿ ಸಂರಕ್ಷಣೆ ತಾಣಲೆನ ಗಣತಿ ನೇರ್ದ್ ದುಂಬುದ ವರದಿಲೆಕ್ಕ ದೇಶಡ್ ಒಟ್ಟು 2967 ಪಿಲಿ ಇತ್ಂಡ್. ನೆರ್ದ್ ದುಂಬುದ ವರದಿದ ಪ್ರಕಾರ
ಮಧ್ಯಪ್ರದೇಶ ಡ್ 526 ಬೊಕ್ಕ ಕರ್ನಾಟಕಡ್ 524 ಪಿಲಿಕುಲು ಉಂಡು.

Karnataka is number one in tiger population

Karnataka ranks number one in India in Tiger population said sources.

According to the report of tiger censes conducted in April 2022; Karnataka that had ranked number two,after Madya Pradesh, would have reached number one by now.
A total of 2967 tigers were recorded from different tiger reserves across the country.
Madya Pradesh had 526 tigers and Karnataka 524 tigers according to the last censes.

Today is the last day to apply to apply for vacancies in Staff Selection Commission ಸ್ಟಾಫ್ ಸೆಲೆಕ್ಷನ್ ಕಮಿಷನ್ ಡ್ ಖಾಲಿ ಇಪ್ಪುನ ಬೇಲೆಗ್ ಅರ್ಜಿ ಪಾಡಿಯೆರೆ ಇನಿಯೇ ಅಕೇರಿದ ದಿನ

ಸ್ಟಾಫ್ ಸೆಲೆಕ್ಷನ್ ಕಮಿಷನ್ ಡ್ ಖಾಲಿ ಇಪ್ಪುನ 5369 ಬೇಲೆಗ್ ಅರ್ಜಿ ಪಾಡಿಯೆರೆ ಇನಿಯೇ ಅಕೇರಿದ ತಾರೀಕ್ ಆತ್ಂಡ್.

ನೆಟ್ಟ್ ಜೂನಿಯರ್ ಅಸಿಸ್ಟೆಂಟ್, ಜೂನಿಯರ್ ಇಂಜಿನಿಯರಿಂಗ್, ಟೆಕ್ನಿಕಲ್ ಅಸಿಸ್ಟೆಂಟ್, ಅಸಿಸ್ಟೆಂಟ್ ಗ್ರೇಡ್ 3, ಎಂಎಲ್ ಟಿ ಬೇಲೆಗ್ ಅಸಕ್ತ ಬೊಕ್ಕ ಅರ್ಹ ಅಭ್ಯರ್ಥಿಲು ಅರ್ಜಿ ಸಂದಾವೊಲಿ. 10 ನೇ, ಇಂಟರ್ ಬೊಕ್ಕ ಪದವಿ ಉತ್ತೀರ್ಣರಾಯಿನ ಅಭ್ಯರ್ಥಿಲು ಬೇಲೆಗ್ ಅನುಗುಣವಾದ್ ಅರ್ಜಿ ಪಡೊಲಿ. ಎಚ್ಚದ ಪೊಲಬುಗಾದ್ ವೆಬ್ ಸೈಟ್: https://ssc.nic.in ಭೇಟಿ ಕೊರೊಲಿ.

Today is the last day to apply to apply for vacancies in Staff Selection Commission

Today is the last day to apply for 5369 job vacancies in Staff Selection Commission.

For details log on to: https:// ssc.nic.in

Black Band protest at the Sansad against Rahul Gandhi’s disqualification ರಾಹುಲ್ ಗಾಂಧಿ ಅನರ್ಹತೆನ್ ವಿರೋಧಿಸಾದ್ ಸಂಸತ್ ಡ್ ಕಪ್ಪು ಕುಂಟು ಕಟ್ಟ್ ದ್ ಪೊರ್ಂಬಾಟ

ರಾಹುಲ್ ಗಾಂಧಿ ಅನರ್ಹತೆನ್ ವಿರೋಧಿಸಾದ್ ಲೋಕಸಭೆ ಬೊಕ್ಕ ರಾಜ್ಯಸಭೆಟ್ಟ್ ಕಾಂಗ್ರೆಸ್ ಸದಸ್ಯೆರ್ ಸಂಸತ್ ಡ್ ಕಪ್ಪು ಕುಂಟು ಕಟ್ಟ್ ದ್ ಪೊರ್ಂಬಾಟ ಮಲ್ತೆರ್.

ನೇರ್ದಾವೆರ ಸದನಡ್ ಗದ್ದಲ ಸುರು ಆಂಡ್. ಅಂಚಾದ್ ರಾಜ್ಯಸಭೆ ಕಲಾಪನ್ ಮಧ್ಯಾಹ್ನ 2 ಗಂಟೆಗ್ ಬೊಕ್ಕ ಲೋಕಸಭೆ ಕಲಾಪನ್ ಬಯ್ಯಗ್ 4 ಗಂಟೆಗ್ ದುಂಬು ದೀತೆರ್. ಬಜೆಟ್ ಅಧಿವೇಶನದ ರಡ್ಡನೇ ಪಂತೆದ ಅಧಿವೇಶನನ್ ಇಡೇ ಮುಟ್ಟಲ ಗದ್ದಲ ಗಲಾಟೆರ್ದೆ ದುಂಬು ದೀದಿತ್ತೆರ್.

Black Band protest at the Sansad against Rahul Gandhi’s disqualification

The Congress party members had worn black clothes to the Rajyasabha and Lokasabha as a protest against Rahul Gandhi’s disqualification .

This caused furore in the house and the session had to be postponed.

Kanyadi Shri Rama Kshetra – silver Palanquin festival ಕನ್ಯಾಡಿ ಶ್ರೀ ರಾಮ ಕ್ಷೇತ್ರಡ್ ಬೊಲ್ಲಿದ ಪಲ್ಲೆಂಕಿ ಉಚ್ಚಯ

ಧರ್ಮಸ್ಥಳ: ಶ್ರೀ ರಾಮ ಕ್ಷೇತ್ರ ಮಹಾಸಂಸ್ಥಾನಡ್ ನಡತೊಂದುಪ್ಪುನ 63ನೇ ವರ್ಷೊದ ಶ್ರೀ ರಾಮ ತಾರಕ ಮಂತ್ರ ಸಪ್ತಾಹ ಬೊಕ್ಕ ಪ್ರತಿಷ್ಠಾ ಜಾತ್ರೆ ಉಚ್ಚಯದ ಅಂಗವಾದ್ ಮಾ.25 ಕ್ಕ್ ರಾತ್ರೆ ಬೊಲ್ಲಿದ ಪಲ್ಲೆಂಕಿ ಉಚ್ಚಯ ಸದ್ಗುರು ಶ್ರೀ ಬ್ರಹ್ಮಾನಂದ ಸರಸ್ವತಿ ಸ್ವಾಮೀಜಿ ಮೆರೆನ ಮುತಾಲಿಕೆಡ್ ನಡತ್ಂಡ್.

ಬೊಲ್ಪುಗು ನವಗ್ರಹ ಶಾಂತಿ ಹೋಮ, ನವಗ್ರಹ ಪೂಜೆ, ಮಹಾ ಪೂಜೆ ನಡತ್ಂಡ್. ಬಯ್ಯಗ್ ಸಾಂಸ್ಕೃತಿಕ ಲೇಸ್ ದ ಅಂಗವಾದ್ ಗಾನ ನೃತ್ಯ ಅಕಾಡೆಮಿ ಕುಡ್ಲ ನೆತ್ತ ನಿರ್ದೇಶಕಿ ವಿದ್ಯಾಶ್ರೀ ರಾಧಾಕೃಷ್ಣ ಬೊಕ್ಕ ಕೂಟದಕ್ಲೆರ್ದ್ ನೃತ್ಯ ಸಂಗಮ ಬೊಕ್ಕ ನೃತ್ಯ ರೂಪಕ ನಡತ್ಂಡ್.

Kanyadi Shri Rama Kshetra – silver Palanquin festival

Dharmasthala: At the 63 rd Shri Rama Taraka mantra Saptaha at Shri Rama Kshetra and Jatra festivities; silver Palanquin festival was held in March 25 th under the guidance of Shri Brahmananda Saraswati Swamiji.